جان ایام دلبری ہے یاد
سیر گلزار و میخوری ہے یاد
دیکھتا نہیں سورج کوں نظراں بھر
جس کوں تجھ جامہ زری ہے یاد
خوب پھولی تھی باغ میں نرگس
گلِ صد برگ و جعفری ہے یاد
وہ تماشا و کھیل ہولی کا
سب کے تن رخت کیسری ہے یاد
ہو دِوانا جنگل میں کیوں نہ پھرے
جس کو وہ سایۂ پری ہے یاد
اے سیہ مست میری انکھیوں کو
لال بادل کی تجھ جھری ہے یاد
جب تمن پاس فائز آیا تھا
بات کہنا بی سرسری ہے یاد
فائز دہلوی
No comments:
Post a Comment