کیسے اترے گا خمار آنکھوں کا
راس مجھ کو ہے حصار آنکھوں کا
تیرے چہرے کو جو دیکھے، کِھل جائے
جو بھی بیمار ہے یار آنکھوں کا
میرے ہونٹوں پہ ہے بات آنکھوں کی
میرے شعروں میں شمار آنکھوں کا
ہوش رہتا ہے اسے کب اپنا
جو بھی ہوتا ہے شکار آنکھوں کا
راز گہرے ہیں کوئی سمجھے تو
مار دیتا ہے یہ پیار آنکھوں کا
تیری تصویریں جو تکتا ہوں میں
یار بڑھتا ہے نکھار آنکھوں کا
عاصم خیالوی
No comments:
Post a Comment