عارفانہ کلام حمد نعت منقبت
حرف کب معتبر نہیں ہوتا
مدح میں صَرف گر نہیں ہوتا
داغِ ہجراں کسے دکھاتے گر
تجھ سا خیرالبشر نہیں ہوتا
دل کو اعزاز ہے تِری آمد
ہر کسی کا یہ گھر نہیں ہوتا
سیدھا رستہ ہے نعت طیبہ کا
فکر میں در بہ در نہیں ہوتا
یہ بھی انگشت کا ہی صدقہ ہے
ورنہ ذرّہ قمر نہیں ہوتا
ہاتھ اُٹھتے ہی بھیک ملتی ہے
در پہ گر اور مگر نہیں ہوتا
تیرے رُخ سے تجلّیاں پائیں
ورنہ روشن قمر نہیں ہوتا
نعت لکھنا بھی ہے عطا فیضان
سب کو اس کا ہنر نہیں ہوتا
فیضان رضا
No comments:
Post a Comment