اچھا ہے ہم سے حال ہمارا نہ پوچھیے
کیا کیا ستم کیے ہیں گورا نہ پوچھیے
اس اشکِ غم نے دل میں لگا دی ہے کیسی آگ
مژگاں پہ ہے جو مثلِ ستارہ نہ پوچھیے
غم سہتے سہتے قوتِ گُفتار بھی گئی
کیا حال ہو گیا ہے ہمارا نہ پوچھیے
تازہ نہ پھر سے کیجیے زخمِ دل و جگر
ماضی کے واقعات خدارا نہ پوچھیے
ہم کیا بتائیں ہم سے ہے بے گانہ کس قدر
کہتے ہیں جس کو لوگ ہمارا نہ پوچھیے
برجیس طلعت نظامی
No comments:
Post a Comment