نہ جیت ویت کے معنی نہ ہار وار کا دکھ

 نہ جیت وِیت کے معنی نہ ہار وار کا دکھ

کہ میرے دل میں روندی گئی بہار کا دکھ

نہ بات وَات ضروری ، نہ دِید وِید کی بات

جو دِل اداس ہے اِس کو ہے انتظار کا دکھ

دغا وَغا کوبھی چھوڑا ، یہ جھوٹ موٹ بھی معاف

مجھے تو دے رہا آزار اعتبار کا دکھ

یہ پوچھنا بھی عبث کیوں کیے فریب وَریب

تِرے سِحر میں رہا ہوں، ہے اُس حِصار کا دکھ

تِرا بیان کہ جو ہے، وہ تھا ، مذاق وَذاق

یہ آخری بھی ہے کاری بھی ہنستے وَارکا دکھ

یہ موت ووت کا ڈر وَر ذرا نہیں مجھ میں

پر اُس کے بعد جو ہو گا، اُس انتشار کا دکھ

غرض ورض مجھے اکرام تجھ سے کچھ بھی نہیں

بس ایک بات، مجھے بھی ہے، بچھڑے یار کا دکھ

اکرام اللہ