ہم زیاں کار یہی کارِ ہنر کرتے ہیں
زندگی کوئی ملامت میں بسر کرتے ہیں
ہم بھی اک دوسرے سے کاش وہ باتیں کرتے
یہ پرندے جو سرِ شاخِ شجر کرتے ہیں
گوہرِ یاد سرِ خانۂ دل رکھنے کو
کتنے آنسو ہیں جنہیں چشم بدر کرتے ہیں
اتر آیا ہے ان آنکھوں میں وہ آشوبِ جہاں
اب ترے رنج سے بھی صرفِ نظر کرتے ہیں
کوئی اس پار طرب زار نہیں ہے طارق
کے لیے درد کی دیوار میں در کرتے ہیں
طارق ہاشمی
No comments:
Post a Comment