یہ سمجھ کے چلتی ہوں تیرا نقشِ پا ہو گا
میں جہاں سے گُزروں گی تیرا سامنا ہو گا
وقت کیا بتائے گا کون کس کا قاتل ہے
اپنے آپ سے اک دن مجھ کو پوچھتا ہو گا
رُوٹھنے سے کیا حاصل آپ سے محبت ہے
آپ جب بھی آ جائیں میرا سر جُھکا ہو گا
جس جگہ نہ تم ہو گے جس جگہ نہ ہم ہوں گے
ایک ایسی منزل پر قافلہ رُکا ہو گا
کتنے سال بیتے ہیں اب بھی تیری آنکھوں میں
کیا خبر تھی اشکوں کا اب بھی سلسلہ ہو گا
ناز اپنے لہجہ کو جب بھی لوگ ترسیں گے
نام میرے ہونٹوں پر صرف آپ کا ہو گا
مظفرالنساء ناز
No comments:
Post a Comment