عارفانہ کلام حمد نعت منقبت
ہے جب سے وِردِ زباں تیرا نام یا زہراؑ
رُکا کبھی نہ مِرا کوئی کام یا زہراؑ
ملائکہ تِری عظمت کے گیت گاتے ہیں
ہے انبیاء میں تیرا احترام یا زہراؑ
ازل سے لکھ دیا خالق نے دستِ قُدرت سے
جبینِ وقت پہ تیرا دوام یا زہراؑ
مقامِ مریم و حوّا بھی ہے بجا، لیکن
تِرا مقام ہے تیرا مقام یا زہراؑ
تِری زبان ہے اُمّ کتاب کی کُنجی
تِرا کلام ہے اُمّ الکلام یا زہراؑ
نہ آئے گا کوئی دنیا میں اب نبیؐ ہو کر
چلے گا اب تیرے باباﷺ کا نام یا زہراؑ
حضور آئیں لحد میں تو بہرِ استقبال
اُٹھوں میں لیتے ہوئے تیرا نام یا زہراؑ
سید نصیرالدین نصیر
No comments:
Post a Comment