چھیڑئیے ساز جگر آج یہ دل شاد رہے

 چھیڑئیے سازِ جگر آج یہ دل شاد رہے

ڈوب جاؤں انہی لمحوں میں نہ کچھ یاد رہے

میری خوابیدہ نگاہوں سے نہ چھینو یہ ساماں

ذہن کچھ دیر کو تو خوشیوں سے آباد رہے

ہم کو چاہو تو ذرا ٹوٹ کر چاہو ایسے

آنکھ میں شکوے نہ لب پر کوئی فریاد رہے

ہلکی مدھم سی یہ شمع کی لو جلتی رہے

رات کی رانی کی خوشبو سے فضا آباد رہے

ریت پر بنتے نشاں قدموں کے جو مٹنے لگے

آنکھ سے خواب گئے لب پہ بھی فریاد رہے

گیت سارہ کے لبوں پر جو مچلتے تھے کبھی

نہ رہا عشق وہ اور گیت بھی بے داد رہے

سارہ جبیں