بے تاب پاس شمع کے پروانہ آ گیا
کیا بات ہے کہ ہوش میں دیوانہ آ گیا
ساقی کی بارگاہ میں توبہ ہوئی قبول
خود ڈھونڈتا ہوا مجھے مے خانہ آ گیا
سجدوں کا میرے ناز اٹھانے کے واسطے
کعبے کے سامنے در جانانہ آ گیا
دامن کو میرے دیکھ کے حسرت کے ہاتھ میں
یاد ان کو اپنا لطف کریمانہ آ گیا
مجھ کو مِرے سوال پہ بخشا ہے دو جہاں
اب اعتبار طرز فقیرانہ آ گیا
تھی شیخ و برہمن کی مے و انگبیں پہ بحث
اتنے میں بڑھ کے کیفئ دیوانہ آ گیا
کیفی چریاکوٹی
No comments:
Post a Comment