سِتمگری کی نئی اک طرح نکالی ہے
یہ آسمان پہ کس نے زمیں اُچھالی ہے
ہمارا اُن سے کوئی ربط تھا، نہ ہے کوئی
بنانے والوں نے تو بات ہی بنا لی ہے
وہ مہرباں ہوئے ہم پر تو باور آیا یہ
کہ جس کا نام قیامت ہے آنے والی ہے
یہ اس زمانے کا ہلکا سا اک تعارف ہے
کہ دُنیادار کے در پر خُدا سوالی ہے
عقاید آج ہیں پھر سے شکارِ بے دِینی
زمین بَیل نے سِینگوں پہ پھر اُٹھا لی ہے
بہایا خون غریبوں کا روز و شب اعزاز
امیرِ شہر کا کردار تو مثالی ہے
خالد اعزاز
No comments:
Post a Comment