تن پہ اوڑھے ہوئے صدیوں کا دھواں شامِ فراق
دل میں اتری ہے عجب سوختہ جاں، شامِ فراق
خواب کی راکھ سمیٹے گی، بکھر جائے گی
صورتِ شعلۂ خورشید رُخاں شامِ فراق
باعثِ رونقِ اربابِ جنوں ویرانی
تیرے میرے سبھی اقرار وہیں بکھرے تھے
سر جھکائے ہوئے بیٹھی ہے جہاں شامِ فراق
اپنے ماتھے پہ سجا لے ترے رُخسار کا چاند
اتنی خوش بخت و فلک ناز کہاں شامِ فراق
ڈھلتے ڈھلتے بھی ستاروں کا لہو مانگتی ہے
میری بجھتی ہوئی آنکھوں میں رواں شامِ فراق
اب تو ملبوس بدل، کاکلِ بے ربط سنوار
بجھ گئی شہر کی سب روشنیاں شامِ فراق
کتنی صدیوں کی تھکن اس نے سمیٹی محسنؔ
یہ الگ بات کہ پھر بھی ہے جواں شامِ فراق
محسن نقوی
No comments:
Post a Comment