زخم سینے پہ تِرے غم کا سجایا ہوا ہے
بوجھ کاندھوں پہ محبت کا اٹھایا ہوا ہے
اور میں نہیں کرتا کبھی اپنی انا کا سودا
مصلحت ہے جو زرا سر کو جھکایا ہوا ہے
سچے جذبوں کی کسوٹی پہ پرکھنا مجھ کو
میں نے ہر عہد محبت کا نبھایا ہوا ہے
وہ جو الفت کا تعلق تھا سواب ٹوٹ چکا ہے
وہ جو اپنا تھا کبھی، آج پرایا ہوا ہے
چھوڑ کر جاؤں تو کیون بزمِ تمنا فیصل
خود سے آیا نہیں میں تم نے بلایا ہوا ہے
فیصل ودود
No comments:
Post a Comment