زعفرانی کلام
مہرالنساء کے ساتھ تھا کل تک اور آج میں
زیب النساء کے ساتھ ہوں تم کس کے ساتھ ہو
تصویر میں جو دیکھ رہے ہو مجھے اداس
میں اہلیہ کے ساتھ ہوں تم کس کے ساتھ ہو
حمامِ عاشقی میں برہنہ نہیں ہوں میں
اک تولیہ کے ساتھ ہوں تم کس کے ساتھ ہو
دنیا ہوا کے ساتھ سفر میں ہے اور میں
آب و ہوا کے ساتھ ہوں تم کس کے ساتھ ہو
وہ بے خدا ہیں اور خدا میرے ساتھ ہے
اور میں خدا کے ساتھ ہوں تم کس کے ساتھ ہو
سب زاہدہ حنا کے مربی ہیں اور میں
جون ایلیا کے ساتھ ہوں تم کس کے ساتھ ہو
خالد عرفان
No comments:
Post a Comment