وہی آرزو کی اٹھان ہے

 وہی آرزو کی اُٹھان ہے

وہی حسرتوں کی دُکان ہے

وہی بُوند تہِ جام رہ گئی

وہی بُوند پیاس ہے، تکان ہے

وہی جو ہے خواہشِ بے اماں

وہی اضطرابِ دل و جان ہے

وہی ہے وجود کی بے کلی

وہی بے یقینی گُمان ہے

وہی چارا گر کی ستمگری

جو بنامِ امن و امان ہے

کہیں دل ہے ہاتھ میں، جاں کہیں

کہیں ڈر سے ترکِ مکان ہے

کوئی ہے یہاں جو ہے مطمئن

کوئی جو نہیں پریشان ہے

ہے لایعنیت میں ہی یعنیت

بے نقطہ فکر میری جان ہے

ہے وجود میں بے وجودیت

وہی تشنہ حرف و بیان ہے

مسعود بیگ تشنہ