پیمبروں کے بیانوں میں گونجنے والا

عارفانہ کلام نعتیہ کلام

پیمبروں کے بیانوں میں گونجنے والا​

وہ نام سارے زمانوں میں گونجنے والا​

بس ایک نام انہی کا خدا کے نام کے بعد​

مؤذنوں کی اذانوں میں گونجنے والا​

ہے اسمِ سید و سالار و سرورِ عالم​ﷺ

دلوں میں، ذہنوں میں، جانوں میں گونجنے والا

​بہ شکلِ مدحت و نعت و قصیدہ و توصیف​

وہ نام ساری زبانوں میں گونجنے والا​

وہ دخترانِ سرِ بام و دف بکف انور​

وہ نام ان کے ترانوں میں گونجنے والا​

انور مسعود