پُر ہول ہے یہ راہگزر دیکھتے چلیے
کٹتا بھی ہے یہ کیسے سفر دیکھتے چلیے
یہ کشمکش شمس و قمر دیکھتے چلیے
آہوں کا ذرا اپنی اثر دیکھتے چلیے
عالم میں بہت دھوم نزاکت کی مچی ہے
نازک ہے بہت ان کی کمر دیکھتے چلیے
حال دل معشوق اور ہم پوچھنے جائیں
اپنا ہی فقط زخم جگر دیکھتے چلیے
یہ حسن کا ان کے ہی تقاضا ہے شب و روز
جب چلیے ادھر سے تو ادھر دیکھتے چلیے
بیداریٔ شب ہو کہ ہو اک خواب پشیماں
یہ معجزۂ شام و سحر دیکھتے چلیے
احقر عزیزی
ڈاکٹر محمد عبدالقادر
No comments:
Post a Comment