اب محبت تِری بُھلا دوں گا
میں تِرے سارے خط جلا دوں گا
عشق تُو نے مجھے کیا رُسوا
سب کو یہ راز میں بتا دوں گا
میرے ہاتھوں سے بچ نہیں سکتا
عشق کو سخت میں سزا دوں گا
مجھ سے مل کر تو دیکھ شہزادی
پیار کا ذائقہ چکھا دوں گا
بول تو کوئی بول میری جان
اس سے میں اک غزل بنا دوں گا
یہ حکومت مجھے جو مل جائے
میں یہ چھوٹا بڑا مٹا دوں گا
آ ہی جائے نکھار ان میں بھی
ایسی شعروں کو میں جِلا دوں گا
ہر طرف چھوڑ جاؤں گا خوشبو
ایسا حمزہ میں گُل کِھلا دوں گا
امیر حمزہ سلفی
No comments:
Post a Comment