ہم بھی مسافر تم بھی مسافر کون کسی کا ہووے

 فلمی گیت

یہ دنیا مترے

یہ دنیا مترے راہگزر ہے

اور ہم بھی مسافر تم بھی مسافر

کون کسی کا ہووے

کاہے چپ چپ رووے

کوئی ساتھ دے کہ نہ ساتھ دے

یہ سفر اکیلے ہی کاٹ لے

کہ ہم بھی مسافر تم بھی مسافر

کون کسی کا ہووے

کاہے چپ چپ رووے

جس نے بھی یاں پیار کیا ہے مترے

جس نے بھی یاں پیار کیا ہے

اس نے سب کچھ کھویا

پہلے کیا کیا سپنے دیکھے

آخر میں کیا رویا

جب پیار کا حاصل او مترے

جب پیار کا حاصل آنسو ہیں تو

چھوڑ یہ پیار کی بات

کوئی ساتھ دے کہ نہ ساتھ دے

یہ سفر اکیلے ہی کاٹ لے

کہ ہم بھی مسافر تم بھی مسافر

کون کسی کا ہووے

کاہے چپ چپ رووے

اس دنیا میں سب ہیں اکیلے مترے

اس دنیا میں سب ہیں اکیلے

تن سے جدا ہیں سائے

کوئی کسی کو پا کر کھوئے

کوئی کھو کر پائے

پلک جھپکتے مترے

پلک جھپکتے او مترے

پلک جھپکتے چھٹ جاتا ہے

برس برس کا ساتھ

کوئی ساتھ دے کہ نہ ساتھ دے

یہ سفر اکیلے ہی کاٹ لے

کہ ہم بھی مسافر تم بھی مسافر

کون کسی کا ہووے

کاہے چپ چپ رووے

حمایت علی شاعر