بری خبر ہے اسے مشتہر نہیں کرتے

 بُری خبر ہے اسے مشتہر نہیں کرتے

کسی کے عیب کو یوں بے ہُنر نہیں کرتے

مِرے بُزرگ ہیں طُول کلام کے شیدا

کہانیوں کو کبھی مختصر نہیں کرتے

مجھے بھی شوق ہے دنیا کو فتح کرنے کا

مگر پہاڑ کو عُجلت میں سر نہیں کرتے

تم جو کہہ دیتے ہو وہ حکم خدا ہوتا ہے

 تم جو کہہ دیتے ہو وہ حُکمِ خُدا ہوتا ہے

منہ سے جو میرے نکلتا ہے گِلہ ہوتا ہے

حُسن جب بھی کبھی مائل بہ وفا ہوتا ہے

عشق آمادۂ بے داد و جفا ہوتا ہے

یہ ہے دُنیا جسے چاہے بنا دے اے دوست

فطرتاً کوئی بھلا اور نہ بُرا ہوتا ہے

جس کو دیکھو احتساب زیست سے غافل ہے آج

 جس کو دیکھو احتساب زیست سے غافل ہے آج

رنج ماضی ہے نہ فکر حال و مستقبل ہے آج

مرحبا، صد مرحبا جذبِ وفا کامل ہے آج

وہ ادائے بے نیازی غمگسار دل ہے آج

اپنے حق میں مائل لطف و کرم قاتل ہے آج

ہر ادائے خشم گیں ہمت فضائے دل ہے آج

رہبر بھی کرے کیا کوئی دعویٰ مرے آگے

 رہبر بھی کرے کیا کوئی دعویٰ مرے آگے

بن جاتا ہے جنگل میں بھی رستہ مرے آگے

میں تجھ کو سمیٹوں یہی کوشش رہی ہر دم

اتنا نہ بکھر اے مِری دنیا مرے آگے

تیری ہی طرح میں نے لٹایا ہے سبھی کچھ

شرمندہ نہ کر ہاتھ نہ پھیلا مرے آگے

نقش وہ آنکھ میں اترا تھا کہ جاتا ہی نہ تھا

 نقش وہ آنکھ میں اترا تھا کہ جاتا ہی نہ تھا

میں نے اس دھوپ کو ڈھلتے کہیں دیکھا ہی نہ تھا

روح کی پیاس بجھائے نہ بجھے گی کسی ڈھنگ

مجھ کو اس دشت کی پہنائی میں اگنا ہی نہ تھا

پہلے اس گھر کی ہر اک کھڑکی کھلی رہتی تھی

یوں ملا کرتے تھے جیسے کوئی پردا ہی نہ تھا

مثل خسرو بنوں میں غلام آپ کا

 عارفانہ کلام حمد نعت منقبت

مثلِ خسرو بنوں میں غلام آپ کا

مجھ پہ ایسا ہو لطفِ دوام آپ کا

آپ تو حق تعالیٰ کے محبوب ہیں

کس زباں سے بیاں ہو مقام آپ کا

ہے ادائے محمدﷺ، ادا آپ کی

ہے نظامِ محمدﷺ، نظام آپ کا

اشکوں سے جو نہائیں لہو سے وضو کریں

 اشکوں سے جو نہائیں لہو سے وضو کریں

قربان گاہِ فرض کی وہ گفتگو کریں

صحن چمن میں ڈھونڈ چکے حُسنِ ارتقاء

صحرا میں اب تجسسِ جوشِ نمو کریں

اس شہر بے اماں میں جو صد چاک ہو گیا

اس دامنِ حیات کو کیسے رفو کویں

نیکی اور بدی کی اس یلغار میں ہو گی کس کی مات

 ایک نظم

بدکار لوگوں کو دیکھ کر

اپنی فراخ پیشانیوں پر

شکنیں نہ لاؤ

کہ ان کے وجود سے

تابندہ ہے

گناہوں کی کائنات

مکاں سے لا مکاں ہوتے ہوئے بھی

 مکاں سے لا مکاں ہوتے ہوئے بھی

کہاں ہم ہیں کہاں ہوتے ہوئے بھی

بہت کچھ اب بھی باقی ہے زمیں پر

بہت کچھ رائیگاں ہوتے ہوئے بھی

سرے سے ہم ہی غائب ہو گئے ہیں

سبھی کے درمیاں ہوتے ہوئے بھی

اکیلی رات تھی چاروں طرف اندھیرا تھا

 اکیلی رات تھی چاروں طرف اندھیرا تھا

اور ایک پیڑ سے میرا ہی ہاتھ نکلا تھا

عجیب دھن تھی کہ بڑھتے ہی جا رہے تھے قدم

ہر اک طرف سے مجھے آندھیوں نے گھیرا تھا

نظر تو آئے تھے ہم کو بھی پاؤں اٹھتے ہوئے

پھر اس کے بعد بہت دور تک اندھیرا تھا

وفا شعار نظاروں کی بات کرتے ہیں

 وفا شعار نظاروں کی بات کرتے ہیں

خزاں میں رہ کے بہاروں کی بات کرتے ہیں

نہ آسروں، نہ سہاروں کی بات کرتے ہیں

نقیبِ وقت وقاروں کی بات کرتے ہیں

نظامِ عرش پہ جن کو یقیں نہیں وہ بھی

زمیں یہ چاند ستاروں کی بات کرتے ہیں

تمنا ہے آقا کا گھر دیکھ لیتے

 عارفانہ کلام حمد نعت منقبت

تمنا ہے آقاﷺ کا گھر دیکھ لیتے

مدینے کو ہم اک نظر دیکھ لیتے

وہ طیبہ کا پر کیف دلکش نظارہ

کھجوروں کے برگ و ثمر دیکھ لیتے

الٰہی کبھی ہم بھی تیرے کرم سے

مدینے کی شام و سحر دیکھ لیتے

بے ہنر زمانے میں رائیگاں سفر اپنا

 رائیگاں سفر اپنا

بے ہنر زمانے میں

رائیگاں سفر اپنا

خوف کے بیاباں میں

سُوجھتا نہیں کچھ بھی

بد گُمانی پلتی ہے

سائباں ہی جب اپنا

لوگ جو گردش ایام سے ڈر جاتے ہیں

 لوگ جو گردش ایام سے ڈر جاتے ہیں

موت سے پہلے ہی سمجھو کہ وہ مر جاتے ہیں

یہ جو کچھ لوگ کہ طوفاں سے ڈراتے ہیں ہمیں

سرسراہٹ سے یہ پتوں کی بھی ڈر جاتے ہیں

جس کو دیکھو وہ حراساں ہے یہاں اپنوں سے

شکر ہے شام کو سب اپنے ہی گھر جاتے ہیں

گھر سے باہر نکل کے دیکھ ذرا

 گھر سے باہر نکل کے دیکھ ذرا

کون صحرا میں دے گیا ہے صدا

میں نے جب اس کی خیریت پوچھی

اس نے باتوں میں مجھ کو ٹال دیا

کتنے پنکھے لگا دئیے چھت میں

پھر بھی گرمی کا زور کم نہ ہوا

ستمگر کی ستائش ہو رہی ہے

 ستمگر کی ستائش ہو رہی ہے

ثمر ور اس کی خواہش ہو رہی ہے

نہ پھر فصلِ بہار آ جائے چمن میں

مسلسل ایسی سازش ہو رہی ہے

بباطن بِک رہی ہے جنسِ نفرت

محبت کی نمائش ہو رہی ہے

اپنی نفرت کو جو زنجیر نہیں کر سکتے

 اپنی نفرت کو جو زنجیر نہیں کر سکتے

وہ کبھی خواب کو تعبیر نہیں کر سکتے​

فیصلے وقت ہی تحریرکیا کرتا ہے

آپ چاہیں بھی تو تحریر نہیں کر سکتے​

بس یہی بات بنی اپنی تباہی کا سبب

اپنے جذبات کو تصویر نہیں کر سکتے

جھکا کے سر نہ یوں دامن بچانا چاہیے تھا

 جھکا کے سر نہ یوں دامن بچانا چاہیے تھا

انا پر آ گئی تھی سر کٹانا چاہیے تھا

ہوا ہموار دریا تھا شناور کا مقدر

ہوا وہ پار جس کو ڈوب جانا چاہیے تھا

نصیحت کا تِری یہ زاویہ کچھ اور ہوتا

میاں ناصح تجھے بھی دل لگانا چاہیے تھا

وہی ہادی وہی مہر نبوت

 عارفانہ کلام حمد نعت منقبت

وہی ہادی وہی مہر نبوت

انہیں کا نقشِ پا نورِ ہدایت

انہیں پر ختم ہے بابِ رسالت

انہیں حاصل ہے نبیوں میں سعادت

کوئی ان سا امیں پیدا نہ ہو گا

جہاں میں معتبر ان کی امانت

ہونٹوں کی مسکان سمجھ

 ہونٹوں کی مُسکان سمجھ

کچھ تو اے نادان سمجھ

جس میں تیرا پیار نہیں

اس دل کو ویران سمجھ

غُربت کی توہین نہ کر

مُفلس کو انسان سمجھ

بستی بستی بھوک اگی ہے جنگل جنگل آگ

 بستی بستی بھُوک اُگی ہے جنگل جنگل آگ

آج کا انساں کھیل رہا ہے اپنے خُوں سے پھاگ

سڑتی لاشوں کی بد بُو سے جینا ایک عذاب

شہر ہوس میں لگی ہوئی ہے ہر سُو آگ ہی آگ

اس نگری میں چھیڑ رہے ہو تم گُلاب کی بات

جس نگری کا بچہ بچہ ہے زہریلا ناگ

کیوں شکایت کروں زمانے کی

 کیوں شکایت کروں زمانے کی

سب خطائیں ہیں دل لگانے کی

میری بربادیوں کی باعث ہیں

رفعتیں میرے آشیانے کی

اک طرف میں اسیرِ رنج و بلا

اک طرف گردشیں زمانے کی

رینگتی راتوں سے ڈسواتے رہے

 رینگتی راتوں سے ڈسواتے رہے

ہم فریبِ دوستی کھاتے رہے

جاگتی آنکھوں میں خوابوں کے محل

خود بناتے اور خود ڈھاتے رہے

لاکھ ان کی آبیاری کی، مگر

بے رُتوں کے پھول مُرجھاتے رہے

آنے والا کل جنگوں کا زمانہ ہو گا

 کل

آنے والا کل

جنگوں کا زمانہ ہو گا

بھُوک اُگے گی کھلیانوں میں

پانی بکے گا دیناروں میں

دھرتی کا سینہ چھلنی چھلنی ہو گا

آنے والا کل کتنا سنگین ہو گا

جستجو رہتی ہے اس کی وہ مگر ملتا نہیں

 جستجو رہتی ہے اس کی وہ مگر ملتا نہیں

منزلیں مل جاتی ہیں، پر ہمسفر ملتا نہیں

دشمنوں کی دشمنی میں بھی کہاں وہ رکھ رکھاؤ

دوستوں کی بھی دعاؤں میں اثر ملتا نہیں

جانے کیسے لوگ تھے وہ جن کو دنیا مل گئی

ہم کو اس دیوانگی میں اپنا گھر ملتا نہیں

عجیب شے ہے کہ صورت بدلتی جاتی ہے

 عجیب شے ہے کہ صورت بدلتی جاتی ہے

یہ شام جیسے مقابر میں ڈھلتی جاتی ہے

چہار سمت سے تیشہ زنی ہوا کی ہے

یہ شاخ سبز کہ ہر آن پھلتی جاتی ہے

پہنچ سکوں گا فصیل بلند تک کیسے

کہ میرے ہاتھ سے رسی پھسلتی جاتی ہے

بدلا ہوا سا رنگ گلستاں ہے ان دنوں

 بدلا ہوا سا رنگِ گُلستاں ہے اِن دِنوں

ہم پر بہار تو تِرا احساں ہے ان دنوں

مہکا ہے اس کے دم سے گُلستان آرزو

اپنا لہُو بہار کا عُنواں ہے ان دنوں

اپنا لیا ہے جس کو تِرے غم کے ساتھ ساتھ

وہ غم، غمِ حیات کا درماں ہے ان دنوں

دھول نہ بننا آئینوں پر بار نہ ہونا

 دھول نہ بننا آئینوں پر بار نہ ہونا

بینائی کے رستے کی دیوار نہ ہونا

شہروں کا ورثہ ہیں جلتے بجھتے منظر

رہنا لیکن ہمرنگ بازار نہ ہونا

زہر ہوائیں پروا رنگوں میں چلتی ہیں

سادہ کلیو ان کے لیے گلنار نہ ہونا

سب کے چہروں پہ کوئی چہرہ ہے

 سب کے چہروں پہ کوئی چہرہ ہے

کوئی دشمن ہے، کوئی اپنا ہے

میری آنکھوں میں خواب ہیں تیرے

تیری آنکھوں میں کون رہتا ہے

مجھ سے مجھ کو کبھی تو ملنے دے

مجھ سے میرا بھی کوئی رشتہ ہے

تم کیا گئے کہ ساری ضرورت چلی گئی

 آنکھیں گئیں سرور گیا لت چلی گئی

تم کیا گئے کہ ساری ضرورت چلی گئی

تم کو پتہ ہے تم سے بچھڑنے پہ کیا ہوا

ہم کو اکیلا چھوڑ کے ہمت چلی گئی

برسوں جسے کمانے میں دل نے لگا دئیے

آنکھوں کے راستے سے وہ دولت چلی گئی

یہ کیسے ہو گا کہ چپ رہیں گے

 یہ کیسے ہو گا کہ چُپ رہیں گے

جو جی میں آیا وہی کہیں گے

ابھی اندھیرا جو چھا گیا ہے

چراغ یادوں کے جل اُٹھیں گے

ابھی تو جی لیں جو زندگی ہے

جو موت آئی تو مر بھی لیں گے

جس دم ہوئی محسوس جدائی ترے در کی

 عارفانہ کلام حمد نعت منقبت

جس دم ہوئی محسوس جدائی تِرے در کی

تصویر نظر میں اُتر آئی تِرے در کی

بھاتی ہی نہیں اور کسی شے کی نظافت

تصویر ہے یوں دل میں سمائی تِرے در کی

یعطیک فترضیٰ" سے عیاں ہے یہ حقیقت"

اللہ تِرا ہے،. یہ خدائی تِرے در کی

میری حالت پہ ذرا سا بھی نہ حیراں ہوتے

 میری حالت پہ ذرا سا بھی نہ حیراں ہوتے

آپ اگر میری طرح چاک گریباں ہوتے

جو نہیں ہوتا تِرے حسن کا پرتَو ان میں

پھر یہ گلشن مِری نظروں میں بیاباں ہوتے

ربط کی راہ میں تھا آگ کا دریا یا رب

راستے ترکِ تعلق کے تو آساں ہوتے

سب ہیں مصروف خون پینے میں

 سب ہیں مصروف خون پینے میں

کون جھانکے کسی کے سینے میں

لہریں آداب کر کے اٹھتی ہیں

کون بیٹھا ہے اس سفینے میں

میر کے شعر تک نہیں ٹکتے

وہ خلا ہے ہمارے سینے میں

عشق میں دل کا لگانا اور ہے

 عشق میں دل کا لگانا اور ہے

زندگی اپنی مٹانا اور ہے

بت پرستی تیرا شیوہ برہمن

بت کو سجدے میں گرانا اور ہے

یوں اجل کے سامنے بے بس سبھی

موت سے آنکھیں ملانا اور ہے

بے تاب پاس شمع کے پروانہ آ گیا

 بے تاب پاس شمع کے پروانہ آ گیا

کیا بات ہے کہ ہوش میں دیوانہ آ گیا

ساقی کی بارگاہ میں توبہ ہوئی قبول

خود ڈھونڈتا ہوا مجھے مے خانہ آ گیا

سجدوں کا میرے ناز اٹھانے کے واسطے

کعبے کے سامنے در جانانہ آ گیا

وہ منفرد ترا لہجہ نظر نہیں آیا

 وہ منفرد ترا لہجہ نظر نہیں آیا

غزل کے کوزے میں دریا نظر نہیں آیا

امیرِ شہر کے گھر نوادرات تو تھے

پرانے وقت کا کاسہ نظر نہیں آیا

منافقوں نے دکھائی تھی جو تری تصویر

تجھے جو دیکھا تو ویسا نظر نہیں آیا

ہر راستہ افسردہ ہر ایک ڈگر چپ ہے

 ہر راستہ افسردہ ہر ایک ڈگر چپ ہے

جو تم نہ آئے تو اب سارا نگر چپ ہے

ہر اشک میں ہوتی ہے مظلوم کہانی بھی

ہرگز نہ سمجھ لینا کہ دیدۂ تر چپ ہے

انداز کچھ ایسا ہے دنیا کا بتائیں کیا

الفاظ ہیں شرمندہ، احساسِ نظر چپ ہے

یا رب مجھے جو درد ملے لا دوا ملے

 یا رب! مجھے جو درد ملے لا دوا ملے

لیکن یہ آرزو ہے مجھے حوصلہ ملے

مجرم ہوں، جرمِ سخت کا اقرار ہے مجھے

اچھا ہو مجھ کو اپنے کیے کی سزا ملے

تھی جن سے چارہ سازئ وحشت کی اک امید

بد قسمتی سے وہ بھی بہت پُر جفا ملے

دید سرور کی سراپا جستجو ہو جائیے

 عارفانہ کلام حمد نعت منقبت

دید سرور کی سراپا جستجو ہو جائیے

دیکھتے ہی دیکھتے پھر سرخرو ہو جائیے

عشق سرکار دو عالم کا تقاضہ ہے یہی

ہر عدوئے سرورِ دیں کے عدو ہو جائیے

جب قلم قرطاس پکڑا عشق نے دی صدا

"نعت لکھنا ہے اگر تو با وضو ہو جائیے"

تیری یاد تیرا حصول ہے

 تیری یاد تیرا حصول ہے

تُو نہیں تو ہر شے فضول ہے

کہتی ہیں ہوائیں کہ ہر طرف

تیری رحمتوں کا نزول ہے

تیری بندگی میں جیا کروں

ہے رضا تِری جو قبول ہے

حالات کا غبار مجھے یاد رہ گیا

 حالات کا غبار مجھے یاد رہ گیا

ایک بے وفا کا پیار مجھے یاد رہ گیا

ہر نقش دلبری مِرا دھندلا کے رہ گیا

بس تیرا انتظار مجھے یاد رہ گیا

غیرو کی پالکی تھی سجی تیرے واسطے

تو ہو گیا سوار مجھے یاد رہ گیا

اس واسطے عدو کو گوارا نہیں تھا میں

 اس واسطے عدو کو گوارا نہیں تھا میں

مارا گیا تھا جنگ میں، ہارا نہیں تھا میں

مجھ سے ہی مجھ کو وقت نے تفریق کر دیا

جو تیرے سامنے تھا وہ سارا نہیں تھا میں

میں تیرے چونچلوں پہ انا کیسے بیچتا

اے زندگی! غلام تمہارا نہیں تھا میں

کبھی فراق ستمگر میں زندگانی کی

 کبھی فراق ستمگر میں زندگانی کی

کبھی حیات کی اشکوں نے ترجمانی کی

کبھی حیات پہ چھایا سکوت زخموں کا

کبھی خبر نہ ہوئی مرگِ ناگہانی کی

ہے اضطراب عجب دل کے بالا خانے میں

جھلک نگاہ میں پائی گئی ہے پانی کی

بس جبلت سے ہی لگتا ہوں درندہ جیسے

 بس جبلت سے ہی لگتا ہوں درندہ جیسے

رزق کرتا ہوں اکٹھا میں پرندہ جیسے

یوں تو میں ایک زمانے سے تھا مردہ یارم

تم کو دیکھا ہے تو لگتا ہوں میں زندہ جیسے

تیرے کوچے میں لیے آس کھڑا ہوں میں یوں

کوئی دفتر میں ہو درخواست دہندہ جیسے

محمد مصطفیٰ محبوب داور بالیقیں تم ہو

عارفانہ کلام حمد نعت منقبت

 محمد مصطفیٰﷺ محبوب داور بالیقیں تم ہو

لقب جس کو ملا احمدﷺ وہ امیں تم ہو

ہیں امت میں تمہاری بس ہمیں ہے ناز قسمت پر

محمدﷺ مجتبیٰ ہو رحمت اللعالمیں تم ہو

ہے دل تصدیق کرتا اور زباں اقرار کرتی ہے

تصور میں تم ہی تم، خیالِ دلنشیں تم ہو

جب ہماری زندگی کا ختم افسانہ ہوا

 جب ہماری زندگی کا ختم افسانہ ہوا

اس گھڑی صد حیف ان کا خیر سے آنا ہوا

آپ تو ہنستے رہے ہم رو کے رسوا ہو گئے

شمع تو چلتی رہی پامال پروانہ ہوا

میری بربادی کے چرچے سن کے کس کس ناز سے

پوچھتے ہیں مسکرا کر کون دیوانہ ہوا

ہجر کی رات اور کیا کرتے

 ہجر کی رات اور کیا کرتے

تیرے آنے کی بس دعا کرتے

ہم سے توہین عشق ہو نہ سکی

کس طرح عرض مدعا کرتے

انگلیاں ہو گئیں فگار اپنی

کتنے مکتوب ہم لکھا کرتے

تو وقت یہ کہاں گیا کہ وقت ہی نہیں ملا

 وقت

عجیب سی یہ بات ہے

عجب سا یہ خیال ہے

مگر یہ سوچنے لگو

تو اک اہم سوال ہے

کہ وقت ہی کہاں گیا؟

کہ عمر سب گزار دی

ایک لمحے کو جب رکا ہوں میں

 ایک لمحے کو جب رکا ہوں میں

ہمسفر نے کہا چلا ہوں میں

دیکھتا تک نہیں مجھے کوئی

روشنی میں رکھا دِیا ہوں میں

خاک چھانی کسی نے میرے لیے

اور کسی کے لیے بنا ہوں میں

حرف غزل کو درد میں ڈھلتے ہوئے بھی دیکھ

 حرف غزل کو درد میں ڈھلتے ہوئے بھی دیکھ

شہر سخن کی شمع پگھلتے ہوئے بھی دیکھ

خوشبو کے چند پھولوں کی ناکام آرزو

شہر وفا کی آگ میں جلتے ہوئے بھی دیکھ

جھلسے ہوئے خیال کے صحرا میں ڈوب جا

ذروں کی تہہ میں تشنگی جلتے ہوئے بھی دیکھ

پر ہول ہے یہ راہ گزر دیکھتے چلیے

 پُر ہول ہے یہ راہگزر دیکھتے چلیے

کٹتا بھی ہے یہ کیسے سفر دیکھتے چلیے

یہ کشمکش شمس و قمر دیکھتے چلیے

آہوں کا ذرا اپنی اثر دیکھتے چلیے

عالم میں بہت دھوم نزاکت کی مچی ہے

نازک ہے بہت ان کی کمر دیکھتے چلیے

یار دو چار سے الجھتے ہیں

 یار دو چار سے اُلجھتے ہیں

آپ تو سنسار سے الجھتے ہیں

بُغضِ صدیقؓ میں وہاں کچھ لوگ

آج بھی غار سے الجھتے ہیں

ان کی الجھن کا حل نہیں کوئی

جو مِرے یار سے الجھتے ہیں

تصویر وفا پیکر ایثار ہیں سرکار

 عارفانہ کلام حمد نعت منقبت

تصویر وفا پیکر ایثار ہیں سرکارﷺ

سچ کہتا ہوں کہ حق ہی کا اظہار ہیں سرکار

حالات میرے درپئے آزار ہیں سرکارﷺ

خاموش ہوں کہ میرے طرفدار ہیں سرکار

کیا ان کی مدح ہو کہ زباں اس سے ہے قاصر

رحمت کے کرم ہی کے آثار ہیں سرکارﷺ

لمحۂ فکریہ گھٹن عجب ہے دلوں میں اپنے

 لمحۂ فکریہ

گھٹن عجب ہے دلوں میں اپنے

کہ نقش سارے ہی مٹ گئے ہیں

چاہتوں کے، صحبتوں کے

تمام نغمے بکھر گئے ہیں

خلوص پیکر جو لوگ سارے تھے

ڈھے گئے ہیں

نیت ہے اگر پانے کی کیا کیا نہ ملے گا

 نیت ہے اگر پانے کی کیا کیا نہ ملے گا

بندے کو خدا وند سے روزانہ ملے گا

اس بارگہِ ناز میں دے آئیں گے چپکے

نذرانہ گزاری کو جو نذرانہ ملے گا

ہم اس کو یگانوں ہی کی فہرست میں لکھیں گے

بالفرض کہیں کوئی جو بے گانہ ملے گا

گاؤں میں جھونپڑی سلامت ہے

 گاؤں میں جھونپڑی سلامت ہے

سلطنت ہے مِری ریاست ہے

کوئی میٹھا سا درد ہے دنیا

کوئی دلچسپ سی صعوبت ہے

میں نے خاموشیاں سُنی ہیں تِری

مجھ سے مت پوچھ کیا سماعت ہے

یوں وفا آزمائی جاتی ہے

 یوں وفا آزمائی جاتی ہے

دل کی رگ رگ دکھائی جاتی ہے

اپنی صورت کے آئنے میں مجھے

میری صورت دکھائی جاتی ہے

ایک ہلکی سی مسکراہٹ سے

 نئی دنیا بنائی جاتی ہے

برقِ ستم سے ہیں گل و گلزار اشکبار

 برقِ ستم سے ہیں گُل و گُلزار، اشکبار

خاکِ غَزہ ہے زخمی و لاچار اشکبار

اس درد سے تڑپتا ہے سارا جہانِ حق

ہے رنج و غم سے ہر دلِ خوددار اشکبار

لپٹی ہے خاک و خوں میں فلسطیں کی آبرو

ہم، تک رہے ہیں بے بس و ناچار، اشکبار

کب کوئی در شاہ پہ تدبیر سے پہنچا

 عارفانہ کلام حمد نعت منقبت

کب کوئی درِ شاہ پہ تدبیر سے پہنچا

پہنچا تو فقط خوبئ تقدیر سے پہنچا

ہر گوشۂ آفاق میں پیغامِ صداقت

اے افصحِ عالم! تِری تقریر سے پہنچا

اس پر بھی تِرا فیضِ اتم جھوم کے برسا

تشنہ جو تِری بزم میں تاخیر سے پہنچا

پل خوشی کے تو کبھی آنکھ میں پانی دے گا

 پل خوشی کے تو کبھی آنکھ میں پانی دے گا

وقت ہر روز نئی ایک کہانی دے گا

دل مِرے چھیڑ نہ تو پھر وہ پرانے قصے

ذکر ماضی مجھے بس اشک فشانی دے گا

پیڑ کیکر کے بھی آئیں گے کہیں راہوں میں

ہر جگہ تو وہ نہیں رات کی رانی دے گا

میں اپنے جرم کا جب اعتراف کرتا ہوں

 میں اپنے جرم کا جب اعتراف کرتا ہوں 

پھر اس کا فیصلہ اپنے خلاف کرتا ہوں

میں پہلے دیتا ہوں ترتیب حلقۂ احباب

پھر اپنے لوگوں کو اپنے خلاف کرتا ہوں 

میں کیسے مان لوں ہر بات، آسماں تیری 

زمین زاد ہوں، سو اختلاف کرتا ہوں 

بربادی سے اس شہر کو کیا یار بچائیں

 بربادی سے اُس شہر کو کیا یار بچائیں

یاروں سے جہاں یار ہی دستار بچائیں

یاروں کی عنایت سے ہوں میں دار پہ لیکن

یہ دار ہے منظور جو اغیار بچائیں

ہونا ہے گرفتار کسی روز تو دل کو

کیوں خود کو محبت سے بھی اک بار بچائیں

نہ جیت ویت کے معنی نہ ہار وار کا دکھ

 نہ جیت وِیت کے معنی نہ ہار وار کا دکھ

کہ میرے دل میں روندی گئی بہار کا دکھ

نہ بات وَات ضروری ، نہ دِید وِید کی بات

جو دِل اداس ہے اِس کو ہے انتظار کا دکھ

دغا وَغا کوبھی چھوڑا ، یہ جھوٹ موٹ بھی معاف

مجھے تو دے رہا آزار اعتبار کا دکھ

ہندو ہے کون شکل مسلماں میں کون ہے

 ہندو ہے کون شکل مسلماں میں کون ہے

حیواں ہے کون صورت انساں میں کون ہے

صحرا میں کون کوہ و بیاباں میں کون ہے

گلشن میں کون باغ گلستاں میں کون ہے

صورت جدا ہے سب کی مگر ایک ہی وجود

گل میں ہے کون خار مغیلاں میں کون ہے

دل میں اگر نہیں ہے محبت رسول کی

 عارفانہ کلام حمد نعت منقبت

دل میں اگر نہیں ہے محبت رسولؐ کی

کیسے کوئی کہے کہ ہوں امت رسولؐ کی

گر چاہتے ہیں آپ کہ راضی رہے خدا

کیجیے جناب دل سے اطاعت رسولؐ کی

اسلام کی مخالفت بہتوں نے کی ضرور

مانی مگر عدو نے بھی عظمت رسولؐ کی

عشق محتاط رہا وہ بھی اس انداز کے ساتھ

 عشق محتاط رہا وہ بھی اس انداز کے ساتھ

سانس تک اس نے نہیں لی کسی ہمراز کے ساتھ

دشمنوں میں بھی رہوں میں تو قباحت کیا ہے

دوست بھی ملتے ہیں مجھ سے اسی انداز کے ساتھ

اس کے تاروں پہ رکھیں انگلیاں تو نے شاید

کیف کو ایسا نہیں ربط کسی ساز کے ساتھ

اب اس کے سوا اور نہ کچھ کام کریں گے

 اب اس کے سوا اور نہ کچھ کام کریں گے

جب عشق نہ کر پائیں گے آرام کریں گے

ہم بزم سے اٹھ کر تِری یہ سوچ رہے ہیں

دن کیسے گزاریں گے کہاں شام کریں گے

دل کر دیا ان ماہ جبینوں کے حوالے

اب جاں بھی انہی لوگوں کو انعام کریں گے

گہرے سمندروں کی تہوں سے اٹھا کروں

 گہرے سمندروں کی تہوں سے اٹھا کروں

ہوں سیل، ساحلوں پہ جواہر بکھیر دوں

طوفان ان گنت رہے بحرِ حیات میں

تحلیل پانیوں میں ہوا جسم کا ستوں

اک دن برس کے ابر یہ قدغن لگا گیا

اپنے بدن کی آگ میں ہر شب جلا کروں

بڑھ کر امکانات تحسیں سے ان کی ہر ادا

 بڑھ کر امکانات تحسیں سے ان کی ہر ادا

کون کر سکتا ہے حق نعت پیغمبرﷺ ادا

اللہ اللہ مدحت خیر الوریٰ کے باب میں

خود بخود ہوتا ہے مضمون دل مضطر ادا

یاس آغشتہ بشر کی جان میں جان آ گئی

دیکھ کر خلق محمدﷺ کی رواں پرور ادا

روگ پلتا رہا کام چلتا رہا

 روگ پلتا رہا

بات کُچھ بھی نہ تھی

ہاں مگر اک گُزارش کا آغاز تھا

وہ گُزارش جو

جو سوکھے لبوں کی ہوس

چیرتی اک فسوں کے مقابل کھڑی ہوگئی

لفظ در لفظ ایسی شکن آپڑی

چلو دیوانو ملنے چلیں جن کے امتی ہیں ہم

 عارفانہ کلام حمد نعت منقبت

چلو دیوانو ملنے چلیں جن کے امتی ہیں ہم

حال غم ان کو سنائیں جن کے امتی ہیں ہم

میں ہوں خادم آپ کا اور آپ میرے آقاﷺ

دل کا حال انہیں بتائیں جن کے امتی ہیں ہم

شان عظمت محبوب کی وہ بزم محشر دکھائیں گۓ

بخشوا دے گئے خطائیں جن کے امتی ہیں ہم

وہ اجنبی تھا مگر تھا وہ آشنا کی طرح

 وہ اجنبی تھا مگر تھا وہ آشنا کی طرح

مِرے وہ دل میں رہے گا مِری دعا کی طرح

وہ نا خدا تو نہیں تھا مگر سفینے کو

بچا بچا کے وہ لایا تھا ناخدا کی طرح

زباں سے اس کی جو نکلا وہ بن گیا مرہم

کلام اس کا حقیقت میں تھا دوا کی طرح

یوں پلٹتی ہے ہر ایک دعا باب اثر سے

 یوں پلٹتی ہے ہر ایک دعا باب اثر سے

جیسے کوئی ناکام چلا آئے سفر سے

ہو جائے عیاں تم پہ بھی دنیا کی حقیقت

دنیا کو اگر دیکھ لو تم میری نظر سے

یہ بات الگ ہے کہ نہیں فُرصتِ پُرسش

واقف تو یہ دنیا ہے میرے دردِ جگر سے

کبھی دوستی کی باتیں کبھی دشمنی کی باتیں

 کبھی دوستی کی باتیں کبھی دشمنی کی باتیں

وہی زندگی ہے یارو! وہی زندگی کی باتیں

وہی رہبروں کے جمگھٹ وہی بھیڑ رہزنوں کی

وہی کارواں ہیں غم کے، وہی گمرہی کی باتیں

کبھی چھیڑ اے مغنی! کوئی کیف زا ترانہ

میں ازل سے سن رہا ہوں غمِ عاشقی کی باتیں

جب ناؤ بھنور میں پھنستی ہے اور دور کنارا ہوتا ہے

 جب ناؤ بھنور میں پھنستی ہے اور دور کنارا ہوتا ہے

ایسے میں ہم مجبوروں کو بس تیرا سہارا ہوتا ہے

اک بار ذرا تم آنے کی زحمت تو کرو، دیکھو تو سہی

فُرقت کی اندھیری راتوں میں کیا حال ہمارا ہوتا ہے

اک درد سا دل میں ہوتا ہے، اک ٹیس جگر میں اُٹھتی ہے

جب یاد تمہاری آتی ہے، جب ذِکر تمہارا ہوتا ہے

میں صدق دل سے تیری ذات کے ہونے کا قائل ہوں

حمد

(چوتھا مسودہ)

میں صِدق دل سے تیری ذات کے ہونے کا قائل ہوں

مِرا ایمان ہے تیرے فرشتوں پر، رسولوں پر

تِری اقلیم کے سارے اصولوں پر

ہوا میں گیت گاتے خوشنما رنگیں پرندوں پر

بھنور کی بات سن کر کھلکھلاتے ہنستے پھولوں پر

دل لگا کر ہاں درودوں ،،سے سجایا کاغذ

 عارفانہ کلام حمد نعت منقبت

دل لگا کر ہاں، درودوں ،،سے سجایا کاغذ

سوئے جنت مجھے لے جائے گا ایسا کاغذ

شاہ کربل نے جو لکھ دی تھی غلامی کی سند

قبرِ فاروق میں رکھنا، وہ سنہرا کاغذ

شاہ کونینﷺ کی توصیف رقم کرنے کو

قلب کو میں نے بنا ڈالا ہے کورا کاغذ

نہ تو آغاز نہ انجام پہ رونا آیا

 نہ تو آغاز نہ انجام پہ رونا آیا

اپنی دقت کی ہر اک شام پہ رونا آیا

اہل محفل کو ہوئی شمع کے جلنے کی خوشی

مجھ کو پروانے کے انجام پہ رونا آیا

دل سے ابھرا تو نگاہوں کے دریچے سے گرا

اشک بنتے ہوئے ہر جام پہ رونا آیا

سنبھل سنبھل کے یہاں زندگی بسر کی ہے

 سنبھل سنبھل کے یہاں زندگی بسر کی ہے

بڑی طویل کہانی تھی مختصر کی ہے

تو مجھ کو خاک سمجھتا ہے خاک سمجھا کر

مگر یہ دیکھ کہ یہ خاک کس کے در کی ہے

وہ جس کی چھاؤں میں آنے سے جسم جل جائے

تِری مثال تو اے دوست! اس شجر کی ہے

جو بے زباں ہیں ہمیشہ ستائے جاتے ہیں

 جو بے زباں ہیں ہمیشہ ستائے جاتے ہیں

اسی لیے تو ستم دل پہ ڈھائے جاتے ہیں

کرو نہ فکر کبھی داغِ دل 💗 کا اے لوگو

چراغ ہجر کے یونہی جلائے جاتے ہیں

انہیں بھی ایک نظر دیکھ لے مِرے ساقی

کہ تیری بزم میں پیاسے بھی پائے جاتے ہیں

وہ بھی اداس اداس ہیں ہم بھی اداس اداس

 وہ بھی اداس اداس ہیں ہم بھی اداس اداس

یعنی نہ ان کے پاس خوشی ہے نہ میرے پاس

بجھتی نہیں بجھائے کسی طرح دل کی پیاس

دل ہے کہ چھوڑتا نہیں کم بخت پھر بھی آس

مانا بدل کے رکھ دی بشر نے یہ کائنات

ہائے، مگر حیات کے تن پر وہی لباس

پوچھتے کیا ہو جانتے ہو تم بیٹی تو چاند سے اترتی ہے

 بیٹی

پوچھتے کیا ہو جانتے ہو تم

بیٹی تو چاند سے اترتی ہے

ساری خنکی سمیٹ لاتی ہے

نرمی و خوش روی کے جھونکوں سے

حجر بھی موم ہوتا جاتا ہے

کوئی پازیب سے چھنکتی ہے

گالی گلوچ پیار کا کیسا صلہ ہے یہ

 گالی گلوچ پیار کا کیسا صلہ ہے یہ؟

بدلے وفاؤں کے جفا، کیسا صلہ ہے یہ؟

طعنے، فریب، گھڑکیاں، دُشنام و بے رُخی

کہنا مگر اسے ادا، کیسا صلہ ہے یہ؟

نظریں چُرا کے دیکھنا، شیخی بھگارنا

کہتے ہو تم اسے وفا، کیسا صلہ ہے یہ؟

کون ہے آشنائے مقام نبی

 عارفانہ کلام حمد نعت منقبت

کون ہے آشنائے مقامِ نبیﷺ

ہے سرِ عرش و فرش احترام نبی

اس کو حاصل سعادت ہے ایمان کی

قلب پر ثبت ہے جس کے نامِ نبی

کم نصیبوں کو کیوں اس کا شکوہ ہے

جب ودیعت ہو لطفِ دوامِ نبیﷺ

ہوا اک دن میں ہم سے غیر اچھا

 ہوا اک دن میں ہم سے غیر اچھا

پڑا در پر کسی کا پیر اچھا

کہا ہے میں نے جو دیکھا سنا ہے

جو تم سمجھو بُرا تو خیر اچھا

محبت ہم سے منہ دیکھے کی یارو

ہو دل کھوٹا تو منہ کا بیر اچھا

سو داغ تمناؤں کے ہم کھائے ہوئے ہیں

 سو داغ تمناؤں کے ہم کھائے ہوئے ہیں

گل جتنے ہیں اس باغ میں مرجھائے ہوئے ہیں

شرمندہ ہوں میں اپنی دعاؤں کے اثر سے

وہ آج پریشان ہیں گھبرائے ہوئے ہیں

خودداریٔ گیسو کا ہے اس رخ پہ یہ عالم

جھکنا جو پڑا ان کو تو بل کھائے ہوئے ہیں

تیرا ہی ذکر تیرا ہی چرچا ہوا کرے

 تیرا ہی ذکر تیرا ہی چرچا ہوا کرے

ہوتا ہے حشر برپا تو برپا ہوا کرے

ہاں ناز اور نیاز اسے بھی پسند ہیں

کہہ دیجیے جبیں سے ادب سے جھکا کرے

موسیٰ نہیں جو تاب تجلی کی لا سکوں

پردہ اٹھے تو یوں نہ کرم کا اٹھا کرے

وہی زمانہ وہی ماہ و سال اوڑھے ہیں

 وہی زمانہ وہی ماہ و سال اوڑھے ہیں

بہت دنوں سے تمہارا خیال اوڑھے ہیں

شعاع مہر نے مجھ سے کہا بہ وقت شام

عروج والے یہاں سب زوال اوڑھے ہیں

ادب سے بیٹھیے آ کر کے ہم فقیروں میں

یہاں کے ٹاٹ نشیں سب کمال اوڑھے ہیں

محبت مر نہیں سکتی محبت غیر فانی ہے

 محبت مر نہیں سکتی

وہی بے تابیاں دل کی

وہی پھرتا ہوا دریا

وہی کچا گھڑا ہے منتظر سچ کے مسافر کا

وہی شب کی سیہ چادر

چھپی ہیں سازشیں جس میں عزیزوں کی

پرانے دوستوں کی ہم جلیسوں کی

یا رحمت اللعالمین خیر الانام

 عارفانہ کلام حمد نعت منقبت

یا رحمت اللعالمین، خیر الانامﷺ

آپﷺ لائے آخری حق کا پیام

آپؐ کی مدح لکھوں میں کیا مجال

خود خدا بھیجے ہیں درود و سلامﷺ

آپﷺ ہیں دونوں جہاں کے بادشاہ

خاک کے حجرے میں کرتے تھے قیام

حاکم وقت کے اقبال سے کیا کیا نہ ہوا

 حاکم وقت کے اقبال سے کیا کیا نہ ہوا

دل کے زخموں کا اگر کوئی مداوا نہ ہوا

سر پٹکتے ہی پھرے راہ کی تنہائی میں

اہلِ فن کے لیے دروازہ کوئی وا نہ ہوا

ظلمتِ شب میں کوئی راہبری کیا کرتا

ایک تارا بھی سرِ عرش ہمارا نہ ہوا

بات تو جب ہے کہانی پاؤں کے چھالے کہیں

 بات تو جب ہے کہانی پاؤں کے چھالے کہیں

حال سارا منہ زبانی پاؤں کے چھالے کہیں

چل مگر اگلے سفر کی ایک یہ بھی شرط ہے

ہر قدم کی جاں فشانی پاؤں کے چھالے کہیں

میں سناؤں گا ٹھہر کر داستاں تفصیل سے

تب تلک کربِ نہانی پاؤں کے چھالے کہیں

کھل اٹھا تھا جو گلشن باغباں کی کاوش سے

 کھل اٹھا تھا جو گلشن باغباں کی کاوش سے

وہ اجڑ گیا آخر، موسموں کی سازش سے

کوہسار و صحرا ہوں، کھیت ہوں کہ ندیاں ہوں

مستفیض ہوتے ہیں ابر کی تراوش سے

جو خوشی سے آئے گا، جائے گا وہ افسردہ

فائدہ ہی کیا آخر زخم کی نمائش سے

اک گھڑی جذبۂ نفرت کے سوا چاہتی ہے

 اک گھڑی جذبۂ نفرت کے سوا چاہتی ہے

زندگی تجھ سے محبت کی دعا چاہتی ہے

کیا کروں دوست تو اتنے بھی نہیں ہیں میرے

روز یہ روح کوئی زخم نیا چاہتی ہے

کیا عجب طور سے کرتی ہے شکست اپنی قبول

اب یہ دنیا کوئی ہنگامہ بپا چاہتی ہے

عدل سے منہ موڑ کر جب منصفی ہونے لگے

 عدل سے منہ موڑ کر جب منصفی ہونے لگے

سخت کافر جرم بھی اب مذہبی ہونے لگے

تشنگی کی آنکھ میں بے سمت تیور دیکھ کر

کتنے دریا دل سمندر بھی ندی ہونے لگے

حسرتیں پلنے لگی ہیں پھر نبوت کے لیے

کچھ دنوں میں کیا خبر پیغمبری ہونے لگے 

نیاز مند نبی ہوں نبی کا نوکر ہوں

 عارفانہ کلام حمد نعت منقبت

نیاز مندِ نبیﷺ ہوں، نبیﷺ کا نوکر ہوں

نبی کی بیٹیوں، بیٹوں سبھی کا نوکر ہوں

حسنؑ، حسینؑ، امامہؑ، علیؑ کا نوکر ہوں

میں ان کے کام کے ہر آدمی کا نوکر ہوں

یہ ایک شاعرِ محکوم کا قصیدہ ہے

بناتِ سیدِ مخدومﷺ کا قصیدہ ہے

عاشق کی آہ و زاری پہ نالوں پہ ٹیکس ہو

  زعفرانی کلام ٹیکس

عاشق کی آہ و زاری پہ نالوں پہ ٹیکس ہو

سب مہ وشوں پہ ماہ جمالوں پہ ٹیکس ہو

گر زلف تا کمر ہو تو بالوں پہ ٹیکس ہو

ہو اگر سرخ سرخ گال تو گالوں پہ ٹیکس ہو

ہو قاتلانہ چال تو پیسے ادا کرو

ورنہ جہاں پڑے ہو وہیں پر پڑے رہو

مہرالنساء کے ساتھ تھا کل تک اور آج میں

  زعفرانی کلام

مہرالنساء کے ساتھ تھا کل تک اور آج میں

زیب النساء کے ساتھ ہوں تم کس کے ساتھ ہو

تصویر میں جو دیکھ رہے ہو مجھے اداس

میں اہلیہ کے ساتھ ہوں تم کس کے ساتھ ہو

حمامِ عاشقی میں برہنہ نہیں ہوں میں

اک تولیہ کے ساتھ ہوں تم کس کے ساتھ ہو

حاضر شراب تاڑی مدک اور افیون ہے

 زعفرانی کلام

حاضر شراب تاڑی مدک اور افیون ہے

اس پر بھی ان پہ طاری سیاسی جنون ہے

بیگم نے خوب مجھ سے جھگڑتے ہوئے کہا

"آزادئ وطن میں ہمارا بھی خون ہے"

وہ اس طرح سے مجھ پہ جھڑپتی ہے رات دن

جیسے دماغ اس کا مئی ہے کہ جون ہے

ہو سمندر کے اگر پار کہاں ممکن ہے

  زعفرانی کلام

 ہو سمندر کے اگر پار کہاں ممکن ہے

یومِ سسرال پہ انکار کہاں ممکن ہے

میکے تو آج نہیں کل نہیں پرسوں جانا

بیوی کے آگے یہ تکرار کہاں ممکن ہے

بیویوں والے تو جاتے ہیں عقیدت لے کر

چھوڑ کے جائیں یہ دربار کہاں ممکن ہے

بہت دن میں ملی ہو یہ بتاؤ حال کیسا ہے

 زعفرانی کلام

بہت دن میں ملی ہو یہ بتاؤ حال کیسا ہے

تمہاری زندگی کے ساتھ اب جنجال کتنے ہیں

تمہاری سیٹنگ کی پائیداری کتنی قائم ہے

تمہارے دوسرے شوہر کے سر میں بال کتنے ہیں

تمہاری کوئی فرمائش کبھی رد تو نہیں کرتا

وہ ہفتے میں تمہیں سنیما کے کتنے شو دکھاتا ہے

ان کی الفت کا جسے رتبہ سمجھ میں آیا

 عارفانہ کلام حمد نعت منقبت

انؐ کی الفت کا جسے رتبہ سمجھ میں آیا

انؐ پہ مرنا ہی اسے جینا، سمجھ میں آیا

آپؐ کی آل سے جس نے بھی محبت کی ھے

پیاس کا معنی اسے دریا سمجھ میں آیا

چودھویں شب کو ہوا چاند مکمل تو مجھے

انؐ کے تلووں کا حسیں نقشہ سمجھ میں آیا

ضبط دو روز بھی ان سے نہ ہوا میرے بعد

 ضبط دو روز بھی ان سے نہ ہوا میرے بعد

میں جو کہتی تھی وہی ہو کے رہا میرے بعد

اچھا کھاؤ تو قسم سر پہ میرے رکھ کر ہاتھ

میرے بچوں سے کرو گے نہ دغا میرے بعد

جو مِرے واسطے چوتھی کا بنا تھا جوڑا

وہی جوڑا مِری سوتن کو چڑھا میرے بعد

زندگی کا مزا نہیں ملتا

 زندگی کا مزا نہیں ملتا

بُت ملے تو خُدا نہیں ملتا

منزل آخری ہے قبر مِری

اب کوئی راستہ نہیں ملتا

خُوگر ظُلم ہو گیا ایسا

مجھ کو لُطف وفا نہیں ملتا

ملتفت جب سے نگاہ ناز ہے

 ملتفت جب سے نگاہِ ناز ہے

اور ہی کچھ عشق کا انداز ہے

گنگنایا نغمۂ دل حسن نے

سارا عالم گوش بر آواز ہے

پھیر کر منہ مسکرا کر دیکھنا

یہ ستانے کا نیا انداز ہے

جلا کر اپنا گھر بالک گیا ہے

 جلا کر اپنا گھر بالک گیا ہے

لیے جو ہاتھ میں دیپک گیا ہے

سفر اب ختم ہونے کو ہے شاید

مسافر چلتے چلتے تھک گیا ہے

کریں گے فیصلہ اہلِ خرد یہ

جنوں میں کون کیا کیا بک گیا ہے

ساحلوں کا بھی نہ احساں تھا گوارا مجھ کو

 ساحلوں کا بھی نہ احساں تھا گوارا مجھ کو

اتنا دریا کے تلاطم نے سنوارا مجھ کو

پیاس ایسی ہے کہ اندر سے سُلگتا ہے بدن

اور پانی کے سوا کچھ نہیں چارا مجھ کو

اب تو دامن کو لپکتے ہیں لہو کے شعلے

اور پکارے ہے کہیں خون کا دھارا مجھ کو

شبیہ ابھری نظر میں ان کے جمال کی ہے

 عارفانہ کلام حمد نعت منقبت

شبیہ ابھری نظر میں ان کے جمال کی ہے

سو آج رونق ہی اور بزمِ خیال کی ہے

غموں کی شدت نے جب طبیعت نڈھال کی ہے

درودﷺ پڑھ کر شکستہ حالت بحال کی ہے

چھپے ہیں ابرِ فلک میں تارے، حیا کے مارے

کہ جوت پھیلی تِرےﷺ غبارِ نعال کی ہے

پیاس سے میری ڈر گیا پانی

 پیاس سے میری ڈر گیا پانی

ہو گیا خشک، مر گیا پانی

اب مجھے تیرنا دکھاؤ گے

اب تو سر سے گزر گیا پانی

ان سے غیرت کا درس کیا لیتے

جن کی آنکھوں کا مر گیا پانی

مل کتنا دھواں اگل رہی ہے

 مِل کتنا دُھواں اُگل رہی ہے

کس کس کی حیات جل رہی ہے

لفظوں کو حنوط کرنے والو

انسان کی لاش گل رہی ہے

مصلوب ہے پیار کا فرشتہ

نفرت کی چڑیل پل رہی ہے

خوشی پر تری ہر خوشی کو لٹا دوں

 خوشی پر تِری ہر خوشی کو لٹا دوں

میں دنیا کی دل بستگی کو لٹا دوں

نچھاور کروں تجھ پہ چاند اور تارے

فلک کو، زمیں کو، سبھی کو لٹا دوں

اشارہ جو ہو تیرا، اے جانِ عالم

خوشی شے ہے کیا زندگی کو لٹا دوں

ہر اک بات میں تھا حجاب اول اول

 ہر اک بات میں تھا حجاب اول اول

نہ یوں تم تھے حاضر جواب اول اول

وفادار اغیار کا اب لقب ہے

کبھی تھا یہ میرا خطاب اول اول

ازل ہی سے کوثر کی لہروں میں ڈوبے

ہوئے غرق موجِ شراب اول اول

آباد اسی سے ہے ویرانہ محبت کا

 آباد اسی سے ہے ویرانہ محبت کا

ہشیاروں سے بڑھ کر ہے دیوانہ محبت کا

وہ رس بھری آنکھیں ہیں مے خانہ محبت کا

چلتا ہے نگاہوں سے پیمانہ محبت کا

اللہ نے بخشی ہے کیا نشو و نما اس کو

سو خِرمنِ ہستی ہے اک دانہ محبت کا

کہوں دنیا میں اب میں کس سے جا کر

 کہوں دنیا میں اب میں کس سے جا کر

اگر کرنا ہے کچھ تھوڑی وفا کر

ہمارے بخت میں آنسو نہیں ہیں

کوئی حاصل نہیں دریا بہا کر

میں خالی چشم لوٹ آیا دوبارہ

تُو دریا ہے تو دو آنسو عطا کر

اے خدا رہنمائی دے ہم کو

 عارفانہ کلام حمد نعت منقبت

اے خدا رہنمائی دے ہم کو

راہِ حق تک رسائی دے ہم کو

لذتِ پارسائی دے ہم کو

معصیت سے رہائی دے ہم کو

پھر غمِ دل سے چُور ہو جائیں

درد سے آشنائی دے ہم کو

وہ جو خود سے سوالی رہے ہیں

 وہ جو خود سے سوالی رہے ہیں

دوسروں کے بھی والی رہے ہیں

ان کو خوشیاں میسّر نہ آئیں

درد و غم سے جو خالی رہے ہیں

دل کے پیڑوں کو ہم سینچ کر بھی

بے ثمر ڈالی ڈالی رہے ہیں

ستم دوست کا گلہ کیا ہے

 ستم دوست کا گلہ کیا ہے

سنبھل اے دل تجھے کہا کیا ہے

نگہ ناز کو نہ دو تکلیف

دل میں اب یاس کے سوا کیا ہے

جس کو مرنے کی بھی امید نہ ہو

اس کی حسرت کو پوچھنا کیا ہے

بحر دقیانوسیت زبانی جنگ کی کیسی ہے فطرت

 بحر دقیانوسیت

زبانی جنگ کی کیسی ہے فطرت

سیانی، لمبی ہوتی جا رہی ہے

مُڑے گی جانے کن اندھی گلی میں

کہانی، لمبی ہوتی جا رہی ہے

شباب آیا ہے افواہوں پہ یکسر

جوانی، لمبی ہوتی جا رہی ہے

نئی دنیا ترا چرچا بہت ہے

 نئی دنیا ترا چرچا بہت ہے

مِرا بیٹا بھی آوارہ بہت ہے

میں شاید پاگلوں سا لگ رہا ہوں

وہ مجھ کو دیکھ کر ہنستا بہت ہے

یہ بکھری پتیاں جس پھول کی ہیں

وہ اپنی شاخ پر مہکا بہت ہے

جو بشر طوفاں سے ٹکراتا نہیں

 جو بشر طوفاں سے ٹکراتا نہیں

اپنی عظمت کو سمجھ پاتا نہیں

جستجو میں خود جو کھو جاتا نہیں

گوہر مقصود کو پاتا نہیں

کس کو دیکھیں اس بھری دنیا میں ہم

کوئی بھی تم سا نظر آتا نہیں

اک جبر مستقل ہے مسلسل عذاب ہے

 اک جبر مستقل ہے مسلسل عذاب ہے

کہنے کو زندگی پہ غضب کا شباب ہے

پوچھا کسی نے حال تو دیوانہ رو دیا

کتنا حسین، کتنا مکمل جواب ہے

کیوں تلخیٔ حیات کا احساس ہو چلا

یارو ابھی تو رقص میں جام شراب ہے

وہ جلوہ ہے نور کبریا کا

 عارفانہ کلام حمد نعت منقبت

وہ جلوہ ہے نور کبریا کا

وہ صدر ہے بزم اصطفا کا

امام ہے خیل انبیا کا

ہے پیشوا مسلک ہدیٰ کا

معین انصاف او وفا کا

مٹانے والا وہ جفا کا

میں اپنی ذات میں تنہا

 میں اپنی ذات میں تنہا

میں اپنی ذات میں تنہا

سبھی ہیں دوست میرے پر

نہیں ہے چارہ گر کوئی

میں اپنی ذات میں تنہا

کسے دیکھوں، کسے ڈھونڈوں

یہاں ہر سمت ویرانی

گماں اس کا ہے نیکوکار ہیں ہم

 گماں اس کا ہے، نیکوکار ہیں ہم 

کہاں! اب صاحب کردار ہیں ہم

یہی سچ ہے کہ ان ملی بتوں سے 

خدا جانے، بہت بیزار ہیں ہم

دیانت کا تقاضا اور کچھ ہے

خیانت کے علمبردار ہیں ہم

کہیں عزت کہیں انساں نے شرافت بیچی

 کہیں عزت کہیں انساں نے شرافت بیچی

کہیں کردار کو بیچا کہیں سیرت بیچی

آج انسان نے اجداد کی عظمت بیچی

اور پردے میں کہیں عصمت و عفت بیچی

اس سے بڑھ کر بھی ہے ذلت کی کوئی حد یارو

بیچ ڈالے کہیں اسلاف کے مرقد یارو

رونقوں پر ہیں بہاریں ترے دیوانوں سے

 رونقوں پر ہیں بہاریں ترے دیوانوں سے

پھول ہنستے ہوئے نکلے ہیں نہاں خانوں سے

لاکھ ارمانوں کے اجڑے ہوئے گھر ہیں دل میں

یہ وہ بستی ہے کہ آباد ہے ویرانوں سے

لالہ زاروں میں جب آتی ہیں بہاریں ساقی

آگ لگ جاتی ہے ظالم ترے پیمانوں سے

بیتے ہوئے لمحات طرب پوچھ رہے ہیں

 بیتے ہوئے لمحات طرب پوچھ رہے ہیں

گُزری تھی کہاں اپنی وہ شب پوچھ رہے ہیں

کب تک میں چھپاؤں گا زمانے کی نظر سے

اب لوگ اُداسی کا سبب پوچھ رہے ہیں

کیا تم پہ بھی گزرا تھا یونہی نزع کا عالم

ہم لوگ جو ہیں جان بہ لب پوچھ رہے ہیں

حرف کب معتبر نہیں ہوتا

 عارفانہ کلام حمد نعت منقبت

حرف کب معتبر نہیں ہوتا

مدح میں صَرف گر نہیں ہوتا

داغِ ہجراں کسے دکھاتے گر

تجھ سا خیرالبشر نہیں ہوتا

دل کو اعزاز ہے تِری آمد

ہر کسی کا یہ گھر نہیں ہوتا

سر تو نیزے پہ ان کے اچھالے گئے

 سر تو نیزے پہ ان کے اچھالے گئے 

وہ مگر اپنا ایماں بچا لے گئے 

خوب غیروں کے ارماں نکالے گئے 

اور ہم تھے کہ باتوں میں ٹالے گئے 

شوق منزل جنہیں تھا وہ ٹھہرے کہاں 

راہ میں ان کی کانٹے بھی ڈالے گئے 

دل کی خاطر ہی زمانے کی بلا ہو جیسے

 دل کی خاطر ہی زمانے کی بلا ہو جیسے

زندگی اپنے گناہوں کی سزا ہو جیسے

دل کی وادی میں تمناؤں کی رنگا رنگی

کوئی میلہ کسی بستی میں لگا ہو جیسے

ہاں پکارا ہے غم زیست نے یوں بھی ہم کو

پیار میں ڈوبی ہوئی تیری صدا ہو جیسے

یہ صحرا کی صر صر صبا تو نہیں ہے

 یہ صحرا کی صر صر صبا تو نہیں ہے

گُھٹن ہے محبت ہوا تو نہیں ہے

میاں تخت والے سے کیوں ڈر رہے ہو

فقط آدمی ہے خُدا تو نہیں ہے

چراغ محبت مِرے دل میں جاناں

ابھی جل رہا ہے بُجھا تو نہیں ہے

کب تلک چلتا رہے گا سلسلہ کشمیر کا

 کب تلک چلتا رہے گا سلسلہ کشمیر کا

اب تو کرنا ہی پڑے گا فیصلہ کشمیر کا

خونِ ناحق بہہ رہا ہے خطۂ کشمیر میں

خُون سے بدلے گا اک دن زاویہ کشمیر کا

جنگ جاری ہی رہے گی اب یہ تھمنے کو نہیں

جب تلک ہوتا نہیں ہے تصفیہ کشمیر کا

گزر رہی ہے جدائی جو تجھ پہ شاق تو دیکھ

 گزر رہی ہے جدائی جو تجھ پہ شاق تو دیکھ

کبھی کبھی تُو ورائے حد فراق تو دیکھ

مِری طلب نہ سہی، میرا اشتیاق تو دیکھ

عبارتوں سے پرے آ، ذرا سیاق تو دیکھ

جدا ہیں جسم ہمارے، جُدا ہیں رنگ و روش

تُو ان کو چھوڑ کے رُوحوں کا التصاق تو دیکھ

الٰہی اپنے کرم سے عنایتیں کر دے

 عارفانہ کلام حمد نعت منقبت

الٰہی اپنے کرم سے عنایتیں کر دے

مِرے نصیبِ سخن کی ذہانتیں کر دے

میں لفظ و معنی کے ابہام سے نکل جاؤں

سخن شناس فضا کی سماعتیں کر دے

انا کی سرکشی، بس میں مِرے نہیں آتی

مِری جبیں کے مقدر عبادتیں کر دے

رہزن ہوا جو راہ نما ہاتھ کٹ گئے

رہزن ہوا جو راہنما ہاتھ کٹ گئے

بیری یہ راستہ جو ہوا ہاتھ کٹ گئے

غارت گرانِ امن و سکوں کو ملی پناہ

انصاف کی اٹھی جو صدا ہاتھ کٹ گئے

تبدیلئ نظام کی خاطر ہوئے نثار

ہاں، انقلاب آ تو گیا، ہاتھ کٹ گئے

خار کو پھول کہو دشت کو گلزار کہو

 خار کو پھول کہو دشت کو گلزار کہو

اور اس جبر کو آزادیٔ افکار کہو

جن کے ہاتھوں میں علم اور نہ کمر میں شمشیر

وہ بھی کہتے ہیں ہمیں قافلہ سالار کہو

میں تو اک شوخ کے دامن سے کروں گا تعبیر

تم اسے شوق سے بت خانے کی دیوار کہو

مجبور کبھی کوئی قیادت نہیں ہوتی

 مجبور کبھی کوئی قیادت نہیں ہوتی

ہوتی ہے تو پھر اس سے حکومت نہیں ہوتی

اک سجدۂ اخلاص کی فرصت نہیں ہوتی

اللہ کے بندوں سے عبادت نہیں ہوتی

اعمال پہ جو اپنے ندامت نہیں ہوتی

اس بات کا قائل ہے ہمیشہ سے زمانہ

قد بڑھانے کے لیے بونوں کی بستی میں چلو

 قد بڑھانے کے لیے بونوں کی بستی میں چلو

یہ نہیں ممکن تو پھر بچوں کی بستی میں چلو

صبر کی چادر کو اوڑھے خوابگاہوں میں رہو

سچ کی دنیا چھوڑ کر وعدوں کی بستی میں چلو

جب بھی تنہائی کے ہنگاموں سے دم گھٹنے لگے

بھیڑ میں گم ہو کے انجانوں کی بستی میں چلو

فکر فردا سے غافل کسے ہوش ہے

 فِکرِ فردا سے غافِل کسے ہوش ہے

ساری اُمّت فلسطیں پہ خاموش ہے

زُہد و تقویٰ عبادت میں مَدہوش ہے

ساری اُمّت فلسطیں پہ خاموش ہے

دَرد اِنسان سے عاری بنی مُعتکِف

حُکمِ باری، نبٌی سے ہوئی مُنحرِف

غمزدوں کے غم مٹانے کے لیے

 عارفانہ کلام حمد نعت منقبت

غمزدوں کے غم مٹانے کے لیے

مصطفیٰﷺ آئے زمانے کے لیے

آئیے چرچا نبیﷺ کا کیجیے

دولت کونین پانے کے لیے

آپؐ کی آمد ہی کافی ہے شہا

قبر کو روشن بنانے کے لیے

اچھا ہے ہم سے حال ہمارا نہ پوچھیے

 اچھا ہے ہم سے حال ہمارا نہ پوچھیے

کیا کیا ستم کیے ہیں گورا نہ پوچھیے

اس اشکِ غم نے دل میں لگا دی ہے کیسی آگ

مژگاں پہ ہے جو مثلِ ستارہ نہ پوچھیے

غم سہتے سہتے قوتِ گُفتار بھی گئی

کیا حال ہو گیا ہے ہمارا نہ پوچھیے

سخت وحشت میں اگر میں نے پکارا ہے مجھے

 سخت وحشت میں اگر میں نے پکارا ہے مجھے

اس کا مطلب ہے ابھی میرا سہارا ہے مجھے 

اس نے وحشت میں جب پکارا مجھے

خود کو دینا پڑا سہارہ مجھے

یہ زمیں گول ہے سو ممکن ہے

مل بھی سکتا وہ دوبارہ مجھے

جب پڑا الٹا پڑا پانسہ مری تدبیر کا

 جب پڑا الٹا پڑا پانسہ مری تدبیر کا

مِٹ نہیں سکتا کبھی لکھا کسی تقدیر کا

ہے خدا کے فضل پر موقوف پر موقوف ملنا دہر میں

منزلت،. عزت،. وجاہت،. مرتبہ توقیر کا

ہو سکے جتنا مِرے قاتل! چلا، خنجر چلا

چلتے چلتے آپ بھر جائے گا منہ شمشیر کا

وفا کے پیکروں کا جھمگٹا تھا

 وفا کے پیکروں کا جھمگٹا تھا

مگر پھر بھی جگر زخمی ہوا تھا

سرِ نوکِ سِناں اک سر سجا تھا

یہ منظر دیکھ کر دل کانپتا تھا

ہزیمت یوں اٹھانا پڑ رہی ہے

عدو کو شہر سارا جانتا تھا

کھنڈرات میں بھٹکتی صدا ہوں ترے بغیر

 کھنڈرات میں بھٹکتی صدا ہُوں تِرے بغیر

کیسے تجھے بتاؤں میں کیا ہوں ترے بغیر

کیسے ادا کروں تِری یادوں کا شکریہ

جِن کے سہارے زندہ رہا ہوں ترے بغیر

مدت سے ہجرِ یار میں جو خود ہے جل بجھا

میں راہ میں پڑا وہ دِیا 🪔 ہوں ترے بغیر