عارفانہ کلام حمد نعت منقبت
تصویر وفا پیکر ایثار ہیں سرکارﷺ
سچ کہتا ہوں کہ حق ہی کا اظہار ہیں سرکار
حالات میرے درپئے آزار ہیں سرکارﷺ
خاموش ہوں کہ میرے طرفدار ہیں سرکار
کیا ان کی مدح ہو کہ زباں اس سے ہے قاصر
رحمت کے کرم ہی کے آثار ہیں سرکارﷺ
ہر حسن زمانہ ہے تصدق میرے شہؐ پر
نازاں ہوں کہ ہر دور کے سرکار ہیں سرکار
سرکار مجھے در پہ بلا لیں زہے قسمت
ورنہ یہ شب و روز تو بے کار ہیں سرکار
کس طرح مسلماں ہوں خوابیدہ حالات
جب ان کے لیے جذبۂ بیدار ہیں سرکار
اے کاش معیں ہم کو توفیق عطا ہو
دشمن بھی ثنا خواں ہیں کہ کردار ہیں سرکار
معین الدین فیاضی
No comments:
Post a Comment