دامنِ چاک ہی اے ہم نفساں ایسا تھا
رات ایسی تھی کہاں، چاند کہاں ایسا تھا
ہم ہواؤں کو لیے پھرتے تھے زنجیر بکف
رات اس دشت کی وحشت پہ گماں ایسا تھا
دل کہاں بوجھ اُٹھاتا شب تنہائی کا
یہ تِرا قربِ جدائی مری جاں ایسا تھا
قدم اُٹھتا ہی نہ تھا گو کہ زمیں پاؤں میں تھی
آسماں بھی تو مِرے سر پہ گراں ایسا تھا
رہ گئے کٹ کے تِرے ہجر کے گرداب میں ہم
ورنہ یہ زور سمندر میں کہاں ایسا تھا
رات ایسی تھی کہاں، چاند کہاں ایسا تھا
ہم ہواؤں کو لیے پھرتے تھے زنجیر بکف
رات اس دشت کی وحشت پہ گماں ایسا تھا
دل کہاں بوجھ اُٹھاتا شب تنہائی کا
یہ تِرا قربِ جدائی مری جاں ایسا تھا
قدم اُٹھتا ہی نہ تھا گو کہ زمیں پاؤں میں تھی
آسماں بھی تو مِرے سر پہ گراں ایسا تھا
رہ گئے کٹ کے تِرے ہجر کے گرداب میں ہم
ورنہ یہ زور سمندر میں کہاں ایسا تھا
خالد علیم
No comments:
Post a Comment