عارفانہ کلام حمد نعت منقبت
دل میں اگر نہیں ہے محبت رسولؐ کی
کیسے کوئی کہے کہ ہوں امت رسولؐ کی
گر چاہتے ہیں آپ کہ راضی رہے خدا
کیجیے جناب دل سے اطاعت رسولؐ کی
اسلام کی مخالفت بہتوں نے کی ضرور
مانی مگر عدو نے بھی عظمت رسولؐ کی
دنیا کے گوشے گوشے میں آئے پیامبر
پائی مگر کسی نے نہ سیرت رسولؐ کی
سمجھو کہ دو جہاں میں وہی کامیاب ہے
جس کو نصیب ہو گئی الفت رسولؐ کی
ممکن نہیں کہ حشر میں ہو سرخرو کوئی
جب تک اسے ملے نہ شفاعت رسولؐ کی
شاہد درِ حضورﷺ کا دیدار ہو چکا
اب آرزو ہے دیکھ لے صورت رسولؐ کی
فضل حق شاہد عظیم آبادی
No comments:
Post a Comment