موت سے پیار کریں عشق کا اظہار کریں
تذکرہ آؤ محبت کا سرِ دار کریں
چشمِ حیراں کو یہ ضد ہے تِرا دیدار کریں
دل یہ کہتا ہے تصور سے تِرے پیار کریں
پھر کوئی تازہ فسانہ نہ بنا لے دنیا
ورنہ ہم اور تِری چاہ سے انکار کریں
دَیر و کعبہ کے خداؤں کی گزرگاہِ خیال
ماہ و انجم کے پرستار ضیا بار کریں
عمرِ دو روزہ یہی عمرِ خضر پائے جلیلؔ
وہ نگاہیں جو رہِ غم کو پُر انوار کریں
جلیل الہ آبادی
No comments:
Post a Comment