تِری بزم سے جو اٹھ کر تِرے جاں نثار آئے
دل و جاں کا سب اثاثہ تِرے در پہ وار آئے
تِرا عشق بن گیا ہے مِری زیست کی مسافت
کہ میں اب جہاں بھی جاؤں تِری رہگزار آئے
تِری یاد آج ایسے دل مبتلا میں آئی
سرِ دشت شام جیسے شب نو بہار آئے
غم زندگی میں تجھ پر دل و جاں نثار کر دوں
غمِ آرزو میں ڈھل کر تو جو ایک بار آئے
تِرے عشق کی بدولت کوئی رنج ہو کہ راحت
سر زندگی جو آئے سبھی یادگار آئے
مبین مرزا
No comments:
Post a Comment