بربادی سے اس شہر کو کیا یار بچائیں

 بربادی سے اُس شہر کو کیا یار بچائیں

یاروں سے جہاں یار ہی دستار بچائیں

یاروں کی عنایت سے ہوں میں دار پہ لیکن

یہ دار ہے منظور جو اغیار بچائیں

ہونا ہے گرفتار کسی روز تو دل کو

کیوں خود کو محبت سے بھی اک بار بچائیں

قاضی و نگہباں کو وفادار نہ جانو

ممکن ہے کہ یہ لوگ ہی غدار بچائیں

واعظ کی وعیدوں نہ ڈرایا ہمیں لیکن

ممکن ہے جہنم سے گنہگار بچائیں

بربادیِ اسباب ہیں مالی بھی کلی بھی

کس سے کہیں اکبر کہ یہ گلزار بچائیں

اکبر جلال