اب تجھے چھوڑ کر کِدھر جاؤں
تُو ہی تُو ہے جہاں جدھر جاؤں
بادہ خانے سے مت اُٹھا واعظ
اب اِدھر آ کے کیا اُدھر جاؤں
آئینہ جو بنے نظر تیری
آپ ہی آپ میں نکھر جاؤں
کائنات اک نئی بنا دوں میں
تجھ میں شدّت سے گر بکھر جاؤں
چاندنی ساتھ ہی رکھوں گی اب
یعنی تجھ کو لیے میں گھر جاؤں
گر ہو منظور اک نِگہ کے عوض
آپ اپنا یہاں ہی دھر جاؤں
اب کے بگڑا ہوا ہوں ناصح پر
اب کے اِمکاں نہیں سُدھر جاؤں
غدیر زہرا
No comments:
Post a Comment