مرا دل کتنا سادہ ہے

 تِری باتوں میں آتا ہے مِرا دل کتنا سادہ ہے

غموں میں مسکراتا ہے مرا دل کتنا سادہ ہے

جفا کاروں کی دنیا میں وفا کی آس ہے اس کو

عجب سپنے سجاتا ہے مرا دل کتنا سادہ ہے

اسے کچھ بھی نہیں دکھتا سوائے تیرے دنیا میں

تمہی پر جاں لٹاتا ہے مرا دل کتنا سادہ ہے

مِرے دکھ درد کو اچھی طرح سے جانتا ہے جو

اسی سے غم چھپاتا ہے مرا دل کتنا سادہ ہے

مجھے معلوم ہے تسکیں نہیں آئے گا اب کے وہ

مگر اس کو بلاتا ہے مرا دل کتنا سادہ ہے

سیده فلزا تسکین