کسی نامہرباں کو مہرباں ہم کہہ نہیں سکتے
قفس سونے کا بھی ہو آشیاں ہم کہہ نہیں سکتے
کوئی کہہ دے زباں رکھنے کا منہ میں فائدہ کیا ہے
کسی کے سامنے جب داستاں ہم کہہ نہیں سکتے
نہ جانے کیا اثر ہوتا ہے ہم پر ان کی محفل میں
یہاں کہتے ہیں ہم وہاں جو کچھ وہاں ہم کہہ نہیں سکتے
محبت اصل میں ناکامیوں کی ایک دنیا ہے
وہاں ہوتے ہیں کیسے امتحاں ہم کہہ نہیں سکتے
زیادہ اس سے توہین ادب کیا ہو گی اے نیرنگ
بزرگوں کی زباں کو بھی زباں ہم کہہ نہیں سکتے
نند لال نیرنگ سرحدی
مندھرا، ڈیرہ اسماعیل خان، ریواڑی گوڑگاؤں
کریڈٹ یوٹیوب وڈیو
https://www.youtube.com/watch?v=QBf1QosB3D8
غزل کا مطلع وڈیو میں نہیں تھا لیکن ایک اور لنک سے مل گیا۔
No comments:
Post a Comment