تو نے اپنا جلوہ دکھانے کو جو نقاب منہ سے اٹھا دیا​

تُو نے اپنا جلوہ دکھانے کو جو نقاب منہ سے اٹھا دیا​

وہیں محو حیرتِ بے خودی مجھے آئینہ سا بنا دیا​

وہ جو نقشِ پا کی طرح رہی تھی نمود اپنے وجود کی​

سو کشش سے دامنِ ناز کی اسے بھی زمیں سے مٹا دیا​

کیا ہی چین خوابِ عدم میں تھا، نہ تھا زلفِ یار کا کچھ خیال​

سو جگا کے شورِ ظہور نے مجھے کس بلا میں پھنسا دیا​

رگ و پۓ میں آگ بھڑک اٹھی، پھونکے ہی پڑا سبھی بدن​

مجھے ساقیا!! مۓ آتشیں کا یہ جام کیسا پلا دیا​

جبھی جا کے مکتبِ عشق میں سبق مقامِ فنا کیا​

جو لکھا پڑھا تھا نیازؔ نے سو وہ صاف دل سے بھلا دیا​

شاہ نیاز بریلوی