ہاتھ ملتا ہے تو مل اب کے برس

 ہاتھ ملتا ہے تو مل اب کے برس

پھُول کلیاں نہ مسل اب کے برس

برفزاروں میں نہ جل اب کے برس

التجا کرتا ہے دل اب کے برس

تُو اٹل ہے، وہ مصمّم ہے بہت

دیکھ لے اور کے بل اب کے برس

ارباب کرم سے بدلا ہے دستور غم ایام کہاں

 اربابِ کرم سے بدلا ہے دستورِ غمِ ایّام کہاں

اس دور جہانِ ہستی میں انسان کو ہے آرام کہاں

دُنیا ہے جفاؤں کی شیدا، دُنیا کو وفا سے کام کہاں

اے حُسنِ وفا کے دِیوانے! لیتا ہے وفا کا نام کہاں

رہبر نظر آتے ہیں رہزن تاریک دل اور ماتھے پہ شکن

پُوچھو نہ حقیقت کچھ اپنی غُربت میں ہوئی ہے شام کہاں

جل کر ان آنکھوں میں آنسو جب کاجل بن جاتے ہیں

 جل کر ان آنکھوں میں آنسو جب کاجل بن جاتے ہیں 

دل سے اٹھ کر ریگ بگولے دل بادل بن جاتے ہیں 

کوئی سچی بات زباں پر جب بھی کبھی آ جاتی ہے 

وہ صحرا ہو یا گُلشن ہو سب مقتل بن جاتے ہیں 

جب بھی ذہن میں جاگ اُٹھتی ہے ان ہونٹوں کی شیرینی 

کیسے کیسے تلخ مسائل جان غزل بن جاتے ہیں 

زمیں پہ کیسا ہے قحط الرجال اف اللہ

 زمیں پہ کیسا ہے قحط الرّجال اُف اللہ

وفا کا اور جنوں کا زوال اُف اللہ

جو آدمی کا ہے اس وقت حال اُف اللہ

وفا کا اور جنوں کا زوال اُف اللہ

ترقی خوب ہوئی بے مثال اُف اللہ

مگر جو دیکھا ہے گاؤں کا حال اُف اللہ

رلا کے ہم کو چلا جانا ہے کہاں تنہا

 کہاں سے آنا ہے ہر آدمی یہاں تنہا

رُلا کے ہم کو چلا جانا ہے کہاں تنہا

یزیدِ عصر نے گھیرا ہے یوں مجھے جیسے

مقابلے میں ہو اک تیرے بے کماں تنہا

لگے ہیں خیمے وہیں آج کاروانوں کے

گیا تھا شہر میں تھک کر جہاں جہاں تنہا

دل نثار مصطفیٰ جاں پائمال مصطفیٰ

 عارفانہ کلام حمد نعت منقبت

دل نثار مصطفیٰﷺ، جاں پائمال مصطفیٰﷺ

یہ اویس مصطفیٰﷺ ہے وہ بلال مصطفیٰﷺ

دونوں عالم تھے مِرے حرف دُعا میں غرق و محو

میں خُدا سے کر رہا تھا جب سوال مصطفیٰﷺ

سب سمجھتے ہیں اسے شمعِ شبستانِ حِرا

نُور ہے کونین کا لیکن جمالِ مصطفیٰﷺ

شکوے کی چبھن مجھ کو سدا اچھی لگی ہے

 شِکوے کی چُبھن مجھ کو سدا اچھی لگی ہے

یہ فرطِ محبت کی ادا اچھی لگی ہے

خالی ہے کہاں لُطف سے اب دل کا پِگھلنا

پُر درد زمانے کی فضا اچھی لگی ہے

لمحاتِ محبت سبھی یکساں نہیں ہوتے

اے جان وفا! تیری جفا اچھی لگی ہے

نہ ذکر آشنا نے قصۂ بیگانہ رکھتے ہیں

 نہ ذِکرِ آشنا نے قصۂ بے گانہ رکھتے ہیں

حدیثِ یار رکھتے ہیں یہی افسانہ رکھتے ہیں

چمن میں سرو قد گر جلوۂ مستانہ رکھتے ہیں

برنگِ طوقِ قمری ہم خطِ پیمانہ رکھتے ہیں

نہ اُلجھو اس قدر بے وجہ سُلجھانے میں زُلفوں کے

دلِ صد چاک تو ہم بھی برنگِ شانہ رکھتے ہیں

غیر بھی بے دم ہیں نالوں سے بت بے پیر بھی

 غیر بھی بیدم ہیں نالوں سے بُتِ بے پِیر بھی

اک ہوائی تِیر ہے یہ آہِ بے تاثیر بھی

کوئی شے خالی نہیں نیرنگِ حُسنِ یار سے

گُل میں رنگ و بُو تو مہر و مہ میں ہے تنویر بھی

کہتے ہیں رکھتے نہیں کیوں مُوئے مِژگاں کا خیال

کیا تمہارے دل میں رہ سکتا نہیں اک تِیر بھی

عصمت کے بازار کو چھو کے آتا ہوں

 عصمت کے بازار کو چھُو کے آتا ہوں

ڈر ڈر کے دِلدار کو چھو کے آتا ہوں

کارِ محبت، مکر و فریب سے نالاں ہے

میں تو سچّے پیار کو چھو کے آتا ہوں

پھولوں کی کوئی قید نہیں ہے باغوں میں

دِیوانہ ہوں، خار کو چھو کے آتا ہوں

یہ دست کاسہ بھی لرزاں ہے تیرگی میں کہیں

 یہ دست کاسہ بھی لرزاں ہے تیرگی میں کہیں

ہمیں تو رات ہی مِلتی ہے روشنی میں کہیں

فقیر چہرے جو بِکتے ہیں شہر والوں میں

کسی کو خواب نہ مِلتے ہیں زندگی میں کہیں

چراغ بام کے بُجھتے ہیں زخم کھا کھا کر

یہ رات بولتی ہے درد خامشی میں کہیں

ان کی چمک سے چمکا چہرہ اصول کا

 عارفانہ کلام حمد نعت منقبت

انؐ کی چمک سے چمکا چہرہ اصُول کا

آنکھوں کی روشنی بھی صدقہ رسولؐ کا

حسن صدائے سرور تیری تلاش میں

حبشی کو مِل گیا ہے لہجہ قبول کا

جبریلؑ کون ہے جو رفتار جان لے

سایا نہ پا سکا وہ قدموں کی دُھول کا

ہم نے دیکھا ہے بھرے شہر میں سایا اپنا

 ہم نے دیکھا ہے بھرے شہر میں سایا اپنا

ایک سُورج ہے پسِ پشت پرایا اپنا

غمکدۂ اشکِ مُسلسل سے نہال شب ہے

زخم تازہ کو درِ یار بنایا اپنا

چاند سے پار کوئی رات بسیرا ڈالے

ہم سے پُوچھے ہے کوئی خُون بہایا اپنا

پروردگار تیرے سہاروں کو کیا ہوا

 گُم ہے فضا چمن کی نظاروں کو کیا ہُوا

گُل ہیں اُداس اُداس بہاروں کو کیا ہوا

کیوں ان کی روشنی ہے شب غم سے دُور دُور

اے آسمان! تیرے ستاروں کو کیا ہوا

دیکھے تو کوئی ان کا تغافل کہ بعدِ مرگ

وہ پُوچھتے ہیں درد کے ماروں کو کیا ہوا

جہاں سراب نہیں تھی وہاں سراب ملے

 جہاں سراب نہیں تھی وہاں سراب مِلے

حقیقتوں کو ٹٹولا گیا تو خواب ملے

ہر ایک سمت سے آواز بازگشت آئی

اس آرزو میں پُکارا تھا کچھ جواب ملے

ہمیں بہار کے آثار کی توقع تھی

رُخِ چمن پہ نشاناتِ انقلاب ملے

دنیادار کے در پر خدا سوالی ہے

 سِتمگری کی نئی اک طرح نکالی ہے

یہ آسمان پہ کس نے زمیں اُچھالی ہے

ہمارا اُن سے کوئی ربط تھا، نہ ہے کوئی

بنانے والوں نے تو بات ہی بنا لی ہے

وہ مہرباں ہوئے ہم پر تو باور آیا یہ

کہ جس کا نام قیامت ہے آنے والی ہے

تماشائی تماشا دیکھتا ہے

 یہ کپڑا تو بہت مہنگا پڑا ہے

بدن عریاں رہے تو کیا بُرا ہے

نمُو جیسے ہوئی ویسا نہیں ہے

بدلتے پیڑ کو بدلا گیا ہے

میں گِریہ کاٹ کر بویا گیا ہوں

سمندر میرے اندر یوں اُگا ہے

آج قسمت آزمائی ہو گئی

 آج قسمت آزمائی ہو گئی

کُوئے جاناں میں رسائی ہو گئی

وہ نہ مِلتے تو نہ تھا کوئی گِلہ

غم یہ ہے مِل کر جُدائی ہو گئی

آشنائی سے ہے جو ناآشنا

اس سے اپنی آشنائی ہو گئی

مرا دل کتنا سادہ ہے

 تِری باتوں میں آتا ہے مِرا دل کتنا سادہ ہے

غموں میں مسکراتا ہے مرا دل کتنا سادہ ہے

جفا کاروں کی دنیا میں وفا کی آس ہے اس کو

عجب سپنے سجاتا ہے مرا دل کتنا سادہ ہے

اسے کچھ بھی نہیں دکھتا سوائے تیرے دنیا میں

تمہی پر جاں لٹاتا ہے مرا دل کتنا سادہ ہے

گھنا جنگل ہے جس میں میں فقط تنہا نہیں ہوں

 ستم ظریف

گھنا جنگل ہے جس میں میں فقط تنہا نہیں ہوں

ہزاروں رفتگاں

جن کے نشانِ پا

کہیں مدغم، کہیں واضح

بلا مقصد پڑے ہیں

پڑے بھی اس لیے ہیں کہ نشانِ پا کی قسمت ہی یہی ہے

کیوں بلندی پا کے ہستی میں اتر جاتا ہوں میں

 کیوں بلندی پا کے ہستی میں اتر جاتا ہوں میں

کس لیے احساس کی حد سے گزر جاتا ہوں میں

ڈوب جائے گی تو اپنے آنسوئوں میں سوچ لے

چھوڑ کے اے زندگی تجھ کو اگر جاتا ہوں میں

زخم بے انداز ہیں پھر بھی ٹھہرِ شہرِ طلب

آنے والی کل کی خاطر پھر سنور جاتا ہوں میں

شب فراق مری جان اک عذاب میں ہے

 شبِ فراق مِری جان اک عذاب میں ہے

تڑپ رہا ہے جگر دل بھی اضطراب میں ہے

ہزاروں طالبِ دیدار ٹُوٹے پڑتے ہیں

اگرچہ جلوۂ جاناں ابھی نقاب میں ہے

نگاہ مِلتے ہیں مستانہ کر دیا ساقی

بتائے کوئی یہ مستی کہاں شراب میں ہے

ظلمت کو پردھان بنا کر دیکھ لیا

 ظُلمت کو پردھان بنا کر دیکھ لیا

سُورج کو بے جان بنا کر دیکھ لیا

اب جو لنکا ہار گئے تو رونا کیا

بھیدی کو دربان بنا کر دیکھ لیا

خیر دُعائیں لب پر ہی دم توڑ گئیں

جذبوں کو بھگوان بنا کر دیکھ لیا

کب یہ مانگا تخت شاہی دے کوئی پوشاک دے

 کب یہ مانگا تختِ شاہی دے، کوئی پوشاک دے

خاکساروں کو تُو بس اپنی گلی کی خاک دے

ہم زمیں زادے ہیں آخر، ہم کو یہ معلوم ہے

یُوں نہ دھوکا تُو ہمیں اے گردشِ افلاک دے

جو خُوشی پتھر کرے دل کو تو بہتر ہے یہی

اے خُدا! تُو اُس کے بدلے دیدۂ غمناک دے

تمہارے غم کو غم جاں بنا لیا میں نے

 تمہارے غم کو غم جاں بنا لیا میں نے

کہ جنگلوں کو گلوں سے سجا دیا میں نے

نہ جانے کتنی امیدیں لہو لہو کر کے

دل تباہ کو جینا سکھا دیا میں نے

سبب ہو کچھ بھی انہیں روٹھنے کی عادت ہے

یہ سوچنا ہی غلط ہے کہ کیا کیا میں نے

بلائے جاں سہی پر زندگی اتنی بھیانک بھی نہیں

 یُوں بھی ہوتا ہے

یُوں بھی ہوتا ہے کہ اکثر

زندگانی کے اُفق پر

بدلیاں غم کی یکایک

یُوں اُمڈ آتی ہیں جیسے

زندگی کی آخری یہ شام ہو

چھُوٹنے لگتی ہیں نبضیں

یہاں درخت تھے سایہ تھا کچھ دنوں پہلے

 یہاں درخت تھے سایہ تھا کچھ دنوں پہلے 

عجیب خواب سا دیکھا تھا کچھ دنوں پہلے 

یہ کیا ہوا کہ اب اپنا بھی اعتبار نہیں 

ہمیں تو سب کا بھروسا تھا کچھ دنوں پہلے 

ہمارے خون رگ جاں کی لالہ کاری سے 

جو آج باغ ہے صحرا تھا کچھ دنوں پہلے 

مشہور نہ تھا تو بھی مرے نام سے پہلے

 آرام جو کرتے نہیں آرام سے پہلے

منزل پہ پہنچتے ہیں وہی شام سے پہلے

یہ ایک حقیقت ہے کہانی نہیں اے دوست

مشہور نہ تھا تُو بھی مِرے نام سے پہلے

دنیا جسے کہتے ہیں سمجھ میں نہیں آتا

یہ کیا تھی تِرے جلوہ گہِ عام سے پہلے

کوئی خیال نہ آیا ترے خیال کے بعد

 سبک ہوں اپنی نگاہوں میں عرض حال کے بعد

کہ آبرو نہیں رہتی کبھی سوال کے بعد

نہ پوچھو دل کو ہوئی ہیں اذیتیں کیا کیا

کبھی سوال سے پہلے کبھی سوال کے بعد

ضمیر کی وہ مسلسل ملامتیں توبہ

ملا ہے دل کو سکوں اشک انفعال کے بعد

آ اے دل خطائیں بخشوانے چلتے ہیں

 آ اے دل خطائیں بخشوانے چلتے ہیں

آج روٹھے ہوئے یار کو منانے چلتے ہیں

ہو سکتا ہے فراموش کر دے وہ بے پرواہ

اسے وعدۂ فردا یاد دلانے چلتے ہیں

ایمان پختہ ہو یا خستہ، سزا ملے یا جزا

دہلیزِ یار پہ جبیں جھکانے چلتے ہیں

سایہ بھی اب ہے ہم سے جدا دیکھتے چلیں

 کُچھ دکھائے ہم کو خُدا دیکھتے چلیں

کیوں لوگ ہیں خُدا سے خفا دیکھتے چلیں

ٹکرا کے جس سے لوٹ گئی ہر صدا وہ در

خُوشبو کی دستکوں سے کُھلا دیکھتے چلیں

دُنیا ہمارے ساتھ تھی دورِ بہار میں

سایہ بھی اب ہے ہم سے جُدا دیکھتے چلیں

نہ تھا فضاؤں کا قیدی نہ وہ مکان میں تھا

 نہ تھا فضاؤں کا قیدی نہ وہ مکان میں تھا

پرندہ فکر کا اک خاص ہی اُڑان میں تھا

تمام شہر کے ہاتھوں میں تھے دھنش لیکن

جو ایک تیر تھا وہ میری ہی کمان میں تھا

جسے پڑوسی کے ہاتھوں فروخت کر ڈالا

ہمارے پُرکھوں کا ورثہ اسی زبان میں تھا

رخ سے پردا جو اٹھا رکھا ہے توبہ توبہ

 رُخ سے پردا جو اُٹھا رکھا ہے توبہ توبہ

تُو نے ہنگامہ مچا رکھا ہے توبہ توبہ

ایک تو آنکھیں تِری یار ہیں خنجر جیسی

اس پہ کاجل بھی لگا رکھا ہے توبہ توبہ

شیخ جی! آپ کو آخر یہ ہوا کیا ہے کہو

جام ہاتھوں میں اٹھا رکھا ہے توبہ توبہ

ساقیا یہ درد گہرا ہے کوئی امداد کر

 ساقیا! یہ درد گہرا ہے کوئی امداد کر

ورنہ مجھ کو تیشہ دے کر تُو یہیں فرہاد کر

برگزیدہ ایک بسمل کی ہزاروں منزلیں

رقص کرتی ہیں کسی کے جملۂ ناشاد پر

قیس کو خانہ بدوش اور میر کو وحشت زدہ

اور مجھ کو عاشقوں کے درمیاں ایجاد کر

واقف ہیں میرے نالۂ دل کے اثر سے آپ

 واقف ہیں میرے نالۂ دل کے اثر سے آپ

بے چین ہیں جو صدمۂ درد جگر سے آپ

یہ بھی خبر ہے دل پہ گزرتی ہے میرے کیا

جا تو رہے ہیں پھیرے ہوئے منہ ادھر سے آپ

آرام دن کو اور نہ راتوں کو چین ہے

واقف نہیں ہیں کیا مِری شام و سحر سے آپ

ڈھلتی شام طویل مسافت

 ڈھلتی شام

طویل مُسافت

وحشت زدہ ناگ

تاک میں بیٹھے گِدھ

اور وہ اجنبی مُسافر

شاید کہ آیا تھا

کوئی بتلائے حال ساقی کا

 کوئی بتلائے حال ساقی کا

آ رہا ہے خیال ساقی کا

کوئی ثانی نہیں مِلا اب تک

یار اس بے مثال ساقی کا

ہائے کیا خُوب تھا وہ منظر بھی

میرے ہونٹوں پہ گال ساقی کا

چشم تنہائی نیا چہرہ تراش

 ازدحامِ آئینہ چہرہ تراش

چھوڑ اس کو دوسرا چہرہ تراش

میں کہاں اُمید کی گُل کاریاں

یاس کا منظر ہُوا چہرہ تراش

ڈھونڈ اپنے جسم کی تیزابیت

رُوح کی شیریں فضا چہرہ تراش

روز میں ٹوٹ پھوٹ جاتا ہوں

 روز میں ٹوٹ پھوٹ جاتا ہوں 

روز پھر خود کو میں بناتا ہوں 

روز میں خود سے روٹھ جاتا ہوں

اور پھر خود کو میں مناتا ہوں 

روز اک کام کرنا ہوتا ہے 

روز وہ کام بھول جاتا ہوں

آدمی کے مرنے میں دیر کتنی لگتی ہے

 زلف کے سنورنے میں دیر کتنی لگتی ہے 

آدمی کے مرنے میں دیر کتنی لگتی ہے

آنکھ سے بھلا دل کا فاصلہ ہی کتنا ہے 

سیڑھیاں اترنے میں دیر کتنی لگتی ہے 

پتھروں پہ چلتا ہوں کانچ کا بدن لے کر 

کرچیاں بکھرنے میں دیر کتنی لگتی ہے 

یہ شیر ہم پہ جھپٹتا ہے کھال نوچتا ہے

 یہ شیر ہم پہ جھپٹتا ہے، کھال نوچتا ہے 

ہمارے جسم کو تیرا خیال نوچتا ہے

کبھی سکون کی صُورت بھی خواب لگتی ہے

کہ نیند آتے ہی کوئی ملال نوچتا ہے 

یہ کس مقام پہ لے آئی زندگی ہم کو

ہمارا ظرف ہمارے سوال نوچتا ہے 

مان لیں گے وہ ہماری التجا لگتا نہیں

 مان لیں گے وہ ہماری التجا لگتا نہیں

معاف کر دیں گے ہماری ہر خطا لگتا نہیں

کہہ سکیں سچ بات کو وہ ہر بشر کے سامنے

آج کل لوگوں میں اتنا حوصلہ لگتا نہیں

صبح ہوتے ہی بدل جاتے ہیں ان کے فیصلے

دیرپا ہو گا کوئی بھی فیصلہ لگتا نہیں

لوگ پتھر کے ہیں پتھر ہی دکھائی دے گا

 لوگ پتھر کے ہیں پتھر ہی دکھائی دے گا

ہر طرف زخموں کا منظر ہی دکھائی دے گا

تشنگی آج کنارے سے گلے ملتی ہے

خواب میں اب تو سمندر ہی دکھائی دے گا

آگ نفرت کی جو سینے میں بھڑک اٹھے گی

شہر میں جلتا ہوا گھر ہی دکھائی دے گا

نظر بھر کی خطا میں عشق کر جانے کی جرأت ہے

 نظر بھر کی خطا میں عشق کر جانے کی جرأت ہے

تمہیں بس دیکھنا تھا، اب سنور جانے کی جرأت ہے

نہیں ہے فُرصتِ غم پھر تمہیں اپنا بنانے کی

مگر اب خامشی میں گُھٹ کے مر جانے کی جرأت ہے

میں اُٹھ کر آ گیا تھا جوگ میں یونہی تمہارے ہاں

میں ٹِلہ جوگیاں کا ہوں سو گھر جانے کی جرأت ہے

آنکھ سب رکھتے ہیں لیکن دیکھتا کوئی نہیں

 آہ بے تاثیر ہے نالہ رسا کوئی نہیں

درد وہ مجھ کو مِلا جس کی دوا کوئی نہیں

دیکھتا ہوں راہ میں مُڑ مُڑ کے ہر چہرے کو میں

ہمسفر کتنے ہیں لیکن ہمنوا کوئی نہیں

اس سے بڑھ کر اور کیا ہو گا عذابِ زندگی

آنکھ سب رکھتے ہیں لیکن دیکھتا کوئی نہیں

جس کو دیکھو ہے خریدار رسول عربی

 عارفانہ کلام حمد نعت منقبت

جس کو دیکھو ہے خریدار رسولِ عربیﷺ

مصر سے بڑھ کے ہے بازار رسول عربی

جب خدا خود ہے خریدارِ رسول عربیﷺ

کیوں نہ ہو گرمئی بازارِ رسولِ عربیﷺ

طُور پر دیکھ کے غش جس کو ہوئے تھے موسیٰ

تھا وہ اک پرتوِ رُخسار رسول عربیﷺ

دل لگا کر رنج اٹھانا کوئی ہم سے سیکھ جائے

 اس جہاں سے دل لگانا کوئی ہم سے سیکھ جائے

دل لگا کر رنج اٹھانا کوئی ہم سے سیکھ جائے

غم کی چوٹیں دل پہ کھانا کوئی ہم سے سیکھ جائے

ضبط سے جاں کو گُھلانا کوئی ہم سے سیکھ جائے

اف نہیں کرتے مبادا رازِ مُضمر فاش ہو

داغِ سینہ کو چُھپانا کوئی ہم سے سیکھ جائے

کیا تجھ کو کبھی آئی ہے قاضی کی وفا یاد

 انشاء ہی رہا یاد نہ منشاء ہی رہا یاد

مجھ کو تو ابھی کوئی نہیں تیرے سوا یاد

میں تو کبھی بُھولے سے بھی تجھ کو نہیں بُھولا

اور تُو نے تو بُھولے سے بھی مجھ کو نہ کیا یاد

دُنیا سے تھا نزدیک تو دُنیا نے نہ پوچھا

دُنیا سے ہوا دُور تو دُنیا نے کیا یاد

ہجوم غم سے گھبراتے نہیں ہم

 ہجوم غم سے گھبراتے نہیں ہم

محبت کر کے پچھتاتے نہیں ہم

بہت بے چین رہتے ہیں وہ اس دن

کسی دن جب نظر آتے نہیں ہم

گُلِ عارض پہ کوئی بات تو ہے

مگس کی طرح منڈلاتے نہیں ہم

ساعت غم میں بھی فریاد نہیں کر پایا

 ساعت غم میں بھی فریاد نہیں کر پایا

ایک مدت سے تجھے یاد نہیں کر پایا

دیکھ کر وار پہ خاموش مِری آنکھوں کو

کرنے آیا تھا جو جلاد نہیں کر پایا

میری غزلوں کو کھنگالا بھی گیا تھا لیکن

فیصلہ کوئی بھی نقاد نہیں کر پایا

اداس آنکھ میں زینت دکھائی دیتی ہے

 اداس آنکھ میں زینت دکھائی دیتی ہے

کسی کے ہجر کی رنگت دکھائی دیتی ہے

اُسے صدا نہیں دیتا کہ لطفِ حاصل سے

جمالِ یار میں خفت دکھائی دیتی ہے

وہ اپنے عیب بھی آئینے پر ہی دھر آیا

کمال اس شخص میں جرأت دکھائی دیتی ہے

حسن کو سمجھتا ہے عشق ہم زباں اپنا

 حسن کو سمجھتا ہے عشق ہم زباں اپنا

ہے حقیقت ایسی ہی یا ہے یہ گماں اپنا

فاش ہم کریں کیونکر راز مدعا یابی

گم حصول مقصد میں حاصل بیاں اپنا

کارساز ہے کتنی دید و باز دید اپنی

مل گیا صلہ ہم کو بعد امتحاں اپنا

حسرت دل کو مار کر دیکھا

 حسرت دل کو مار کر دیکھا

بوجھ سارا اتار کر دیکھا

وقت ممکن کہاں گزارے تو

جیسے میں نے گزار کر دیکھا

کوئی میری مدد کو آیا نہیں

میں نے سب کو پکار کر دیکھا

ماضی کے روشن کردار کہاں سے لاؤں

 ماضی کے روشن کردار کہاں سے لاؤں

سر ہی نہیں قابل دستار کہاں سے لاؤں

اپنی زمیں کا تھوڑا ٹکڑا تمہیں بھی دے دیں

مہاجرو! ایسے انصار کہاں سے لاؤں

زنگ آلود عجائب گھر میں رکھی ہو گی

عالمگیر کی وہ تلوار کہاں سے لاؤں

وہ حرف حرف مکمل کتاب کر دے گا

 وہ حرف حرف مکمل کتاب کر دے گا

ورق ورق کو محبت کا باب کر دے گا

اُجالے کے لیے اس کو صدا لگاؤ اب

یہ کام چٹکیوں میں آفتاب کر دے گا

وہ جب بھی دیکھے گا مستی بھری نظر سے مجھے

مرے وجود کو یکسر شراب کر دے گا

لب تشنۂ تمنا کہیں جام تک نہ پہنچے

 لب تشنۂ تمنا کہیں جام تک نہ پہنچے

یہ سرورِ ذوقِ پیہم بھی تمام تک نہ پہنچے

بجلی گرانے والے! یہ بات یاد رکھنا

شعلہ چمن سے اٹھ کر تِرے بام تک نہ پہنچے

تیشہ زنی اکارت،۔ بے سُود سر فروشی

وہ جُوئے شِیر بھی کیا جو عوام تک نہ پہنچے

بکتے ہیں ہمیں آپ خریدار ہمیں ہیں

 بکتے ہیں ہمیں آپ خریدار ہمیں ہیں 

یہ طرفہ تماشا سر بازار ہمیں ہیں 

بلبل ہمیں زینت وہ گلزار ہمیں ہیں 

ہر پھول میں ہر پھل میں نمودار ہمیں ہیں 

دل ہم میں سدا رہتا ہے ہم رہتے ہیں دل میں 

ہم آپ ہی دل دادہ ہیں دلدار ہمیں ہیں 

درد روتا ہے درد دے کے مجھے

 درد روتا ہے درد دے کے مجھے

سرخ بھی زرد ہو گیا ہے اب

تم مجھے درد دے نہیں سکتے

درد ہمدرد ہو گیا ہے اب

اب کسی سے نہیں کوئی الفت

دل یہ بے درد ہو گیا ہے اب

سارے رستے تو ہو گئے مسدود

 ماہیا/ثلاثی/سہ حرفی/*ہائیکو/تروینی/ترائلے

سارے رستے تو ہو گئے مسدود

کاش وہ خود بخود چلے آئیں

کسی صورت کسی بہانے سے

اکرم کلیم

یہاں ٹھہریں وہاں جائیں کدھر ہم کوچ کر جائیں

 ہجرتوں کے سفر

مگر ہم دربدر لوگوں کی بھی اپنی کہانی ہے

پلٹ کر کس طرح جائیں

تذبذب کی اتھاہ گہرائیوں میں ڈوبے رہتے ہیں

یہاں ٹھہریں وہاں جائیں

کدھر ہم کوچ کر جائیں

جمیل احسن

تیری میری ذات کا میل

 زعفرانی کلام

تیری میری ذات کا میل

کِیکر پر انگُور کی بیل

جاہل بن بیٹے سُلطان

عالم فاضل بیچیں تیل

دو ہی انت سیاست کے

کُرسی یا اڈیالہ جیل

جواب چیخ اٹھے ہیں سوال چیخ اٹھے

 جواب چیخ اٹھے ہیں سوال چیخ اٹھے

کہیں پہ لفظ کہیں پر خیال چیخ اٹھے

دکھا یہ خواب کہ کل رات مر گیا ہوں میں

گناہ جتنے تھے سب حسب حال چیخ اٹھے

کہیں امام کہیں مقتدی ملے جاہل

اذانیں سن کے ہماری بلال چیخ اٹھے

کوئی قصہ نیا سنا کر دیکھ

 کوئی قصہ نیا سنا کر دیکھ

حرف سے حرف کو ملا کر دیکھ

جو بھی چادر بچھا کے بیٹھا ہے

اس سے نظریں سبھی ملا کر دیکھ

حیلہ گر ہے کسی ندامت میں

اس کو رستہ کوئی دکھا کر دیکھ

باب حضور میں

 بابِ حضورﷺ میں

اے ہواؤ، دریاؤ، ابر پارو

جب تک وہاں سے گزرنا

کچھ ہوا

اور پانی

اپنے ساتھ لے آنا

کہ ہم بہت پیاسے ہیں

مہربان گاؤں کے لوگ اور گھر سارے

 کم نصیبی

مہربان گاؤں کے

لوگ اور گھر سارے

جھیل، راستے، جھرنے

سائباں شجر سارے

منتظر ہی رہتے ہیں

وہ اپنی ذات میں گم تھا نڈھال ایسا تھا

 وہ اپنی ذات میں گم تھا نڈھال ایسا تھا

مزاج پوچھنے والے کا حال ایسا تھا

کوئی چراغ سا چہرہ ادھر نہیں آیا

میں نا مراد تھا یارو کہ سال ایسا تھا

دبا دیا تھا کسی ہاتھ کو اندھیرے میں

وہ جان جائے گا میرا خیال ایسا تھا

اس دل نے رلایا ہے اک بار مجھے پھر سے

 اس دل نے رلایا ہے اک بار مجھے پھر سے

اس دل نے مجھے پھر سے وہ یاد دلائی ہے

یہ کیسی جدائی ہے جو ختم نہیں ہوتی

یہ کیسی اداسی ہے اس دل پہ جو چھائی ہے

میں نے ہی محبت کا اظہار کیا پہلے

میں نے ہی اسے جا کر یہ بات بتائی ہے

یہ کس مقام پہ آ کر ٹھہر گئی دنیا

 یہ کس مقام پہ آ کر ٹھہر گئی دنیا 

ہمیں تو خواب سے محروم کر گئی دنیا

غریب پر تو ستم ڈھا رہی تھی رہ رہ کر

امیر سامنے آیا تو ڈر گئی دنیا

کہا تھا مجھ کو مصیبت میں کام آئے گی 

ستم ہے قول سے اپنے مُکر گئی دنیا 

بوجھل ہوں سر پہ بوجھ اٹھایا ہوا تو ہے

 بوجھل ہوں سر پہ بوجھ اٹھایا ہوا تو ہے

مشکل میں ہوں خدا کو بتایا ہوا تو ہے

اور اب تو یار دوست بھی کرنے لگے سوال

کچھ دن سے ایک رنگ سا آیا ہوا تو ہے 

اس نے بھی ایک بیل اگائی ہے اس طرف

ہم نے بھی ایک پیڑ لگایا ہوا تو ہے

کوفہ مزاج شہر میں رونے کا فائدہ

 کوفہ مزاج شہر میں رونے کا فائدہ؟

بس دیکھتے ہیں دور سے ماتم تماش بین

درویش کی دھمال پہ فتوے لگائیں گے

مرشد کے التفات سے برہم تماش بین

گھنگرو کی خستگی پہ سبھی معترض تو ہیں

ٹخنوں کے زخم دیکھتے ہیں کم تماش بین

گئے ہیں دیس کو ہم اپنے چھوڑ کر بھی نہیں

 گئے ہیں دیس کو ہم اپنے چھوڑ کر بھی نہیں

مہاجرت کے لیے شرط اب سفر بھی نہیں

اسی جہان میں رہتے ہیں خوبرو ایسے

یقین مجھ کو ہوا اس کو دیکھ کر بھی نہیں

مرے وجود میں گھل مل کے کر گیا تنہا

وہ ایک شخص جو آیا کبھی نظر بھی نہیں

فرصت مرہمی نہ تھی زخم چھلا چھلا رہا

 فرصتِ مرہمی نہ تھی، زخم چِھلا، چِھلا رہا

صبح سے شام تک وہی کام کا سِلسلہ رہا

ذہن میں وحشتیں نہ ہوں، دل تو ہو پر زِ درد و غم

مانا کہ خام تھا جنوں، شوق بھی بے صِلہ رہا؟

جوشِ نمو بھی ہے بجا، لمحے بھی ہیں طرب فزا

خدشہ سا دل میں ہے کہ وقت، سَم تو نہیں پلا رہا

وہ دشمن ہو گیا اچھا ہوا ہے

 وہ دُشمن ہو گیا اچھا ہُوا ہے

یہ لمحہ دل پہ اب لِکھا ہوا ہے

مگر سچ ہے کہ وہ بہکا ہوا ہے

مگر اے دل وہ کیوں بہکا ہوا ہے

بلائیں لے رہے تھے لوگ سارے

مگر بچہ ہے پھر سہما ہوا ہے

سوختہ کشتی کا ملبہ میں مرا دل اور شام

 سوختہ کشتی کا ملبہ میں مرا دل اور شام

غمزدہ اترے ہوئے دریا کا ساحل اور شام

رات کے اک پیشرس تارے کی دھڑکن تیز تیز

آنکھ میں سہمے ہوئے خوابوں کی جھلمل اور شام

خستگی سے چُور پاؤں حسرتِ واماندگی

کہر میں ڈُوبی ہوئی موہوم منزل اور شام

ہماری زیست میں کچھ ایسے مہ و شاں گزرے

 ہماری زیست میں کچھ ایسے مہ و شاں گزرے

زمیں پہ جیسے ستاروں کے کارواں گزرے

متاع زیست سمجھ کر اسے سمیٹ لیا

تِرے لیے جو ستم ہائے آسماں گزرے

خود اپنے حال پہ آنکھوں میں آ گئے آنسو

تِرے خیال میں کیا کیا نہیں گُماں گزرے

آوازوں کے بلوے سے جب ننگے سر خاموشی گزری

 آوازوں کے بلوے سے جب ننگے سر خاموشی گزری

خاک اڑاتی ساتھ میں زندہ غیرت کی اک لاش بھی گزری

 کوچہ بہ کوچہ قریہ بہ قریہ پشتِ خمیدہ سے جکڑی

طوق و سلاسل کے ہمراہ زنجیر بھی شور مچاتی گزری

لاکھوں تماشائی آنکھوں کے بیچ جھکا کر اپنا سر

بے مقنع تصویر حیا کی آنکھ سے خون بہاتی گزری 

گردن سے جدا کر دو لو حاضر ہے مرا سر

 گردن سے جدا کر دو، لو حاضر ہے مِرا سر

میں کہہ نہیں سکتا کبھی قطرے کو سمندر

ہے جام سخن اصل میں آگاہی کا ساغر

کہتے ہیں جسے شاعری حکمت ہے سراسر

زردار! اگر تجھ کو خوشی چاہیے سچی

محتاج کی، مفلس کی، غریبوں کی مدد کر

تری اک چشم رحمت سے ترا بیمار بہتر ہے

عارفانہ کلام حمد نعت منقبت

تِری اِک چشمِ رحمت سے تِرا بیمار بہتر ہے

ہزاروں طِبی نسخوں سے نگاہِ یار بہتر ہے

جگہ مِل جائے گر پاپوش گاهِ یار میں مجھ کو

خوشا یہ مسندِ طاؤس سے صد بار بہتر ہے

شہنشاہی سے بڑھ کر ہے تِری پاپوش برداری

سکندر سے تِرا اِک خادمِ دربار بہتر ہے

کہ میں سادہ سی لڑکی تھی

 جوانی کتنی چھوٹی ہے

کہ میں سادہ سی لڑکی تھی

نہ بنتی تھی سنورتی تھی

مِرا بس دوش اتنا ہے

کہ میں خوابوں پہ مرتی تھی

نہ اشکوں سے مراسم تھے

میں ہر حالت پہ ہسنتی تھی

لاکھ میں نے تجھے چھپانا ہے

 لاکھ میں نے تجھے چھپانا ہے

تیری خوشبو نے پھیل جانا ہے

ہم کو سچ بولنے کی عادت ہے

ہم نے نقصان تو اٹھانا ہے

ہم سلامت رہیں گے باہر سے

ہم نے اندر سے ٹوٹ جانا ہے

غلط ہے ماضی کسی کا کسی کا حال غلط

 تمام عمر ہی کھاتا رہا جو مال غلط

بتاؤ کیسے نہ اٹھے گی اس کی آل غلط

کچھ ایسے لوگ بھی شامل ہیں بزمِ خوباں میں

غلط ہے ماضی کسی کا کسی کا حال غلط

تمہارے حسن کو تشبیہ دوں تو کس شے سے

تمہارے حسن نے کر دی ہے ہر مثال غلط

میں دل کے درد میں تڑپنے والا

 جہاں میں رہتا ہوں

وہاں استنبول کے پانیوں کو چوم کر ہوائیں آتی ہیں

یونس ایمرے کی داستان محبت میں

خالدہ ادیب خانم کے رتجگوں میں گونجتی

سنگدل قدموں کی آہٹیں، اداس صفحوں کی سرسراہٹیں سناتی ہیں

گھنے جنگلوں میں بارش کی بوندیں اذیت میں سسکتی ہیں

تمہاری بزم میں محروم جام ہم بھی تھے

 تمہاری بزم میں محروم جام ہم بھی تھے

فقط رقیب نہیں تشنہ کام ہم بھی تھے

فقیہ شہر نے گمراہ کر دیا ورنہ

صفت شناس حلال و حرام ہم بھی تھے

عمامہ بند و قبا پوشگاں کا ذکر ہی کیا

ترے حضور میں با احترام ہم بھی تھے

رات بنجر ہوئی کوئی اکھوا نہیں پھوٹتا

 رات بنجر ہوئی

کوئی اکھوا نہیں پھُوٹتا

رات کی زرد ٹہنی کی کمزور بانہیں کسی پھُول کی آرزو سے تہی

رات بنجر ہوئی کوکھ جیسی ہوئی، یعنی بے آرزو

کوئی ہنگامہ خیزی نہ سیلِ بلا خیز کا سامنا

ایک تیرہ شبی جس میں ذوقِ نمو کا گُزر تک نہیں

جاؤ دل پہ بندش لگا سکتا ہے کون

 جہاں تم نے چھوڑا ہے

جاؤ

دل پہ بندش لگا سکتا ہے کون؟

جاؤ اسی کی طرف جاؤ

جس کے خوابوں آنکھیں مخمور ہیں تمہاری

جاؤ اسی کی طرف جاؤ

میں تو یہیں ہوں

کب ہوئی ہے سحر ہم نہیں جانتے

 کب ہوئی ہے سحر ہم نہیں جانتے

رات ہے یا سحر ہم نہیں جانتے

کیسے ہو گی بسر ہم نہیں جانتے

آپ ہیں جان اگر تو جگر ہم بھی ہیں

فرق جان و جگر ہم نہیں جانتے

غم دل کی دوا کوئی نہیں ہے

 غم دل کی دوا کوئی نہیں ہے

ہمیں ان سے گلہ کوئی نہیں ہے

وفا کے راستوں میں کھو گیا دل

کہاں ڈھونڈوں پتا کوئی نہیں ہے

جھکا دوں گا میں سر قدموں پہ جس کے

وہ تم ہو دوسرا کوئی نہیں ہے

خوشبو کے ساتھ ساتھ چلی تازگی کوئی

 اک پھول جیسی شکل نظر آ گئی کوئی

خوشبو کے ساتھ ساتھ چلی تازگی کوئی

​اس شہرِ بے چراغ کی وحشت پہ کیا کہوں

اپنا بھی لگ رہا ہے مجھے اجنبی کوئی

پتھر مزاج مجھ کو دکھانے سے پیشتر

ثابت تو کر، کہ تو بھی نہیں سامری کوئی

اس کی جو ہمہ وقت ضرورت نہیں ہوتی

 اس کی جو ہمہ وقت ضرورت نہیں ہوتی

سو ہم سے غمِ یار کی عزت نہیں ہوتی

لاحق ہو جنہیں اپنوں سے ہی جان کا خطرہ

ان کے لیے کوئی صبر کی آیت نہیں ہوتی

ماں باپ کو یہ کہہ کے نکالا گیا گھر سے

اب ہم سے مزید آپ کی خدمت نہیں ہوتی

بڑھ چلا عشق تو دل چھوڑ کے دنیا اٹھا

 بڑھ چلا عشق تو دل چھوڑ کے دنیا اٹھا 

خود بخود جوش مے ناب سے شیشہ اٹھا

دست نازک سے زر گل کا بھی اٹھنا ہے محال 

یہ تو فرمائیے کس وجہ سے توڑا اٹھا

جب پکارے لب جاں بخش سے وہ مر گئے ہم 

نا توانوں سے نہ بار دم عیسیٰ اٹھا

آپ کہتے ہیں تو ہم ترک وفا کرتے ہیں

 آپ کہتے ہیں تو ہم ترک وفا کرتے ہیں

آپ کے حکم پہ خود پر بھی جفا کرتے ہیں

آپ کا ساتھ نباہا تھا خوشی میں، غم میں

آپ کی یاد بھی اب دل سے جدا کرتے ہیں

وصل میں آپ کے تو آدمی بھی نہ بن سکے

آپ سے ہو کے جدا خود کو خدا کرتے ہیں

سبق بس کھیلنے کھانے کا جس کو یاد ہوتا ہے

 سبق بس کھیلنے کھانے کا جس کو یاد ہوتا ہے

بڑا ہو کر وہ لڑکا ایک دن استاد ہوتا ہے

نہ آئے ماسٹر جس دن پڑھانے میرے درجے میں

ذرا سی دیر کو اس دن میرا دل شاد ہوتا ہے

جو مولیٰ بخش سے وہ پیٹتے ہیں مجھ کو مکتب میں

کوئی سمجھائے ان کو وقت بھی برباد ہوتا ہے

مدت سے جسم برف میں جکڑا ہوا سا ہے

مدت سے جسم برف میں جکڑا ہوا سا ہے

ماحول میرے سینے میں بیٹھا ہوا سا ہے

کہرے میں آنکھ پھوٹ گئی تب خبر ملی

سورج مری تلاش میں نکلا ہوا سا ہے

ہر آنکھ مجھ پہ پڑتی ہے تلوار کی طرح

ہر شخص میرے خوں میں نہایا ہوا سا ہے

تو دیا میں باتی ہوں

 ماہیا٭/ثلاثی/سہ حرفی/ہائیکو/تروینی/ترائلے

تُو دِیا میں باتی ہوں

ساتھ نہ چھوڑوں گی

سوگندھ یہ کھاتی ہوں

سیما پیروز

عجب ماہ و سال میں پھنس گیا

 میں اور خوابوں کا اندوختہ

عجب ماہ و سال میں پھنس گیا

بکھری بکھری بے ترتیب چیزوں میں

لمحہ لمحہ بکھر گیا

بس ایک جھونکا کبھی غبار کا

اِس سمت سے اُس سمت تک

الگ کر دیتا ہے

دل ہوتے ہوتے منزل جانانہ ہو گیا

 دل ہوتے ہوتے منزل جانانہ ہو گیا

آباد رفتہ رفتہ یہ ویرانہ ہو گیا

وہ ہیں کہ دو جہان کو اپنائے جاتے ہیں

میں ہوں کہ اپنی ذات سے بیگانہ ہو گیا

جلنے کا شوق اف ترے کشتے کی خاک کا

جو ذرہ اڑ گیا وہی پروانہ ہو گیا

ہر بات پہ انکار کرے ہے بت کافر

 ہر بات پہ انکار کرے ہے بُتِ کافر

تُو شخص تو اچھا ہے مگر تیرے عناصر

اے شہر تمنا میں سکونت کے بِھکاری

اس شہر میں آباد نہیں کوئی مہاجر

خوش رہنے کی تاکید نہ کر وقت ہے اب بھی

گر مان لیا میں نے کہیں تیرا کہا پِھر

حکم ہے اس کا کہ سچ ہر بات کہنا چاہیے

 حکم ہے اُس کا کہ سچ ہر بات کہنا چاہیے

رات کو دن اور دن کو رات کہنا چاہیے

یہ جو دریا بہہ رہا ہے شور اس کا وصف ہے

دل کا دریا خاموشی کے سات بہنا چاہیے

یوں بھی دینا چاہیے اُن کے سوالوں کے جواب

کچھ خیالِ خاطرِ جذبات رہنا چاہیے

اک قیامت ہے بپا شور دل دلگیر سے

 اک قیامت ہے بپا شور دل دلگیر سے

اُڑ گئے ٹُکڑے فلک کے آہ کی تاثیر سے

راز اُلفت کے عیاں ہونے کا ڈر جاتا رہا

خامشی سیکھی ہے ہم نے بُلبل تصویر سے

چھیڑتا ہے کس لیے ناصح اسیرِ زُلف کو

دم اُلجھتا ہے تِری اُلجھی ہوئی تقریر سے

مشکل تری اڑان ہے سورج نظر میں رکھ

 مُشکل تِری اُڑان ہے سُورج نظر میں رکھ

تاریک آسمان ہے سورج نظر میں رکھ

جانا ہے روشنی کی طرف لوٹ کر تجھے

دو پل کا یہ جہان ہے سورج نظر میں رکھ

بے رنگ اس کے پھُول ہیں بے نُور ہر شجر

جنگل یہ گُلستان ہے سورج نظر میں رکھ

کب تھی وہ شے بہار میں کب تھی خزاں کے پاس

 کب تھی وہ شے بہار میں کب تھی خزاں کے پاس

جو اب ہمارے دور کے ہے گُلستاں کے پاس

کتنی ہیں بستیاں جو معلّق خلا میں ہیں

کتنے جہاں، رُکے ہوئے ہیں کہکشاں کے پاس

چٹیل ہیں رہگزاروں کے سینے کُھلے ہوئے

اب خاک بھی نہیں ہے کسی کارواں کے پاس

لذت درد جگر دوست بڑھا دیتا ہے

 لذتِ دردِ جگر دوست بڑھا دیتا ہے

زخم رِستا ہے تو کچھ اور مزا دیتا ہے

میرے زخموں پہ نمک روز چھِڑک دیتا ہے

جانے کس جرم کی وہ مجھ کو سزا دیتا ہے

تلخ باتوں سے مِرے دل کو دکھاتا ہے روز

میرا ہو کے مِرے زخموں کو ہوا دیتا ہے

قرآن معجزہ ہے بشارت حدیث ہے

 عارفانہ کلام حمد نعت منقبت

قرآن مُعجزہ ہے، بشارت حدیث ہے

خالق کو خلق سے ہے محبت، حدیث ہے

ہمسائے کے حقوق ادا ہونے چاہئیں

دُکھ سُکھ میں ہونی چاہیے شرکت، حدیث ہے

گندم کی بالیوں میں بشارت ہے اجر کی

تقسیم ہونی چاہیے دولت، حدیث ہے

آرزو تھی کہ کبھی ان کے روبرو ہوتے

 آرزُو تھی کہ کبھی اُن کے رُوبرُو ہوتے

اک عُمر گُزرے گی تکمیلِ آرزو ہوتے

ہمارے اشکِ ندامت🥹 لہُو لہُو ہوتے

ہم بھی گُلشن میں گُلوں جیسے سرخرُو ہوتے

ان سے باتیں تو خیالوں میں ہُوا کرتی ہیں

کاش ہم خُود سے کبھی محوِ گُفتگو ہوتے

جو کر کے رفو پیرہن ناچتے ہیں

 جو کر کے رفُو پیرہن ناچتے ہیں

چھُپانے کو دردِ کُہن ناچتے ہیں

ذرا بھی نہیں فکر سُود و زیاں کی

سرِ دار کیا بانکپن ناچتے ہیں

ہُوا تذکرہ جو تِرے گیسوؤں کا

مِرے ساتھ اہلِ سُخن ناچتے ہیں

بڑا بے ڈھنگ تھا جب تم نہیں تھیں

 بڑا بے ڈھنگ تھا، جب تم نہیں تھیں

میں خود سے تنگ تھا، جب تم نہیں تھیں

میں اب رنگین غزلیں کہہ رہا ہوں

سخن بے رنگ تھا، جب تم نہیں تھیں

تمہارا کون تھا، جب میں نہیں تھا؟

میں کس کے سنگ تھا، جب تم نہیں تھیں

دل دھڑکنے لگا فریاد کی نوبت آئی

 دل دھڑکنے لگا فریاد کی نوبت آئی

تم چلے اُٹھ کے مِری جان قیامت آئی

آپ کے ظُلم نے دی میری وفا کو شہرت

کہ مِرے خُون سے بھی بُوئے محبت آئی

سچ ہے مرنے پہ نہیں کوئی کسی کا دل سوز

شمع بھی بُجھ گئی جس دم سرِ تربت آئی

کاش منت کش اظہار نہ ہونا پڑتا

 اظہار

اپنی شریک حیات الزبتھ (زیبا کے لیے)

اب تِرے جسم سے اُٹھتی ہوئی خُوشبو کی لپٹ

میرے احساس پہ آویزاں ہے

گرم ہے کمرے کی خاموش فضا

تیرے عارض پہ پسینے کی نمی

ذہن میں لاتی ہے برسات کی پہلی راتیں

میری خبر ہے دل کو نہ دل کی خبر مجھے

 میری خبر ہے دل کو نہ دل کی خبر مجھے

دیوانہ کر گئی ہے کس کی نظر مجھے

کیسے قرار آئے مرے دل کو ہم نشیں

پھرتی ہے تیری یاد لیے در بدر مجھے

منزل کے پاس آ کے ہوئے دونوں دو طرف

میں ہمسفر کو بھول گیا ہمسفر مجھے

لو آج میرے سارے خواب توڑ دو

 لوٹا دو

لو! آج میرے سارے خواب توڑ دو

بہت سنبھال کر رکھا ہے جن رتجگوں کو پلکوں پر

وه سارے کے سارے آج مجھے لوٹا دو

میری وه الہڑ عمر، وه بانکپن

وه میرے عارض کی دھنک رنگ رنگت

وه میری کھنکتی ہنسی

اسی لیے ہی تو حد بیاں سے آگے ہے

 اسی لیے ہی تو حدِ بیاں سے آگے ہے

علیؑ زمانے کے وہم و گماں سے آگے ہے

علیؑ کو مان رہا ہوں میں روزِ اول سے

مِرا یقین تمہارے گماں سے آگے ہے

نصیری اور مقصر جہاں تلک پہنچے

یقین مان علیؑ تو وہاں سے آگے ہے

زندگی کیا مانگتی ہے کچھ سمجھ آتا نہیں

 زندگی کیا مانگتی ہے کچھ سمجھ آتا نہیں

جس طرف بھی دیکھیے اب دل کو کچھ بھاتا نہیں

دوستی بھی دیکھ لی اور دشمنی بھی دیکھ لی

دونوں رشتوں سے ہی انساں کچھ کبھی پاتا نہیں

کس لیے انساں کے دل نے پائی دولت کی ہوس

اس جہاں سے ساتھ اپنے کچھ وہ لے جاتا نہیں

دانا جو کہہ رہے ہیں منافق کو عقل مند

 دانا جو کہہ رہے ہیں مُنافق کو عقل مند

سو ہو گیا ہوں میں بھی تھوڑا مصلحت پسند

خُوئے غُلامی راس جِسے آ گئی یہاں

کیسے بھلا وہ ہو گا کبھی پھر خطر پسند

کج فَہمی کھا گئی ہے مِری نسل کا شعور

ہر شخص مِرے شہر کا اک خول میں ہے بند

تھی کوئی تمثیل گل شاخ گماں سے بے خبر

 تھی کوئی تمثیل گُل شاخِ گُماں سے بے خبر

عکس تھا ٹھہرا ہوا آبِ رواں سے بے خبر

جانے کیسی دُھن میں تھے ہم، بے خطر چلتے رہے  

غلغلۂ شہر غوغائے سگاں سے بے خبر 

غم سے بھر آئے اگر  تو خُود سے ٹکراتا ہے دل 

ٹُوٹتا ہے یہ سبو شیشہ گراں سے بے خبر

ہمیشہ ایک نیا راستہ وہاں سے ملا

 عارفانہ کلام حمد نعت منقبت

ہمیشہ ایک نیا راستہ وہاں سے مِلا

چراغِ نقشِ کفِ پا تِرا جہاں سے ملا

یہ کِن اُجالوں کی بستی کا تُو مسافر تھا

کہ آفتاب تِری گردِ ارواں سے ملا

خلا رہا نہ کہیں خلق اور خدا میں کوئی

کہ یوں زمیں کو دیا تُو نے آسماں سے ملا

لفظوں کے جال میں کیوں الجھا ہے نادان ہے کیا

لفظوں کے جال میں کیوں الجھا ہے نادان ہے کیا

اِذن ملنا غمِ دل کہنے کا، آسان ہے کیا

کسی کی یاد مِرے دل میں اذاں دیتی ہے

میرے دل میں جو بسا ُہے وہ مسلمان ہے کیا

آگ لگتی ہے تو ہوتا ہے دُھواں بھی ہر سُو

اب تلک میری محبت سے وہ انجان ہے کیا

انجانے رشتوں کا موسم آیا ہے

انجانے رشتوں کا موسم آیا ہے

کون ہے اپنا یوں بھی کون پرایا ہے

دھرتی کے سُورج نے آگ لگائی ہے

آسمان پر انسانوں کا سایا ہے

ہم مخلوق میں بہتر ہیں، یہ دعویٰ ہے

ہم نے ہی آئینوں کو شرمایا ہے

وہ دکھے گا ضرور دیکھیں تو

 وہ دکھے گا ضرور دیکھیں تو

وہ وہاں اور دور دیکھیں تو

دل کہیں بعد ہے مگر پہلے

ہے نظر کا قصور دیکھیں تو

جس نے دیکھا ہے آنکھ بھر کے مجھے

اس نظر کا غرور دیکھیں تو

موسم ہجرت میں جو اپنوں سے بیگانے رہے

 موسم ہجرت میں جو اپنوں سے بیگانے رہے

وہ شب ظلمت میں کتنے جانے پہچانے رہے

ہوش والوں کو تماشے دیکھتے ہی منتظر

دل پہ پتھر رکھ کے ہم اک عمر دیوانے رہے

فاتح شب کی ہوس میں روشنی پہ مر مٹے

خودکشی کی آڑ میں بے خوف پروانے رہے

زوال عظمت انساں کا مرثیہ ہوں میں

 زوال عظمت انساں کا مرثیہ ہوں میں

سر کشیدہ پہ دستار بے انا ہوں میں

سگ زمانہ سے آگے نکل گیا ہوں میں

اب اپنے سامنے تنہا کھڑا ہوا ہوں میں

مرے وجود میں در آیا کیسا سناٹا

کہ ریگزار میں گم گشتہ اک صدا ہوں میں

کچھ عشق بتاں کچھ فکر جہاں

 کچھ عشقِ بُتاں کچھ فکرِ جہاں دل یاس کا مارا کیا کہیے

کشتی کو تلاطم کا خطرہ، اور دُور کِنارہ کیا کہیے

اپنوں کے ہمیشہ جور و سِتم غیروں کا سہارا کیا کہیے

کس طور کیا ہے دنیا میں دو روز گُزارا کیا کہیے

بھٹکا ہوا آنسُو پلکوں کی چلمن میں لرزتا ہے ایسے

جیسے کہ گھٹا کے آنچل میں اُلجھا ہوا تارا کیا کہیے

آموختے کا جال زباں سے لپٹ گیا

 آموختے کا جال زباں سے لپٹ گیا

بدلی ہوا تو حرف کا پانسہ پلٹ گیا

مجھ سے نکل کے ہیبت شب کا تھا سامنا

سایہ وفور خوف سے پلٹا چمٹ گیا

صد تلخیوں کی شاخ پہ بیٹھی تھی موج نیم

برگد سے آ کے جھونکا ہوا کا پلٹ گیا

تم سفینۂ وفا ہم بادباں بن جائیں گے

 تم سفینۂ وفا ہم بادباں بن جائیں گے

تم گُلوں کی آبرو ہم آشیاں بن جائیں گے

آستانِ رب کے سجدے تم کرو گے رات دن

دیکھنا اس در کے ہم ہی آستاں بن جائیں گے

شوق سے سنتے ہو بیٹھے داستاں تم دوستو

آنے والے کل میں ہم خود داستاں بن جائیں گے

حضرت دل جناب کی خاطر

 حضرتِ دل جناب کی خاطر

عاقبت ہے عذاب کی خاطر

ترکِ لذّات اور میں، توبہ

ایک روزِ حساب کی خاطر

حضرتِ شیخ آپ بھی پی لیں

اک ذرا سی ثواب کی خاطر

کرنی ہو گر تو کیجیو جام و سبو کی بات

 کرنی ہو گر تو کیجیو جام و سبو کی بات

مت لائیو زباں پہ مگر آرزو کی بات 

مقدور بھی یہی ہے کہ پردے پڑے رہیں 

اپنی کہاں بساط کریں رو بہ رو کی بات

دیکھیں گے پھر سے بزم میں جلوہ نما اسے

سنتے رہیں گے بیٹھ کے اس ماہ رو کی بات

پھولوں میں جھلک حسن رخ یار کی نکلی

 پھولوں میں جھلک حسن رخ یار کی نکلی

ہم خوش ہیں کوئی شکل تو دیدار کی نکلی

الفاظ سے خوشبو تِرے کردار کی نکلی

جب بات مسیحا تِرے گفتار کی نکلی

نیلام ہوئے چاند ہر اک شہر میں لیکن

رونق نہ کہیں مصر کے بازار کی نکلی

وہ ایک شخص جو پورا مرا نہیں بنتا

 وہ ایک شخص جو پورا مِرا نہیں بنتا

خدا تو بنتا ہے پر آسرا نہیں بنتا

کہیں پہ واسطہ ہونے کے باوجود سُنو

کسی حوالے سے بھی واسطہ نہیں بنتا

ہماری آنکھ سے دل تک رسائی کیسے ہو

عطا بغیر یہاں راستہ نہیں بنتا 

ماں کے ہونٹوں پہ کانپتی ہے دعا

 ماہیا/ثلاثی/سہ حرفی/ہائیکو*/تروینی/ترائلے

 کھلتی خوبانیوں کی خوشبو سے

شام مہکی ہے میرے آنگن میں

ماں کے ہونٹوں پہ کانپتی ہے دعا

محمد امین

تیرے تحفے میرے نام

 میری چاہتوں کے سفر کا حاصل

دنیا والوں کے سبھی طعنے

ویران دن، اداس راتیں

جسم و جاں کے سب عذاب

تیرے تحفے

میرے نام

منور بلوچ

زندگی سے سفر نہیں جاتا

 زندگی سے سفر نہیں جاتا

کیوں مقدر سنور نہیں جاتا

شوقِ آوارگی ہے اس کو بھی

رات بھر میں بھی گھر نہیں جاتا

دے رہا ہے مجھے اذیت یہ

وقت یہ بھی گزر نہیں جاتا

یقیں تو پھر یقیں رہا گماں کا کیا گماں گیا

 یقیں تو پھر یقیں رہا گماں کا کیا گماں گیا

حدودِ دو جہاں کو تج حضورِ لا مکاں گیا

اٹھی نقابِ رخ اُدھر، اِدھر سے شور اٹھا کہ دل

ابھی ابھی یہیں تو تھا کہاں گیا کہاں گیا

جدارِ کعبۂ یقیں میں پھر دراڑ آئے گی

بس اس امیدِ ناز میں یہ دل کشاں کشاں گیا

در بدر مدحت سرکار سناتا ہوا میں

 عارفانہ کلام حمد نعت منقبت

در بدر مدحتِ سرکارؐ سناتا ہُوا میں

اپنی بخشش کا سامان بناتا ہوا میں

آپﷺ ہیں مسند محمود پہ جلوہ افروز 

اور غلاموں میں کھڑا نام لکھاتا ہوا میں

روکتے کھینچتے دوزخ سے بچاتے ہوئے آپؐ

اور دوزخ کی طرف دوڑ لگاتا ہوا میں

کوکب سب افلاک میں گم

 کوکب سب افلاک میں گُم

صوفی رُوحِ پاک میں گم

کھنڈر ہوئی ہر اونچی حویلی

پھر بھی اونچی ناک میں گم

حُسن ہے ساتھ حجابوں ہی کے

ہر منظرِ بے باک میں گم

ایک لمحے کا ہے یہ جہاں دوستو

 ایک لمحے کا ہے یہ جہاں دوستو

ہم رہیں پھر کہاں، تم کہاں دوستو

اتنا سامان شانوں پہ کیوں لے چلیں

مُختصر ہے بہت یہ جہاں دوستو

ان بہاروں کو دائم سمجھنا نہیں

آئے گی کل خزاں بھی کہاں دوستو

وہی عذاب وہیں آسرا بھی جینے کا

 وہی عذاب، وہیں آسرا بھی جینے کا

وہ میرا دل ہی نہیں زخم بھی ہے سینے کا

میں بے لباس ہی شیشے کے گھر میں رہتا ہوں

مجھے بھی شوق ہے اپنی طرح سے جینے کا

وہ دیکھ چاند کی پُر نُور کہکشاؤں میں

تمام رنگ ہے خُورشید کے پسینے کا

شب ہجراں میں دم نکلتا ہے

 شبِ ہِجراں میں دم نِکلتا ہے

کب پیامِ وصال ٹلتا ہے

دلِ بیمار سے ہے تنگ مسیح

داغ سے آفتاب جلتا ہے

بے زری سے ہوں پائمال بُتاں

 زور کس کا خُدا سے چلتا ہے

بتائیں کس طرح اے دل کسے دیکھا کہاں دیکھا

 بتائیں کس طرح اے دل کسے دیکھا کہاں دیکھا

وہی جلوہ نما جس طرف دیکھا جہاں دیکھا 

کوئی پوچھے نبیؐ سے کیا شہ کون و مکاں دیکھا

پس پردہ تھا کیا اور کیا سر پردہ وہاں دیکھا 

کہیں گے جان جاں نے جلوہ جانانِ جاں دیکھا

اٹھا پردہ تو دستِ حضرت حیدرؑ عیاں دیکھا 

عرصۂ خواب میں ہوں ہوش سے رخصت ہے مجھے

 عرصۂ خواب میں ہُوں ہوش سے رُخصت ہے مجھے

گردشِ شام و سحر ساغرِ غفلت ہے مجھے

اِک مِری لغزشِ پا سے ہے زمانے کو خرام

نغمۂ شہرِ سخن وقفۂ لُکنت ہے مجھے

کیوں ہو تنہائی میسّر تجھے اے دل کہ جہاں

خود مِرا سایہ بھی ہنگامۂ کثرت ہے مجھے

کبھی جالی کبھی گنبد کبھی مینار کے پاس

 عارفانہ کلام حمد نعت منقبت

کبھی جالی کبھی گُنبد کبھی مینار کے پاس

بیٹھ کر نعتیں لکھوں روضۂ سرکارؐ کے پاس

کہکشاں یا مہ و خُورشید ہوں آتے ہیں سبھی

نُور لینے کے لیے مرکزِ انوار کے پاس

با ادب حُور و ملک جِن و بشر شاہ و گدا

ہاتھ پھیلائے کھڑے ہیں درِ سرکارؐ کے پاس

ہم نے اشکوں سے لکھی ہے یہ کہانی سنیے

 ہم نے اشکوں سے لکھی ہے یہ کہانی سنیے

درد جو دل کا ہے اشکوں کی زبانی سنیے

یاد اک پھانس ہے رہ رہ کے کسک جاتی ہے

اب کبھی پریت نہیں اتنی بڑھانی سنیے

ساتھ ہو کوئی تو چھالے بھی مزا دیتے ہیں

جیٹھ کی دھوپ بھی لگتی ہے سہانی سنیے

ایک موہوم سی خوشی کی طرح

 ایک موہوم سی خوشی کی طرح

تم ملے بھی تو اجنبی کی طرح

تیرگی کے اداس جنگل میں

ہم بھٹکتے ہیں روشنی کی طرح

غم دوراں سنوار دوں تجھ کو

اپنے گیتوں کی دلکشی کی طرح

کوئی میرا ہوا ہوا نہ ہوا

 کوئی میرا ہوا ہوا نہ ہوا

اس کا مجھ کو کبھی گلہ نہ ہوا

سب کی کرتا رہا بھلائی میں

پھر بھی میرا کبھی بھلا نہ ہوا

ہو گئے مجھ سے وہ جدا پھر بھی

درد دل سے مگر جدا نہ ہوا

دل کہیں مبتلا نہ ہو جائے

 دل کہیں مُبتلا نہ ہو جائے

بے خطا ہی سزا نہ ہو جائے

عرضِ مطلب بھی کہہ نہیں سکتا

بات اپنی خطا نہ ہو جائے

درد کو بھی چُھپا کے رکھتا ہوں

خوف یہ ہے شفا نہ ہو جائے

جنت نظیر شہر پر کس کی نظر لگی

 جنت نظیر شہر پر کس کی نظر لگی

سن کر تمہارا نام میرے دل میں تھی خوشی

گلگت میرے حسین شہر! تجھ پہ ہو سلام

لکھتا رہا ہوں تجھ پر میں نوحہ کبھی کبھی

ناحق لہو بہا ہے جس سے دوستو

رزقِ حلال، امن و اماں بھی چلی گئی

جو ترے در پہ دوانے سے آئے بیٹھے ہیں

 عارفانہ کلام حمد نعت منقبت

جو تِرے در پہ، دِوانے سے آئے بیٹھے ہیں

وہ اپنی لو بھی تجھی سے لگائے بیٹھے ہیں

فقط حضورﷺ کا اُسوہ ہے جن کے پیش نظر

جبینیں اپنی ادب سے جھکائے بیٹھے ہیں

طلب سے بڑھ کے ملی ان کو ہے پذیرائی

ردائیں اوڑھ کے جو منہ چھپائے بیٹھے ہیں

پوچھتی ہے زندگی وقت کی قیمت کیا ہے

 وقت کی قیمت کیا ہے

کیوں چہرہ دیکھتے ہیں لوگ

ہزاروں میں پہچانتے ہیں لوگ

چھپتا ہے دل ہر کس و ناکس سے

کہتے ہیں روشنی میں آ

کہا ہوا سنا

سنائیں کس طرح

نوحہ میرے کتے مجھ سے بہتر جینے والے

 نوحہ

میرے کتے

مجھ سے بہتر جینے والے

آج تو میری خاطر بھونک

میرے حال پہ نوحہ کہہ

جو دھرتی افلاک ہلا دے

جس پر میں تقسیم ہوا ہوں

تھکن سے چور بے کنار سو گئی

 تھکن سے چُور بے کنار سو گئی

ندی کی نیند بستیاں ڈبو گئی

اگر یہ آنکھیں بُجھ نہیں گئی تو پھر

یہ رات بے چراغ کیسے ہو گئی

لِپٹ گئی ہے بازاؤں سے بیل سی

وہ قینچی جو ہاتھ میں تھی کھو گئی

جھک گیا پائے جاناں پہ سر ہی تو ہے

 جھک گیا پائے جاناں پہ سر ہی تو ہے

کھو گئی بجلیوں میں نظر ہی تو ہے

یہ جہاں پتھروں کا نگر ہی تو ہے

سانس لینا یہاں اک ہنر ہی تو ہے

چین سے رہنے دیتا نہیں ایک جا

یہ ہمارا جنون سفر ہی تو ہے

اب کسی پار اتر جانے کو جی چاہتا ہے

 اب کسی پار اُتر جانے کو جی چاہتا ہے

زندگی یوں ہے کہ مر جانے کو جی چاہتا ہے

شوق کے ساتھ ہوا کھانے میں اک عُمر کٹی

اب جو سچ پوچھو تو گھر جانے کو جی چاہتا ہے

کشتئ جاں سے اُترنا ہی پڑے گا اک دن

بس اسی خوف سے ڈر جانے کو جی چاہتا ہے

مدحت قریۂ سرکار میں آ جاتے ہیں

 عارفانہ کلام حمد نعت منقبت

مدحتِ قریۂ سرکارﷺ میں آ جاتے ہیں

مہر و انجم مرے اظہار میں آ جاتے ہیں

یہ بھی سرکارؐ کی رحمت ہے کہ ہم سے عاصی

منہ اٹھائے ہوئے دربار میں آ جاتے ہیں

اسوۂ احمدِ مُرسلﷺ پہ جو چلتے ہیں یہاں

نام وہ صاحبِ کردار میں آ جاتے ہیں

کئے پرورش وہ تو چاہت کے ساتھ

 کئے پرورش وہ تو چاہت کے ساتھ

رکھیں دائیاں نیک اور پاک ذات

کئے پرورش وہ جو پالے تھی ماں

زر و مال کیا تھا تصدق تھی جاں

نہ اولاد تھی ان کو اور آل تھی

وہ ہوتے تھے صدقے یہ دیکھ بھال تھی

شان نیاز عشق دکھاتے چلے گئے

 شان نیاز عشق دکھاتے چلے گئے

ہم بتکدوں کو کعبہ بناتے چلے گئے

دیتا ہے کون بادۂ سرجوش بے طلب؟

ان کا کرم کہ جام بڑھاتے چلے گئے

میں جلوہ جلوہ کچھ انہیں پہچانتا گیا

وہ پردہ پردہ سامنے آتے چلے گئے

کون کہتا ہے غم مصیبت ہے

 کون کہتا ہے غم مصیبت ہے

یہ بھی مولا کی خاص رحمت ہے

لوگ کیوں زندگی پہ مرتے ہیں

میرے حق میں تو یہ قیامت ہے

حیلہ جوئی ہے اس کی رحمت کی

کب عبادت کوئی عبادت ہے

اک بڑے خواب کی فریاد بھی ہو سکتی ہے

 اک بڑے خواب کی فریاد بھی ہو سکتی ہے

زندگی موت سے آزاد بھی ہو سکتی ہے

پیاس اک پیاس جسے ماں کی دُعا ملتی پے

شہرِ مکٌہ کی وہ بُنیاد بھی ہو سکتی ہے

تُو مکمل سی کمی ہے کہ محبت ہے؟

یا فقیری کی یہ رُوداد بھی ہو سکتی ہے؟

نہ ارماں لے کے آیا ہوں نہ حسرت لے کے آیا ہوں

 نہ ارماں لے کے آیا ہوں نہ حسرت لے کے آیا ہوں 

دل بے تاب میں تیری محبت لے کے آیا ہوں

نگاہوں میں ترے جلووں کی کثرت لے کے آیا ہوں 

یہ عالم ہے کہ اک دنیائے حیرت لے کے آیا ہوں

لبوں پر خامشی آنکھوں میں آنسو دل میں بے تابی 

میں ان کی بزم عشرت سے قیامت لے کے آیا ہوں

آج بے مہر و ستمگار نے پوچھا ہے مزاج

 آج بے مہر و ستمگار نے پوچھا ہے مزاج

فخر سے عرشِبریں پر مِرا پہونچا ہے مزاج

کبھی بے گانہ وشی اور مدارات کبھی

کبھی عجب قسم کا اس شوخ نے پایا ہے مزاج

خاک میں مل کے ہوئے خاک بالآخر جن کا

عُجب و پندار سے افلاک پہ دیکھا ہے مزاج

مرا مولیٰ منور یوں زمیں کی خاک کرتا ہے

 مِرا مولیٰ منور یوں زمیں کی خاک کرتا ہے

کہ پل میں کم نظر کو صاحبِ ادراک کرتا ہے

وہی تاریک ذہنوں میں اُگاتا ہے نئے سُورج

وہی روشن دماغوں کو خس و خاشاک کرتا ہے

صبا کو جو بنا دیتا ہے صرصر اک اشارے میں

چراغوں کو وہی تو سرکش و بے باک کرتا ہے

خوبروئی بھی دلآزار بھلا کیا ہو گی

 خوبروئی بھی دلآزار بھلا کیا ہو گی

ہر گلی مصر کا بازار بھلا کیا ہو گی

اب تیری یاد بھی اک بجھتے دیے کی لو ہے

دل میں پھر روشنی بیدار بھلا کیا ہو گی

ٹھہرے پانی کا بھی ہم ساتھ نہیں دے سکتے

چڑھتے دریاؤں کی رفتار بھلا کیا ہو گی

فغاں کے ساتھ ترے راحت قرار چلے

 فغاں کے ساتھ تِرے راحت قرار چلے

نوا گرانِ وفا ہمتوں کو ہار چلے

یہ کیا کہ پھول کِھلے اور زخم رسنے لگے

ملے سکوں بھی اگر بادِ نو بہار چلے

یہ ملتفت سی نگاہیں فروغ‌ جام کے ساتھ

چلے یہ دور چلے اور بار بار چلے

لہو سے تر جو خنجر ہیں یہ نفرت کی تمازت ہے

 لہو سے تر جو خنجر ہیں یہ نفرت کی تمازت ہے

کہ اب جنگل سے بھی بدتر مِرے شہروں کی حالت ہے

کسی دن توڑنے والوں کو یہ احساس ہو اے کاش

مہکتا پھول ٹہنی پر محبت کی علامت ہے

بڑائی ہے میاں ساری کی ساری عقل و دانش سے

وگرنہ آدمی میں کب پہاڑوں جیسی طاقت ہے

زمینی خلد سے رخصت ہوئی

 مادرِ مخلوق غم آسا؛ مدر ٹریسا

زمینی خُلد سے رخصت ہوئی مادر

بشر زادی

فرشتہ خصلتوں والی

مسیحا دردمندوں کی

دریدہ جسم کا مرہم

بِلکتی روح کی تسکین

رفتہ رفتہ بن نہ جائے پیار افسانہ ترا

 رفتہ رفتہ بن نہ جائے پیار افسانہ ترا

دیکھ کر کہتے ہیں مجھ کو لوگ دیوانہ ترا

شمع کی لو پر ہی جل جانا جسے مقصود ہے

وہ کہیں کیوں جاں بچائے ہٹ کے پروانہ ترا

ہم ترے در سے چلے جائیں گے اک دن نا مراد

کیا کہے گا پھر تجھے ہر اپنا بیگانہ ترا

صدقے والشمس کے ماتھے پہ نکلتا ہوا دن

 صدقے والشمس کے ماتھے پہ نکلتا ہوا دن

صدقے والليل کے شانوں پہ بکھرتی ہوئی شام

میلی اس درجہ ہوئی تین ہی پہروں میں کہ بس

شب سے پہنی نہ گئی دن کی اتاری ہوئی شام

سُرمئی جسم کے اک ہجر کے مارے ہوئے چاند

اور اسی جسم کے اک لمس پہ واری ہوئی شام

دن گزرا آشفتہ سر خاموش ہوئے

 دن گزرا آشفتہ سر خاموش ہوئے

شام ہوئی اور بام و در خاموش ہوئے

شام ہوئی اور سورج رستہ بھول گیا

کیسے ہنستے بستے گھر خاموش ہوئے

بولتی آنکھیں چپ دریا میں ڈوب گئیں

شہر کے سارے تہمت گر خاموش ہوئے

ہماری طرح کوئی دوسرا ہوا بھی نہیں

 ہماری طرح کوئی دوسرا ہُوا بھی نہیں

وہ دردِ دل میں رکھا ہے جو لا دوا بھی نہیں

اسی کو دیکھتی رہتی ہے چشمِ شوق مدام

جو غم ابھی سرِ شاخِ الم کِھلا بھی نہیں

ہمارا درد عجب مرحلے میں ہے کہ جہاں

وہ بے سخن بھی نہیں اور لب کُشا بھی نہیں

سنورتی آنکھ میں کاجل نہیں ہے

 سنورتی آنکھ میں کاجل نہیں ہے

تمنّا آج کیوں چنچل نہیں ہے

اُترتے ہیں بھنور دل میں ہزاروں

لبوں پر تو کوئی ہلچل نہیں ہے

حرِیر و پرنیاں والوں سے یہ کہنا

غریبوں کے لیے آنچل نہیں ہے

انا کی آنکھ سے دست سوال دیکھوں گا

 انا کی آنکھ سے دست سوال دیکھوں گا

لبوں کو سی کے طلب کا زوال دیکھوں گا

غزل کہوں گا، کریدوں گا دل کے زخموں کو

زوال اپنا، قلم کا کمال دیکھوں گا

دعا سلام کا رشتہ بھی ٹوٹ جائے گا

میں دل کے شیشے میں جس وقت بال دیکھوں گا

میرا جیون کچھ کام نہ آیا

 فلمی گیت

میرا جیون کچھ کام نہ آیا

جیسے سُوکھے پیڑ کی چھایا

اپنوں کے ہوتے ہوئے تن میں بسی تنہائی

آنسُو بنا کے خُوشی آنکھوں سے میں نے برسائی

خُوشیوں کو روتے روتے

دُنیا میں اب تو میرا جی گھبرایا

ڈوب کے دیکھ لیا درد کی گہرائی میں

 ڈُوب کے دیکھ لیا درد کی گہرائی میں

آج کی رات گُزر جائے گی تنہائی میں

شمع دل لایا ہوں یہ سوچ کے محفل میں تِری

ہو کمی کچھ نہ تِری انجمن آرائی میں

بے سبب ہوگا مِرے ساتھ میں رُسوا وہ بھی

نام اس کا بھی ہے شامل میری رُسوائی میں

پلٹنے والوں کو ہم نے دیکھا تھا ان کے حلیے بتا رہے تھے

 پلٹنے والوں کو ہم نے دیکھا تھا ان کے حلیے بتا رہے تھے

سفر یہ مُشکل ترین تھا جس پہ ہم لوگ جا رہے تھے

گواہ رہنا اے دشت! تُو بھی، ملال ہم کو ذرا نہیں تھا

پُرانے زخموں کو درگُزر کر، نئے کی جگہیں بنا رہے تھے

جب اس نے دیکھا تو شہرِ دل میں عجیب ہلچل مچا کے رکھ دی

بدن کے بے حس تمام اعضاء، نظر کا نخرہ اُٹھا رہے تھے

چمن سے خوشبوؤں کا استعارہ لے گیا کوئی

 چمن سے خوشبوؤں کا استعارہ لے گیا کوئی

ہمارے گلستاں سے رنگ سارا لے گیا کوئی

ہمیں جو راہ دکھلاتا تھا جیون کے اندھیروں میں

ہمارے آسماں سے وہ ستارہ لے گیا کوئی

بہت ویران رہتا ہے فلک آنکھوں کا یہ جب سے

چرا کر اس سے اس کا ماہ پارہ لے گیا کوئی

کھوئے کھوئے حواس رہتے ہیں

 کھوئے کھوئے حواس رہتے ہیں

جانے ہم کیوں اداس رہتے ہیں

تجھ سے ہو کر جدا بھی اے ظالم

ہم تِرے آس پاس رہتے ہیں

تشنگی اپنی کم نہیں ہوتی

جام ہاتھوں کے پاس رہتے ہیں

شدت غم کا اب تو یہ عالم ہے

 شدت غم کا اب تو یہ عالم ہے

لب تو ہنستے ہیں، آنکھ پُرنم ہے

ہے تری یاد مونس شبِ غم

تُو نہیں سامنے تو کیا غم ہے

عشق محزوں کی خیر یو یا رب

آج ان کا مزاج برہم ہے

جائیے شیخ جی جائیے

 جائیے شیخ جی جائیے

منہ ہمارا نہ کھلوائیے

تاؤ کے بدلے غم کھائیے

ڈھب شریفانہ اپنائیے

پیار جیسی کوئی شے نہیں

پیار سے سب سے پیش آئیے

اندھیرا جھیل لیتا ہوں ستارے چھوڑ دیتا ہوں

 اندھیرا جھیل لیتا ہوں ستارے چھوڑ دیتا ہوں

میں طوفاں بھانپ کر پھر بھی کنارے چھوڑ دیتا ہوں

مجھے تنہا ہی رہنا ہے کسی سے کچھ نہیں کہنا

جو دل بیزار ہو جائے تو سارے چھوڑ دیتا ہوں

زیادہ دیر دل اک کام میں ٹک کر نہیں لگتا

میں پنجرہ کھول دیتا ہوں غبارے چھوڑ دیتا ہوں

وہ دل نہیں رہا وہ محبت نہیں رہی

 وہ دل نہیں رہا وہ محبت نہیں رہی

اب زندگی سے کوئی شکایت نہیں رہی

اس بار کوئی زخم بھی گہرا نہیں لگا

مجھ پر ستمگروں کی عنایت نہیں رہی

جائیں کہاں سمیٹ کے اپنی اداسیاں

کہتے تھے گھر جسے وہ عمارت نہیں رہی

زندگی تجھ کو وفادار نہیں مانتا میں

 دھوپ کو سایۂ دیوار نہیں مانتا میں

زندگی تجھ کو وفادار نہیں مانتا میں

اس سے انسان کو جینے کا ہنر آتا ہے

گردشِ وقت کو بے کار نہیں مانتا میں

جاں بچانے کے لیے قتل کیا ہو جس نے

ایسے قاتل کو گنہ گار نہیں مانتا میں

دل کی لگی کو آج بجھا کر رہیں گے ہم

 دل کی لگی کو آج بجھا کر رہیں گے ہم

ہر دل کی آرزو کو مٹا کر رہیں گے ہم

سینے سے بار بار لگا کر رہیں گے ہم

ان کو گلے کا ہار بنا کر رہیں گے ہم

وقتِ سحر کی آس لگا کر رہیں گے ہم

طولِ شبِ فراق گھٹا کر رہیں گے ہم

مہمان دل میں پھر کوئی خانہ خراب ہے

 مہمان دل میں پھر کوئی خانہ خراب ہے

آنکھیں شراب و جام ہیں چہرہ کتاب ہے

تعریف ہو گئی تِری،۔ تُو کامیاب ہے

میں کیا کروں کہ تُو بھی مِرا انتخاب ہے

وہ قہر ہے، ثواب ہے، کوئی عذاب ہے

لیکن جناب! تیرِ نظر کامیاب ہے

ہر کسی کی ہستی کا ناخدا تو ہوتا ہے

 ہر کسی کی ہستی کا ناخدا تو ہوتا ہے

یہ بھنور ہی ایسا ہے ڈوبنا تو ہوتا ہے

صاف صاف لہجے میں بات کرنی پڑتی ہے

فاصلے تو بڑھتے ہیں، فیصلہ تو ہوتا ہے

بارِشوں کے موسم میں رتجگے تو ہوتے ہیں

موسمی تبدل ہے عارضہ تو ہوتا ہے

یہ سمجھ کے چلتی ہوں تیرا نقش پا ہو گا

 یہ سمجھ کے چلتی ہوں تیرا نقشِ پا ہو گا

میں جہاں سے گُزروں گی تیرا سامنا ہو گا

وقت کیا بتائے گا کون کس کا قاتل ہے

اپنے آپ سے اک دن مجھ کو پوچھتا ہو گا

رُوٹھنے سے کیا حاصل آپ سے محبت ہے

آپ جب بھی آ جائیں میرا سر جُھکا ہو گا

ہم نہیں اتنے برے وہ جو برا کہتے ہیں

 ہم نہیں اتنے بُرے وہ جو بُرا کہتے ہیں

لوگ وہ بھی ہیں جو پتھر کو خُدا کہتے ہیں

ڈُوب جاتی ہے کنارے پہ جو کشتی آ کر

کہنے والے اسے قسمت کا لِکھا کہتے ہیں

بے وفا تم ہمیں جانو، کہ ستمگر جانو

ہم تمہیں جانِ ادا، جانِ وفا کہتے ہیں

اپنے جیون کی الجھن کو کیسے میں سلجھاؤں

 فلمی گیت

اپنے جیون کی اُلجھن کو کیسے میں سُلجھاؤں

اپنوں نے جو درد دئیے ہیں کیسے میں بتلاؤں

پیار کے وعدے ہو گئے جھُوٹے، وفا کے بندھن ٹُوٹے

بن کے جیون ساتھی کوئی، چین میرا کیوں لُوٹے

ایسے جیون ساتھی سے میں کیسے ساتھ نِبھاؤں

مرے اس شہر میں کیوں حسن ہے بازار کی وحشت

مِرے اس شہر میں کیوں حُسن ہے بازار کی وحشت

جہاں پر باعثِ شمشیر ہے دربار کی وحشت

مخاطب ہو کے یوں شامِ محبت سے مِری وحشت

مجھے کہتی تِرے چہرے پہ ہے بیکار کی وحشت

عجب ایسے جہاں میں جی رہا ہوں پوچھو مت صاحب

جلا دیتی جہاں فنکار کو فنکار کی وحشت

کہاں دنیا سے لڑنا ہے کہاں خود سے بغاوت ہے

 کہاں دنیا سے لڑنا ہے کہاں خود سے بغاوت ہے

اسے سمجھا رہا ہوں جو محبت کی روایت ہے

ہزاروں دکھ اٹھاتا ہوں، ہزاروں زخم کھاتا ہوں

مگر جاتی نہیں یہ مسکرانے کی جو عادت ہے

جہاں پر جب بھی جی چاہے زمیں پر بیٹھ جاتا ہوں

کہ میرے جسم کی مٹی کو مٹی سے محبت ہے

عادت کی تحویل میں کوئی کتنا پاگل ہو جاتا ہے

 عادت کی تحویل میں کوئی کتنا پاگل ہو جاتا ہے

مجھ سے فون پکڑتے ہی وہ نمبر ڈائل ہو جاتا ہے

جتنی منت میں نے کی ہے تم سے ہجرت کرنے کی

اتنی دیر میں میرے ہمدم پیڑ بھی قائل ہو جاتا ہے

عورت پیار میں شاید مرد سے بڑھ کر اندھی ہوتی ہے

ورنہ اس کی نظروں سے تو پتھر گھائل ہو جاتا ہے

درد کی جب انتہا ہو جائے گی

 درد کی جب انتہا ہو جائے گی

انتہا خود ہی دوا ہو جائے گی

رابطہ رکھیے غموں سے خود بخود

زندگی غم آشنا ہو جائے گی

کر نہ اے دل شکوۂ جور و جفا

ورنہ توہین وفا ہو جائے گی

قصہ ان دنوں کا ہے جب ہمیں محبت تھی

 قصہ ان دنوں کا ہے جب ہمیں محبت تھی

خواب اک معمہ تھا نیند اک اذیت تھی

کیا عجیب رشتہ تھا آگ اور پانی کا 

میں برستا بادل تھا اور وہ قیامت تھی

ہم کہ ایک دوجے پر اس طرح سے لازم تھے

مجھ کو اس کا نشہ تھا اس کو میری عادت تھی

یارو بتاؤ تم کو میں کیا کیا دبئی میں ہے

 زعفرانی غزل

یارو بتاؤ تم کو میں کیا کیا دبئی میں ہے

سارے زمانے بھرکا تماشہ دبئی میں ہے

شلوار پر بھی اس نے کندورہ چڑھا لیا

آدھا ہے اپنے ملک میں آدھا دبئی میں ہے

کل مرکز الغریر میں لڑنے لگے رقیب

لڑکی ہے لالو کھیت میں پھڈا دبئی میں ہے

اگر عزت ملے تو سر تکبر سے اٹھانا مت

 اگر عِزت مِلے تو سر تکبّر سے اُٹھانا مت

کسی کی خاک کو تم اپنے پیروں سے اُڑانا مت

یہ نفرت بھی محبت کا پُرانا رُوپ لگتی ہے

محبت رُوپ بدلے تو کبھی دھوکے میں آنا مت

اگر یہ بن گیا تو پھر تمہیں ہی بانٹ کھائے گا

جو دریا عشق کا ہے اس پہ کوئی گھر بنانا مت

مدینہ کے جس شام و سحر کی بات کرتے ہیں

 عارفانہ کلام حمد نعت منقبت

مدینہ کے جس شام و سحر کی بات کرتے ہیں

باالفاظ دگر خلد نظر کی بات کرتے ہیں

ستاروں کی نہ ہم حُسنِ قمر کی بات کرتے ہیں

جمال حضرت خیرالبشرﷺ کی بات کرتے ہیں

مبارک ذکر جنت آپ کو اے حضرت‌ِ واعظ

ہم اپنے جذبِ دل ذوقِ نظر کی بات کرتے ہیں

ہر دل میں ترا سودا ہر آنکھ تمنائی

 ہر دل میں تِرا سودا ہر آنکھ تمنائی

اے زینت! ہر محفل، ہنگامۂ تنہائی

کعبے میں جسے ڈھوُنڈا بُتخانے میں ڈھونڈا تھا

مے خانے آ کر وہ تصویر نظر آئی

شوخی ہے حیا پرور دُزدیدہ نگاہیں ہیں

سمجھے نہ کوئی اس کو اندازِ شناسائی

جنم جنم کا ساتھ ہے تمہارا ہمارا

 فلمی گیت

جنم جنم کا ساتھ ہے تمہارا ہمارا

اگر نہ ملتے اس جیون میں، لیتے جنم دوبارا

جنم جنم کا ساتھ ہے تمہارا۔۔۔۔۔

جب سے گُھومے دھرتی، سُورج، چاند، ستارے

تب سے میری نگاہیں، سمجھے تیرے اشارے

رُوپ بدل کر ساجن میں نے، پھر سے تمہیں پُکارا

گریباں چاک ہے تو ہو ابھی دستار باقی ہے

گریباں چاک ہے تو ہو ابھی دستار باقی ہے

چلے آنا، تماشا بر سرِ بازار باقی ہے

ابھی سیلِ ندامت کی نئی یلغار باقی ہے

ابھی تک خانۂ دل کی کوئی دیوار باقی ہے

بگولے اور بھی اٹھیں گے شاید کِشتِ وِیراں سے

کہ خاکِ کُشتگاں میں خواہشِ آثار باقی ہے

کون سی دنیا میں ہم ہیں کچھ خبر پاتے نہیں

 کون سی دنیا میں ہم ہیں کچھ خبر پاتے نہیں

حد تو یہ ہے، دل کو بھی اب ہمسفر پاتے نہیں

کس طرح کہہ دیں کہ تُو اے موت امرت ہے کہ زہر

جب شرابِ زندگی کو بے ضرر پاتے نہیں

کون کہتا ہے کہ ہے معدوم لیلٰی کی کمر

ہاں مگر لیلائے دنیا کی کمر پاتے نہیں

میں پوچھتا ہی رہا شہرِ بے اماں کا پتہ

 میں پوچھتا ہی رہا شہرِ بے اماں کا پتہ

کوئی بتا نہ سکا تیرے آستاں کا پتہ

ہزاروں دوست نما لوگ ہمسفر تھے مگر

کسی کو اپنی خبر تھی نہ کارواں کا پتہ

خدا کرے نہ پڑے اس پہ بجلیوں کی نظر

ابھی ملا ہے مجھے میرے آشیاں کا پتہ

یہ مدینہ ہے کوئی مصر کا بازار نہیں

 عارفانہ کلام حمد نعت منقبت

حسنِ یوسف کا یہاں کوئی خریدار نہیں

یہ مدینہ ہے کوئی مصر کا بازار نہیں

دشمنِ آلِؑ محمدﷺ سے سروکار نہیں

ہم محمدﷺ کے وفادار ہیں غدار نہیں

تاج بھی غیر سے لینے کو تیار نہیں

آپؐ کے در کے بھکاری کا یہ معیار نہیں

بھٹکیں ترے مدار میں گردش نہ کر سکیں

 بھٹکیں تِرے مدار میں، گردش نہ کر سکیں

ایسا نہ ہو کہ ہم تِری خواہش نہ کر سکیں

ہونٹوں پہ بے یقین، دُعائیں سجی رہیں

آنکھوں میں ابر آئیں تو بارش نہ کر سکیں

پُوچھے جو مہربان کوئی حال، ہنس پڑیں

ہم قاش قاش دل کی نمائش نہ کر سکیں

جاہ و منصب ہے نہ اب حشمت سلطانی ہے

 جاہ و منصب ہے نہ اب حشمتِ سُلطانی ہے

اس تباہی کا سبب اپنی ہی نادانی ہے

آہ وہ لمحے کہ جو خوابِ گِراں میں گُزرے

جن کی تعبیر میں صدیوں کی پشیمانی ہے

ایک سنّاٹے کا احساس تھا وہ بھی نہ رہا

دل کی دُنیا میں عجب طرح کی وِیرانی ہے

ایک پہیا تو سرکس میں چلتا ہے

 سرکس

وہ دونوں

لپیٹے ہُوئے اپنی گردِش

لگاتار چلتے ہیں

کم ہی قریب آتے دیکھا ہے اِن کو

کبھی ایسا ہو بھی تو ڈرتا ہُوں

یکجان ہو کر

میرا جیون کورا کاغذ کورا ہی رہ گیا

 فلمی گیت

میرا جیون کورا کاغذ کورا ہی رہ گیا

جو لکھا تھا آنسوؤں کے سنگ بہ گیا

میرا جیون کورا کاغذ۔۔۔۔

اک ہوا کا جھونکا آیا ٹُوٹا ڈالی سے پھُول

نہ پوَن کی نہ چمن کی کس کی ہے یہ بھُول

کھو گئی خوشبو ہوا میں کچھ نہ رہ گیا

نیا سورج نیا جلوہ نئی تنویر لے آؤ

 نیا سُورج، نیا جلوہ، نئی تنویر لے آؤ

ہمیشہ خواب لائے ہو کبھی تعبیر لے آؤ

زباں بھی بند کر لیتے مگر اب حکم آیا ہے

تصور کے لیے بھی آہنی زنجیر لے آؤ

مِرے خوابوں بڑی مشکل سے اس دل کو سُلایا ہے

کہیں ایسا نہ ہو تم پھر وہی تصویر لے آؤ

دیوار و در پہ لکھے ہوئے نام ہو گئے

 دیوار و در پہ لکھے ہوئے نام ہو گئے

بیٹھے بٹھائے مفت میں بدنام ہو گئے

ہو کر رہا وہی جو مقدر میں تھا لکھا

سب کوششوں کے ہاتھ بھی ناکام ہو گئے

اے دوست! راستے کا تو پتھر نہیں تھے ہم

بازار آ کے کس لیے بے دام ہو گئے

یاران تیز گام سے رنجش کہاں ہے اب

 یارانِ تیز گام سے رنجش کہاں ہے اب

منزل پہ جا پہنچنے کی خواہش کہاں ہے اب

زنداں میں دن بھی رات ہی جیسا گُزر گیا

اہل جنُوں وہ پہلی سی شورش کہاں ہے اب

جامِ شراب اب تو مِرے سامنے نہ رکھ

آنکھوں میں نُور ہاتھ میں جُنبش کہاں ہے اب

کیا کہیں ملت و دیں کفر ہے ایماں اپنا

 کیا کہیں ملت و دیں کفر ہے ایماں اپنا

پیش بُت سجدہ ہے اور دَیر ہے ایواں اپنا

جُھکتے تُربت پہ نہیں جُھکتے کسی اور سے ہیں

ماسوا اس کا کہاں راز ہے پنہاں اپنا

دیکھ تو چشمِ بصیرت سے انہیں اے مُنکر

ان بُتوں میں ہی تو ہے رنگ نمایاں اپنا

ہر قدم پر اک نیا خطرہ ہے میرے شہر میں

ہر قدم پر اک نیا خطرہ ہے میرے شہر میں

ہوں مگر مجبور جینے کو اندھیرے شہر میں

کھیتیاں سُوکھی پڑی تھیں چار سُو دیہات میں

جم کے برسے اس طرف بادل گھنیرے شہر میں

سب مکیں سہمے ہوئے، خاموش ہیں دیوار و در

گُھومتے ہیں ہر طرف قاتل، لُٹیرے شہر میں

لالے پڑے ہیں جان کے جینے کا اہتمام کر

 لالے پڑے ہیں جان کے جینے کا اہتمام کر

جن میں ہو کیفِ زندگی بہرِ خدا وہ کام کر

طورِ حیات سے اُڑا جذبۂ زیستن کی آگ

جب کہیں جا کے نیّتِ زندگی دوام کر

پہلے یہ سوچ دام کے توڑنے کی سکت بھی ہے

بعد کو دل میں خواہشِ دانۂ زیرِ دام کر

وقت کی قید نہیں زلف کے سلجھانے میں

 وقت کی قید نہیں زُلف کے سُلجھانے میں 

رنگ بھرتی ہے چلی جاتی ہوں افسانے میں 

میں وہ مے کش ہوں سرشام ہی میخانے میں 

غموں کو گھول کے پی جاتی ہوں پیمانے میں 

آزمانا ہے تو  پھر شمع کو جلا کے دیکھو

موت کا خوف نہیں ہوتا ہے پروانے میں 

سارے الفاظ معانی میں گرفتار نہیں

 سارے الفاظ معانی میں گرفتار نہیں

بات کرتے ہیں مگر بات کا اظہار نہیں

میں نے پالا ہے خیالوں کو مروّت کے بغیر

میرے دل میں کسی ہمسایہ کی دیوار نہیں

ہم تو اِس دور کو کہتے نہیں اُس دور کے لوگ

ہم تو بازار سے گُزرے ہیں خریدار نہیں

پانی سے کب پیاس بجھائی جا سکتی ہے

 پانی سے کب پیاس بُجھائی جا سکتی ہے

دریا کو یہ بات بتائی جا سکتی ہے

اُس کو لایا جا سکتا ہے جنگل میں

پیڑوں کی توقیر بڑھائی جا سکتی ہے

پھولوں سے ہی دل کی باتیں کیا کرنا

خُوشبُو بھی ہمراز بنائی جا سکتی ہے

کبھی صرصر ہے کبھی باد صبا ہے ساقی

 کبھی صرصر ہے کبھی بادِ صبا ہے ساقی

زندگی سلسلۂ بِیم و رجا ہے ساقی

نہ کدورت ہے کسی سے نہ گِلہ ہے ساقی

میں نے خود اپنے مقدر کو لِکھا ہے ساقی

اپنے ماحول میں شامل ہوں میں اوروں کی طرح

میرے جینے کا مگر طور جُدا ہے ساقی

ناصح کو بڑھاپے میں ہے ارمان ابھی تک

 ناصح کو بُڑھاپے میں ہے ارمان ابھی تک

کہتے ہیں وہ بیوی کو مِری جان! ابھی تک

کھولے ہوئے بیٹھے ہیں وہ دوکان ابھی تک

پھیکا ہے مگر شیخ کا پکوان ابھی تک

سر ہلتا ہے تھوتن میں کوئی دانت نہیں ہیں

بن پایا نہ ٹُوٹا ہوا دالان ابھی تک

اکتا کے کوئے یار سے عشاق چل پڑے

 اُکتا کے کُوئے یار سے عشاق چل پڑے

کارِ وفا کے دیکھیے مُشتاق چل پڑے

میں اُٹھ گیا تو درد کی محفل اُجڑ گئی

میرے ہی ساتھ عشق کے مشّاق چل پڑے

نقشِ قدم پڑے ہیں یہ قُدرت کے جا بجا

دُنیائے دل سے اُٹھ کے بد اخلاق چل پڑے

دور تھا ساحل بہت دریا بھی طغیانی میں تھا

 دور تھا ساحل بہت دریا بھی طغیانی میں تھا

اک شکستہ ناؤ سا میں تیز رو پانی میں تھا

مجھ سے ملنے کوئی آتا بھی تو ملتا کس طرح

میں تو گھر میں بند خود اپنی نگہبانی میں تھا

آدمیت کے عوض اس نے خریدا ہے لباس

آدمی تھا آدمی جب عہد عریانی میں تھا

خواب شیریں ہی کل اثاثہ ہے

 خوابِ شیریں ہی کُل اثاثہ ہے

اور حقیقت فقط تماشہ ہے

کل تلک یہ بھی ٹوٹ جائے گا

اک بھرم جو نیا تراشہ ہے

ہر گھڑے میں بھرے ہیں کچھ کنکر

اور ہر اک پرندہ پیاسا ہے

نہیں ہے شہر میں آسان بے خطر جانا

 نہیں ہے شہر میں آسان بے خطر جانا

بنا کے راہگزر بھیڑ سے گزر جانا

مجھے ڈبو نہ سکیں گی یہ تند خُو موجیں

مِری سرشت میں ہے ڈُوب کر اُبھر جانا

بِچھا نہ راہ میں اپنی انا کی چنگاری

مجھے تو آتا ہے شعلوں سے بھی گزر جانا

گفتگو کھل کر نہیں کرتے کبھی یاروں کے بیچ

 گُفتگو کُھل کر نہیں کرتے کبھی یاروں کے بِیچ

مسئلے وہ حل کریں گے چار دیواروں کے بیچ

شہر کی اُونچی فصیلوں میں مِرے گھر کا وجود

ایک ننھا سا دِیا ہو جیسے کُہساروں کے بیچ

گُم ہوئی کتنی صدائیں، جل بُجھے ہونٹوں کے بول

کتنی آوازوں نے دم توڑا ہے نقّاروں کے بیچ

شب کے کالے گنبد میں اک نوری در تخلیق ہو

 شب کے کالے گُنبد میں اک نُوری در تخلیق ہو

قُدرت کے ہاتھوں سے کیا عُمدہ منظر تخلیق ہوا

پہلے آہن زاد چھُری سے نازک گردن کٹتی تھی

پھر دل پر برسانے کو لفظی خنجر تخلیق ہوا

قطرہ قطرہ جُثہ پگھلا ہاتھوں پر چھالے چمکے

ایک گھروندا رہنے قابل تب جا کر تخلیق ہوا

کہ دنیا سے گزر کے بھی یہ مائیں کام آتی ہیں

 نہ ہو ان کا جب سایہ دعائیں کام آتی ہیں

کہ دنیا سے گزر کے بھی یہ مائیں کام آتی ہیں

سکوتِ شب میں یادوں کی صدائیں کام آتی ہیں

مجھے تیرے دوپٹے کی ہوائیں کام آتی ہیں

یہ بیٹے زندگی میں آگے پیچھے ہوتے رہتے ہیں

مگر یہ بیٹیاں تو دائیں بائیں کام آتی ہیں

مجھ پر بھی بے اثر تھا اجالا کبھی کبھی

 مجھ پر بھی بے اثر تھا اُجالا کبھی کبھی

مجھ کو بھی راس آتا اندھیرا کبھی کبھی

بستی میں رہ کے جس کا تصوّر محال تھا

وہ لُطف دے گیا مجھے صحرا کبھی کبھی

سُورج بھی بدلیوں میں گرِفتار ہو گیا

ظُلمت سے بھی بُرا تھا سویرا کبھی کبھی

جس دل میں بسایا گیا تھا احترام سے

 جس دل میں بسایا گیا تھا احترام سے

اسی دل سے نکالا گیا ہے اہتمام سے

پہلے ہوائی زاد بنا کر وہ خوش رہے

پھر ہم کو گِرایا گیا اُونچے مقام سے

گر عشق کو ہم راس نہ آئے تو کیا ہُوا

اب بھی سرِ بازار ہیں کوڑی کے دام سے

زندگی مجھ سے اکثر لڑی ہے

 ایک ہی جست پر کھڑی ہے

زندگی میرے اندر کہیں گڑی ہے

ایک پھانس کی طرح جیسے

سینے کے فریم میں جڑی ہے

میرے حق میں آستین چڑھا کر

زندگی مجھ سے اکثر لڑی ہے

تم نے آواز مجھ کو دی شاید

 تم نے آواز مجھ کو دی شاید

دل کی دنیا بدل گئی شاید

مل گئے تم تو یوں ہوا محسوس

مل گئی مجھ کو زندگی شاید

ہر تمنا ہے خوشگوار مگر

غم کی تمہید ہے یہی شاید

میرا اس کا ساتھ نہیں ہے

 میرا اس کا ساتھ نہیں ہے

میں کیا جانوں

کون ہے وہ کیا نام ہے اس کا

کس کے گھر میں آیا تھا وہ

اور کس کے گھر سے نکلا ہے

میں کیا جانوں

پہلے مری حدود کو منفی کیا گیا

 پہلے مِری حدُود کو منفی کیا گیا

پھر یوں ہُوا وجُود کو منفی کیا گیا

بے مایہ میرے جسم میں رو دوڑنے لگی

یوں میرے ہر جمُود کو منفی کیا گیا

دریائے بے کنار میں ڈُوبا ہوا ہوں میں

جب سے مِرے شہُود کو منفی کیا گیا

کب تک اے یاد ستائے گی مجھے

 کب تک اے یاد ستائے گی مجھے

کب تک اے موت بھلائے گی مجھے

غیرتِ عشق چُھپائے گی مجھے

نظرِ غیر نہ پائے گی مجھے

کب تک اے شمع سرِ شامِ حیات

روئے گی اور رُلائے گی مجھے

رات میری اک سہیلی

  رات

رات میری اک سہیلی

میری طرح وہ اک پہیلی

ہم دونوں جُگنوؤں کے تعاقب میں دیوانہ وار دوڑتیں

پھر تهک کر شبنم زدہ گهاس پر گر پڑتیں

آسمان کے ستارے گِنتیں

چاند سے آنکھ مچولی کهیلتیں