عارفانہ کلام حمد نعت منقبت
مثلِ خسرو بنوں میں غلام آپ کا
مجھ پہ ایسا ہو لطفِ دوام آپ کا
آپ تو حق تعالیٰ کے محبوب ہیں
کس زباں سے بیاں ہو مقام آپ کا
ہے ادائے محمدﷺ، ادا آپ کی
ہے نظامِ محمدﷺ، نظام آپ کا
محفلِ اولیائے اکابر میں ہے
روز و شب تذکرہ یا نظام آپ کا
چار سو ہند میں کس کا ہے دبدبہ
یا نظام آپ کا، یا نظام آپ کا
بہرِ تسلیم آئیں ملائک جہاں
کتنا دلکش ہے در اور بام آپ کا
خود فرشتے بھی اَمین کہنے لگے
جب دعا میں لیا میں نے نام آپ کا
بابا گنجِ شکر کا ہے فیض آپ پر
ہم پہ فیضان ہے یا نظام آپ کا
اک نگاہِ کرم سے نوازیں حضور
حاضرِ در ہے ادنیٰ غلام آپ کا
میں نے جو مانگا انسے ملا ہے ندیم
فیض جاری ہے یاں صبح و شام آپ کا
ندیم نوری برکاتی
No comments:
Post a Comment