ضمیر بیچ کے مسند کو پانے والے لوگ
کہاں پہ پہنچے پتنگے اڑانے والے لوگ
سیاسی داؤں الٹ پھیر مسندوں کی ہوس
ہیں کتنے چھوٹے یہ انعام پانے والے لوگ
کسوٹی جھوٹ کی اور آئينہ سیاست کا
یہ نقلی سونے کو سچا بنانے والے لوگ
یہ جھوٹی شان، یہ لہجہ کی تمکنت دیکھو
سیاسی رشتوں سے سیڑھی بنانے والے لوگ
ہم ایسے اہلِ جنوں کا محال ہے جینا
کہ مسندوں پہ ہیں اردو مٹانے والے لوگ
شان حیدر علوی
No comments:
Post a Comment