پیمانہ ترے لب ہیں آنکھیں تری میخانہ

 پیمانہ ترے لب ہیں آنکھیں تری مے خانہ

جس نے بھی تجھے دیکھا، تیرا ہوا دیوانہ

اس طرح بدل جانا اک پل میں ترا ساقی

ہر شخص بلاتا ہے کہہ کر تجھے بے گانہ

مشہور زمانے میں ہے دریا دلی تیری

اک جام دے مجھ کو بھی اے ساقیٔ مستانہ

اے شمع تیری لو میں وہ کون سی خوبی ہے

جو تجھ سے گلے مل کر جل جاتا ہے پروانہ

جو پاس ہے ساگر کے سب کچھ ہے ترا ساقی

جاں بھی ترا تحفہ ہے، دل بھی ترا نذرانہ

ساگر جلال آبادی