عارفانہ کلام نعتیہ کلام
جہاں انﷺ کا نقش قدم دیکھتے ہیں
وہاں سر زمانے کا دیکھتے ہیں
نہ منصب نہ جاہ و حشم دیکھتے ہیں
نبیﷺ کی نگاہِ کرم دیکھتے ہیں
رضائے نبیﷺ سے فقط ہے تعلق
خوشی دیکھتے ہیں نہ غم دیکھتے ہیں
نبیﷺ کے کرم کے جو قائل نہیں ہیں
زمانے کے جور و ستم دیکھتے ہیں
نبیﷺ کا ہے فیضان ہر وقت جاری
اثر جس کا ہم دم بدم دیکھتے ہیں
تصور میں ابروئے حضرتؐ کے عارف
ہم ہر روز طاقِ حرم دیکھتے ہیں
وحیدالقادری عارف
No comments:
Post a Comment