زیادہ سوچنے والے تجھے پتہ نہیں ہے

 زیادہ سوچنے والے تجھے پتہ نہیں ہے 

جو تجھ کو سینے لگاتا ہے وہ تِرا نہیں ہے 

وہاں پہ ہم بھی ہیں موجود ڈھونڈنے والی 

سو تیرے دل میں اکیلا تِرا خدا نہیں ہے 

تمہیں پتہ ہے کہ تم کس لیے ہوئے ہو ذلیل

تمہارے پاس کوئی اپنا نظریہ نہیں ہے 

ہیں بد دماغ مِرے سارے دوست میری طرح 

کوئی بھی دنیا کے بارے میں سوچتا نہیں ہے

تُو اس کے پاس کبھی جا کے تھوڑا وقت گزار 

کہ جتنا تُو نے سنا اُتنا وہ برا نہیں ہے 

اے لڑکی تجھ کو بھلا مجھ میں کیا نظر آیا

وقار خام صفت تیرے کام کا نہیں ہے 

وقار خان