تسکین روح کے لئے سامان نعت ہے

 عارفانہ کلام حمد نعت منقبت

تسکینِ روح کے لیے سامانِ نعت ہے

"ہر شعبۂ حیات میں اِمکانِ نعت ہے"

میرے نبیؐ کا پہلا ثنأ خواں ہے میرا رب

قرآن سب سے پہلا تو دیوانِ نعت ہے

ذکرِ رسولِ پاکﷺ ہی ہوتا ہے جا بجا

ہر آئینے کے رُخ پہ ضیا بانِ نعت ہے

خُوشبو ہے ذہن میں مِری سانسیں ہیں عطر بیز

گردِ مشام بُوئے گُلستانِ نعت ہے

زیور ٹٹولتی ہوں نہ زر ڈھونڈتی ہوں میں

دل کو تو میرے ہر گھڑی ارمانِ نعت ہے

پڑھ کر تو دیکھیۓ ذرا نعتیں رسولؐ کی

کس طرح جاری آج بھی فیضانِ نعت ہے

سجتی ہیں میرے قلب میں نعتوں کی محفلیں

رابیل! دل یہ دل نہیں ایوانِ نعت ہے

گل رابیل