عارفانہ کلام منقبت بر سیدنا ابوبکرؓ
آقاﷺ کی نبوت کے نگہدار ابوبکرؓ
اسلام کے پہلے سپہ سالار ابوبکرؓ
اک بار بھی آیا نہ کوئی ان کے مقابل
اصحابؓ کو تسلیم تھے سردار ابوبکرؓ
ایندھن ہے جہنم کا وہ ملعون یقیناً
دیتا ہے جو کچھ بھی تجھے آزار ابوبکرؓ
تو ثور کے اس غار میں جھانکے تو کُھلے گا
آقاﷺ کے تنِ پاک کے بردار ابوبکرؓ
اللہ کے احکام سے پیچھے نہ ہٹے تھے
سرکارؐ کے کردار سے سرشار ابوبکرؓ
گھر بار لُٹایا تھا اشارے پہ نبیؐ کے
اسلام کے ایوان کے معمار ابوبکرؓ
ایمان میں اعمال میں لازم ہے اطاعت
قرآن نے ٹھہرائے ہیں معیار ابوبکرؓ
احمد عقیل
No comments:
Post a Comment