تم مجھے لکھنے پر مجبور نہ کرو

برائی

 تم مجھے لکھنے پر مجبور نہ کرو

قلم کے روزے کا کفٗارا آگ ہے

خواب دیکھتی آنکھیں بے نور نہ کرو

سمے کی پیشانی پر غصہ اور منہ میں جھاگ ہے

دیمک زدہ کرسیوں پر براجمان بھوت

ڈراتے ڈراتے اچانک ڈر بھی سکتے ہیں

چہروں سے جھانک رہے تمہارے کرتوت

حُلیے بگڑ بگڑ کر مر بھی سکتے ہیں

لوگ اب خوشخبری سننا چاہتے ہیں

وہ جان و مال کے نقصان اور بھوک سے خوفزدہ نہیں ہیں

لیکن مکڑے مزید جالے بُننا چاہتے ہیں

اور وہ اپنی کوششوں میں بالکل تنہا نہیں ہیں

تم مُصیبت ہو جو خدا کی طرف سے آئی ہے

برداشت صبر ہے، لیکن خاموشی بُرائی ہے

توقیر گیلانی