چشمِ ساقی ادھار دی جائے
یا مِری پیاس مار دی جائے
خواب تعبیر کر رہا ہوں میں
وہ مِرے منہ پہ مار دی جائے
دل محلہ بہار مانگتا ہے
وہ گلی سے گزار دی جائے
اس کو دیکھا تو یہ خیال آیا
جان اس پر یہ وار دی جائے
میری عزت ہے لاڈلی میری
کیسے سرحد کے پار دی جائے
دل میں تصویر ٹانکنی ہے نئی
پہلی فوٹو اتار دی جائے
آئینِ عشق میں وفا صاحب
اب تو لازم قرار دی جائے
اس مبشر کو دولتِ ایماں
یا خدا بے شمار دی جائےِ
مبشر میو
No comments:
Post a Comment