طے کر نہ سکا زیست کے زخموں کا سفر بھی
حالانکہ مِرا دِل تھا، شگوفہ بھی، شرر بھی
اُترا نہ گریباں میں مقدّر کا ستارا
ہم لوگ لٹاتے رہے اشکوں کے گہر بھی
حق بات پہ کٹتی ہیں تو کٹنے دو زبانیں
حیراں نہ ہو آئینہ کی تابندہ فضا پر
آ! دیکھ ذرا زخمِ کفِ آئینہ گر بھی
سوکھے ہوئے پتوں کو اُڑانے کی ہوس میں
آندھی نے گِرائے کئی سر سبز شجر بھی
وہ آگ جو پھیلی میرے دامن کو جلا کر
اس آگ نے پھونکا میرے احباب کا گھر بھی
محسنؔ یونہی بدنام ہوا شام کا ملبوس
حالانکہ لہو رنگ تھا دامانِ سحر بھی
محسن نقوی
No comments:
Post a Comment