عارفانہ کلام نعتیہ کلام
پھیلا اُفق پہ نور رسالت مآبﷺ کا
ہیبت سے منہ اُترنے لگا آفتاب کا
سیاحِ عرش، سائرِ کون و مکاں ہے تو
روح الامیں ہے نام تِرےؐ ہمرکاب کا
ؐوعدے کا اِک مغنئ آتش نوا ہے تُو
ہر نغمہ کفر سوز ہے تیرے رباب کا
تاروں میں روشنی ہے تو پھولوں میں تازگی
یہ وقت ہے ظہورِ رسالت مآبﷺ کا
ظلمت کدوں میں ہیں سحرِ نو کی تابشیں
یہ فیض ہے ولادتِ حتمی مآبﷺ کا
مخمور کیف نورِ رسالتﷺ سے مست ہوں
سب جانتے ہیں میں نہیں خوگر شراب کا
مخمور جالندھری
گور بخش سنگھ
No comments:
Post a Comment