خوشی پر تِری ہر خوشی کو لٹا دوں
میں دنیا کی دل بستگی کو لٹا دوں
نچھاور کروں تجھ پہ چاند اور تارے
فلک کو، زمیں کو، سبھی کو لٹا دوں
اشارہ جو ہو تیرا، اے جانِ عالم
خوشی شے ہے کیا زندگی کو لٹا دوں
تِرے صدقہ کر دوں چمن کی بہاریں
گلستاں کی ہر ہر کلی کو لٹا دوں
جہاں چیز کیا ہے، یہ جاں چیز کیا ہے
رضا پر تِری میں خودی کو لٹا دوں
تمنا ہے دل کی یہی میرے اصغر
دیا اس نے جو کچھ، سبھی کو لٹا دوں
اصغر حسن مجیبی
No comments:
Post a Comment