مجنوں کبھی مجھے کبھی رانجھا بنا دیا
اس عشق نے تو میرا تماشا بنا دیا
محوِ خرام زُلفیں تھِیں چہرے پہ یار کے
اس نے انہیں سمیٹ کے جُوڑا بنا دیا
آئے گا کوئی کرنے یہاں اب قیام کیوں
تم نے دیارِ دل کو بھی کوفہ بنا دیا
عزت تو دور کوئی جنہیں پوچھتا نہ تھا
دولت نے آج ان کا بھی شجرہ بنا دیا
خاموش اتنے ہم سدا سے تو نہیں رہے
ہم کو تمہارے عشق نے ایسا بنا دیا
تجھ سے ملی نگاہ مِری، شعر ہو گیا
تھاما جو تُو نے ہاتھ تو نغمہ بنا بنا دیا
پلکوں پہ میری خواب رہے رقص میں مگن
جاگا جو نیند سے تِرا چہرہ بنا دیا
مدت کے بعد لوٹ کے اُس کج ادا نے پھر
ہر زخم میری روح کا تازہ بنا دیا
چاہت تھا میں تِری مِری بگڑی بھی تُو بنا
مرضی سے اپنی خاک کا پُتلا بنا دیا
صائم علی
No comments:
Post a Comment