خدا سے اپنا تعلق عجیب رہا ہے
میں مصور ہوتا تو اس تعلق کو ضرور پینٹ کرتا
ایک پینٹنگ بناتا
جس میں کسی شاخ پہ کوئی پنچھی بیٹھا ہوتا
اور ایک شکاری اس کا نشانہ لیے کھڑا ہوتا
اور ایک رہگیر دم سادھے یہ سب دیکھ رہا ہوتا
میں ہرگز یہ واضح نہ کرتا
کہ میں کون ہوں؟
نشانہ باندھا ہوا شکاری؟
یا شاخ پہ بیٹھا پنچھی؟
یا دم سادھے کھڑا سب دیکھتا ہوا رہگیر؟
میں ہرگز یہ واضح نا کرتا
کہ خدا کون ہے؟
نشانہ باندھا ہوا شکاری؟
یا شاخ پہ بیٹھا پنچھی؟
یا دم سادھے کھڑا سب دیکھتا ہوا رہگیر؟
کاشف شاہ
No comments:
Post a Comment