آہوں کے کوئی ڈھب ہیں نہ رونے کے قرِینے
فُرقت کو بڑھایا ہے مِری کم ہُنری نے
مقصُود پہ ہیں پیشِ رقیبانِ پریدہ
کیا اُڑنا سِکھایا ہمیں بے بال و پری نے
طائر وہیں بستے ہیں جہاں سنگ نہ آئیں
آباد رکھا مجھ کو مِری بے ثمری نے
ہوں بھی کہ نہیں ہوں اور اگر ہوں بھی تو کیا ہوں
تشویش میں رکھا ہے تِری خود نگری نے
محفل میں گھٹن ہوتی ہے تنہائی میں وحشت
رکھا نہ کہیں کا مجھے خستہ جگری نے
محمد منذر رضا
No comments:
Post a Comment