کوئی نامہ نہیں پیام نہیں

کوئی نامہ نہیں پیام نہیں

یہ محبت کا احترام نہیں

گردشوں کی نوازشیں توبہ

بادہ نوشی بھی اب حرام نہیں

زندگی کو قریب سے دیکھا

موت ہی آخری مقام نہیں

اک پریشاں ہے دوسرا شاداں

رسم جینے کی بھی تو عام نہیں

جشن ہوتے ہیں سب دکھاوے کے

سرفروشوں کا احترام نہیں

کام جتنے ہیں سب ادھورے ہیں

اور ارادہ بھی کوئی خام نہیں

جن کو پاس ادب نہیں راجے

بزم عالم میں ان کا کام نہیں

راجے بریلوی

ڈاکٹر مایا کھنہ