غم آئیں تو آنے دو ہم ڈرتے نہیں غم سے

عارفانہ کلام نعتیہ کلام

غم آئیں تو آنے دو ہم ڈرتے نہیں غم سے

لَو ہم نے لگا لی ہے سرکارِ دو عالمﷺ سے

کیا پیاس بُجھے میری ساگر ہیں سبھی کھارے

اِک بُوند کا طالب ہوں، اس وادیٔ شبنم سے

پرواز خیالوں نے، ہر دل نے نظر پائی

کیا کیا نہ ملا ہم کو اس حسنِ مجسمﷺ سے

ہم کو بھی بُلا لیجئے اک بار حضوری میں

ناراض ہیں کیوں آقاؐ کیا بھول ہوئی ہم سے

اس ہاتھ پہ اک بوسہ دے پاتے اگر ہم بھی

تو درس وفاؤں کا لیتا یہ جہاں ہم سے

ہم کو تو سرِ محشر بس ایک سہارہ ہے

وہ آپؐ کی دیکھیں گے ہم دیدۂ پُر نم سے

یہ شعر ہیں پنچھی کے گلدستہ عقیدت کا

نہلایا ہے پھولوں کو جذبات کی شبنم سے

سردار پنچھی

کرنیل سنگھ