اچھا اور برا تو اک پیمانہ ہوتا ہے

 اچھا اور برا تو اک پیمانہ ہوتا ہے

لیکن سرخی میں سارا میخانہ ہوتا ہے

آنسو پینا بھی کارِ مستانہ ہوتا ہے

پینے سے پہلے تھوڑا چھلکانا ہوتا ہے

ہم کو دیوانہ ہونا ہے سو ہم ہوتے ہیں

تُو تو میرے یار بس ایک بہانہ ہوتا ہے

دن بھر دفتر دفتر اپنا پیچھا کرتے ہیں

شام ڈھلے خود کو گھر پہنچانا ہوتا ہے

آج برے تو کل کو اچھے وقت بھی آئیں گے

آئے دن خود کو یہ بھی  سمجھانا ہوتا ہے

رسول ساقی