تمہارے ہجر میں اتنے اداس رہتے ہیں

 تمہارے ہجر میں اتنے اُداس رہتے ہیں

کہ کوئی ہوش نہ ہم کو حواس رہتے ہیں

تمہارے لمس کی خُوشبو سے جو معطر تھے

مِرے لباس وہ اکثر اُداس رہتے ہیں

تِری طلب تھی سو تجھ پر نثار کی خوشیاں

تمہارے دُکھ ہی فقط آس پاس رہتے ہیں

چکور چاند جو پانے کی آس رکھتا ہے

تمہارے قُرب کے یوں محوِ آس رہتے ہیں

کبھی تو آہ بھی بلبل کی سُن کے روتے تھے

شدید درد میں اب بے حواس رہتے ہیں

کسے سُناؤں میں اور کون دردِ دل سمجھے

کہاں پہ شہر میں اب غم شناس رہتے ہیں

عمر زمانے میں اپنا رفیق کوئی نہیں

دو چار غم ہیں کسی کے جو پاس رہتے ہیں

عمر یعقوب